Kòlòrzìyà 2:12 - Mokpwe: Bakwery (New Testament)

¹² È hvonda ema è mà lùhwìrzɛ̀hwɛ̀, è mà hwɛ ndi nàa è mà ŋwa, hwa imeya, rzìi Lohwɛ̀ à è hvùmùlɛ̀ nà Krirztò. Ène eyà è mà è gbèyɛ̀nɛ nanù ehwànja è mà lòkɛ̀ nanù ema, è ŋginyà yà ama Lohwɛ̀ ema è mà hvùmùlɛ̀ Krirztò è ò è hvùmùlɛ̀ inyɔ hvɛ.

Kòlòrzìyà 2:12 Mawu Ofanana

Lukàrzɛ̀ 17:5

I àpɔ̀rzìtòlò rzi jò òhweyà è Rzàŋgò nanù ema, “O jò ètirzɛ màlòkɛ̀ ma arzu.”

Hwègbèèlì 14:27

Nà òma wɔ̀ hwà mà uke ò mbòwa ndɛnɛ ya Antìyɔ̀kì, wɔ̀ hwà mà rzaŋga hwatò hwa ŋmèmba èki yɔ̀kɔ rzìi hwà hwa òhweyà mamɛ ya arzɛ ema Lohwɛ̀ à mà gbèyɛ lì akeyà na wɔ̀. Wɔ hwà mà hwa òhweyà nɛ Lohwɛ̀ à mà lìhvòweya e njiya ò hwatò ema hwa rza enje wònyà Yudà, ò lì lòkɛ̀ Yerzù.

Hwègbèèlì 2:24

Ndi tɔ̀ nanù Lohwɛ̀ à mà mò hvùmùlɛ̀ ò kpelì, a mò rzòlohwà hvɛ ò mòrziyò mò kpelì èhwanja e ma ambana e kpelì ò lì mò lɛmbɛ nàa mòtò wa hwèwòwà.

Hwègbèèlì 2:32

Lohwɛ̀ a mà hvùmùlɛ̀ òŋgò Yerzù ò kpelì ndèŋgàna irzɔ hwa arzɛ i hwèlì mbòŋgi nanù ema à mà hvùmuwa.

Ròmànì 4:24

Ène mbɔrzi e jò hvòmɛ̀nɛ̀ irzɔ hvɛ. Lohwɛ̀ a ò jò emeyà irzɔ hvɛ ema i lòkɛ̀ nàa hwatò ema hwa tɛmi ehve-ehve, mɔ̀ ema à mà hvùmùlɛ̀ e Rzàŋgò ya arzu Yerzù Krirztò, ò kpelì.

Ròmànì 7:4

Wònyamòwè kòkò, nanù ndi e hwèlì na inyɔ. È mbenda e rza ò kànèyà hvɛ èhwanja na òma Yerzù à mà ŋwe inyɔ hvɛ e ma ŋwa. O nàŋgɛ nanù, e hwèlì ndi hwatò hwa òhvɛhvɛ mòtò, Yerzù ema Lohwɛ̀ a hvùmùlɛ̀yi aŋga nanù i gbèeyà Lohwɛ̀ gbamù.

1 Kɔ̀rintìyà 12:13

Nànù mɛnɛ hvɛ ndi e hwèlì na irzɔ hwa arzɛ e hwɛ ndi ŋga wònyà Yudà o tɔ̀ hwaŋga ema hwa rza enje wònyà Yudà tɔ̀ e hwɛ ndi ŋga hwàkòmì tɔ̀ e hwaà wònjà irzɔ hwa arzɛ i lùhwìrzɛ̀hwɛ̀ ndi na èlìŋgɛ̀ yà wòtani, o tenì ya èŋge nyo ya ahvɔ̀kɛ. Ndèŋgana Lohwɛ̀ à mà jo rzòòkɛ èŋge èlìŋgɛ̀ yà wòtani mɛnɛ o tenì ya mèèmà me arzu.

1 Kɔ̀rintìyà 15:20

Ndi e jɔ̀kɛ̀ e hwèlì ndi nanù ema, Lohwɛ̀ ama hvùmùlɛ̀ Krirztò o kpelì. Krirztò ndi à hwèlì e mòtò wa worzò o lì hvùmùwà o kpelì, o tenì ya hwatò hwa arzɛ e ma hwà mà ŋwɛɛ.

Gàletìyà 3:27

Nà oma è mà lùhwìrzɛ̀hwɛ̀, ò eŋgànɛ̀lɛ̀ è hwèlì ndi mɔ̀kɔ naŋgɛ nà Krirztò, ndeŋgànɛ̀lɛ̀ è hwɛni wònjà nàa mɔ̀.

Ɛ̀hvìrzìyà 2:8

È ndèli ya ama Lohwɛ̀ yɔ ndi ye e rzuŋgi, èhwanja e lòkɛ̀ Krirztò ɔ̀ndeŋgàtɛ̀ e lu lìŋgi lì oŋgirzɛ. Rzeketɛ hweyà ema e gbèeyà ndi hwe gbèyi e lu lì oŋgirzɛ. Li oŋgirzɛ ema e lu, lì hwèlì ndi jàhwèyà ja ama Lohwɛ̀.

Ɛ̀hvìrzìyà 3:17

Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.

Ɛ̀hvìrzìyà 3:7

Ŋmɛ̀ndì mò Gbamù mono ema nà ohwa nanù. Lohwɛ̀ à mà gbeyàna è ndèli yà eni ò lì nò ŋgba ene èwòlò. Ndeŋga nà gbèeyà ene èwòlò lì akeyà nà è ŋginyà yà eni.

Ɛ̀hvìrzìyà 4:5

Irzɔ hwa arzɛ i hwɛni ndi Rzàŋgo hvɔ̀kɔ. Ndèŋgàna irzɔ hwa arzɛ jò òhvi ndi lì lòkɛ̀ lɔ̀kɔ̀, ndèŋgànà i lu hvɛ ndi lì lùhwìrzɛ̀ lɔ̀kɔ̀.

Ɛ̀hvìrzìyà 5:14

Ŋmàye ndi mo wuluhwa hweyà hwe wòhwe. Ɔ̀ndeŋgàtɛ̀ e ohwahwi nanù ema, “O wa ema o nàŋgaa imòwa, hvùmùwà o kpelì. Ŋmàye mo ama Krirztò mo uŋmɛ̀lɛ̀ o nyo ya aŋgɔ̀.”

Hvìlipìyà 1:29

Lohwɛ̀ a gbeyànì ŋmèma mo eni mo gbamù nanù ema inyɔ e gbèeyà Krirztò, rzeketɛ o lì lòkɛ̀ Krirztò mɛnɛ, ndi o lì tàkirzɛhwɛ o nyòla ama Krirztò.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

Kòlòrzìyà 2:13

Ò mòlòmɛ̀ inyɔ è mà hwɛ ndi nàa ò à ɛnɛ ema è mà ŋwa, ehwànja è mà hwɛ lì unda è mbenda yà ama Lohwɛ̀. Ndèŋgàna ò eŋge hvonda, ema Krirztò à è ulɛ̀ ɛ̀ɛ̀mɛ̀ ya anyu yà wòhwe ò nyo. Ndi ò nàŋgɛ Lohwɛ̀ à mà è ŋgba lòŋgɛ lì hvènya nàa oma à mà jò hvùmùlɛ̀ nà Krirztò. À mà jò làkìrzɛ wòhwe wò arzu wò arzɛ.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 6:2

Hwa okolɛ hwatò lì hvomɛ̀nɛ̀ lìlùhwìrzɛ̀, na lì hvomɛ̀nɛ̀ lì hwàkɛ la màa o meyohvo me hwatò, ndèŋgànɛ̀lɛ̀ i hwi nanù ema hwa àŋgàmɛ̀nɛ̀yi lì okolɛ hwatò lì hvomɛ̀nɛ̀ hwèhvùmùwèlì hwe kpèelì, na lì hvomɛ̀nɛ̀ hwèkàyìrzèlì ema hwe hwèlì natɛ̀ɛ na o gbìndèyà.

1 Pètrò 3:21

Ndeŋgànɛ̀lɛ̀ manù malìhwà mà tɛmelì ndi lìlùhwìrzɛ̀. O naŋgɛ, lìŋgi lìlùhwìrzɛ̀ lɔ ndi lì gbèyi ɔ̀ndeŋgàtɛ̀ hwatò hwa rzùŋgahwì o lì akeyà na e ŋginyà ya hwèhvùmuwèlì hwe ama Yerzù Krirztò. Lìlùhwìrzɛ̀ lì rza enje ndi o lì ulɛ la ŋmiŋgo ò nyo, ndi lì hwèlì ndi o lì emeyà o lì gbèeyà Lohwɛ̀ na ŋmèma mo rzàŋgi.