Kòlòrzìyà 2:1 - Mokpwe: Bakwery (New Testament)

¹ Nà lìŋgàni nanù ema e hwiye nɛ imba nà mà ahvahvɛ o lì e gbèeyà na o hwaŋga hwatò hwa e mbowà ndɛnɛ ya Làwòdèrzìyà. Ndeŋgànɛlɛ e hwiye hvɛ nɛ imba nà mà ahvahvɛ o lì gbèeyà hwanɛyi hwatò ema hwa rzi no ɛni na mìirzɔ ma awu.

Kòlòrzìyà 2:1 Mawu Ofanana

Lukàrzɛ̀ 22:44

À mà kànɛ ije-ije, nà òmà à mà òhve, è ndùtù ò ŋmèma, etòkò ema è mà hwɛ lì mò wurzà, è mà tɔ̀ ndi nàa màtɔ̀ mà màyija ò mɔ̀nyɛ̀.

Hwègbèèlì 20:25

“Nà ma hwɛ na inyɔ, rzìi na a e òhweyà lì hvòmɛ̀nɛ̀ lìkànèyà la ama Lohwɛ̀. O naŋgɛ na hwi nanù ema tɔ mɔ̀kɔ wa anyu a rza ò nò ɛnɛ hvɛ.

Hwègbèèlì 20:38

Mamɛ ema e ma hwa lɛmbirzɛ ndùtù rzayi-rzayi, e ma hwɛ ndi e mbɔrzi ema Pàwolò à mà òhwe nanù ema, wɔ hwa rza ò mò ɛnɛ hvɛ. O eŋgànɛ̀lɛ̀ rzɔ hwà mà ɛndɛ ò lì mò lìyɛlɛ ò lì kpèeyà ò melì me ŋmànja.

Gàletìyà 4:19

Ìi hwàanà hwa ami kòkò, o nyòla inyɔ na hweyà mòrziyò ema mo gbèyi ndi nàa molanà ema a hwèlì o mòrziyò mo lìyalì. Ndeŋgànɛ̀lɛ̀ na hweyà moŋgo mòrziyò natɛ̀ɛ ɛ̀ɛ̀mɛ̀ ya ama Krirztò è ò è kpèeyà gbamù.

Hvìlipìyà 1:30

O naŋgɛ inyɛ ja aneya ŋmɛ̀ndì mò gbamù. Èŋge nyayi ya njuma ema e ma ɛnɛ nà mà ane yɔ mɛnɛ hvɛ ndi na hwèlì lì ana naŋgɛ.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

Kòlòrzìyà 2:5

Tɔ nɛ na rza enje na inyɔ o nyo, na hwèlì na inyɔ o èlìŋgɛ̀. Tɔ nɛ imba na rza enje na inyɔ na ohvi mɔ̀nyɛ̀ŋgì nanù ema lì lòkɛ̀ la anyu o ma Krirztò lì imbami nanù mɛnɛ.

1 Tɛ̀rzàlonìyà 2:2

Inyɔ hwiti e hwi nɛ hwà mà jo hwɛnyɛ na lì jo tàkirzɛ wòhwe o e mbowà ya Hvìlìpì ndèŋgànà je e jèeya o e mbowà ya Tɛ̀rzàlonìya. Tɔ̀ nɛ o ma hwɛ hwatò hwà mà jo teŋgɛ̀nɛ̀ rzayi-rzayi, Lohwɛ̀ la arzu a jo etìrzɛ mèèmà me arzu o lì e ohweyà Ŋmɛ̀ndì mò Gbamù ema mo uwɛ̀lɛ̀lɛ̀yi na mɔ̀.

Hibrù 5:7

È hvonda ema Yerzù à mà hwɛ ò è rze yà mɔ̀nyɛ̀, à mà hwɛ lì kànɛ, lì atɛkɛ Lohwɛ̀, à mà hwɛ lì eeya lùwa lì ndɛnɛ, ndèŋgànɛ̀lɛ̀ mììrzɔ̀lì ma mà hwɛ lì mò wurza. À mà hwɛ lì kànɛ̀lɛ̀lɛ̀ Lohwɛ̀ ema à tanɛyi lì rzùŋga lòŋgɛ là eni. Lohwɛ̀ à mà hweyàna lìkanɛ̀ là eni, èhwanja mɔ̀ à hwɛni wɔ̀ɔ̀ŋgɔ̀ wo ama Lohwɛ̀ o tenì ya eni.

1 Pètrò 1:8

Inyɔ e mo lìŋgàni, tɔ̀ nɛ e rzi mo ɛni. Inyɔ e mo lòkɛ̀yi tɔ̀ nɛ o naŋgɛ e rzi mo ɛni. O eŋgànɛ̀lɛ̀ rzɔ inyɔ e oke mɔ̀nyɛ̀ŋgi, na màlìŋgo ma ndɛnɛ ema mà rza ohwawa.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”