Kòlòrzìyà 2:10 - Mokpwe: Bakwery (New Testament)

¹⁰ Ò eŋgànɛlɛ rzɔ, è ohvi lòŋgɛ ema lì ondi, ehwànja è hwèlì mòtò mɔ̀kɔ nà Krirztò. Ndeŋgànɛlɛ mɔ̀ ndi à hwèlì è mɔ̀ ema à kànèyà iŋginyà nà màkànèyà mà arzɛ.

Kòlòrzìyà 2:10 Mawu Ofanana

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Yòwanìrzɛ̀ 1:16

Nà òma mɔ̀ à òndi nà ndèli, ò èŋgànɛ̀lɛ̀ irzɔ hwa arzɛ ì lu mònàmɛ̀ mɔ̀kɔ, mɔ̀kɔ nà ɔ̀nɛyi.

1 Kɔ̀rintìyà 15:24

O mburzà ya hvonda lìrzukù lì o jà. O èŋge hvonda hwèlìŋgɛ̀ ema hwe kànèyà, Hwàkànèlì na iŋginyà ja ene rze, Yerzù a hwa lìmìrzɛ̀ iŋginyà ja awu jarzɛ. Aŋga ndi à o ŋgbɛ lìkànèyà oma Tatà Lohwɛ̀.

Ɛ̀hvìrzìyà 3:10

Lohwɛ̀ à mà gbeyà ndi nanù, aŋga nanù hwàkànèlì nà iŋginyà jà è ŋmanyu yà lohwà hwa ɛnɛ nà oma mɔ̀ à ohvi lìhwiyè ò hweyà hwe arzɛ ema mɔ̀ à gbeyà naŋgɛ ò lì akeyà nà lì arzàŋganɛ là hwatò hwa Lohwà.

Ɛ̀hvìrzìyà 3:19

Nà kànɛ̀ hvɛ nanù ema tɔ̀ nɛ tɔ̀ mòtò tɔ̀ mɔ̀kɔ à rza tànɛyi lì hwiya kɔ̀yi-kɔ̀yi nɛ Krirztò ò jɔ̀kɛ̀ à è lìŋgàni inyɛ Lohwɛ̀ à è gbeye è rzɔ̀ŋgìtɛ̀nɛ̀. Nà kànɛ̀ nanù, aŋga nanù hwègbèèlì hwe anyu hwe hwɛ ndi nàa è hwe ama Lohwɛ̀.

Kòlòrzìyà 2:15

Lohwɛ̀ à mà aka iŋginyà nà hwàkànèlì hwa ene rze. Nà oma à mà wà aka ò tenì è mà ɛnɛhwɛ nà tɔ̀ ima mòtò nà oma Krirztò à mà ŋwe ò mbàrza.

Kòlòrzìyà 3:11

ò rza enje hwèkàkòwèlì ò hwatò hwa wònyà Yudà nà hwatò ema hwa rza enje wònyà Yudà, tɔ̀ mòtò ema à endàhwì tɔ̀ è mɔ̀ ema à rza endàhwɛ̀. Ò rza enje hwèkakòwèlì ŋga mòtò à hwèlì ndi ŋmɛ̀nì tɔ̀ mòtò wà hwaŋga tɔ̀ mòtò wà wònja. Krirztò ndi à hwèlì hweyà hwe arzɛ, ndèŋgànɛlɛ à hwèlì ò tenì yà inyɔ hwa arzɛ.

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.