Kòlòrzìyà 1:9 - Mokpwe: Bakwery (New Testament)

⁹ Ò lìni lìtiŋgà rzɔ, irzɔ i hwèlì jè è kànɛ̀lɛ̀lɛ̀ tɔ̀ ima hvonda. Ì kanɛ̀ nanù ema inyɛ Lohwɛ̀ à gbèye inyɔ è rzɔ̀ŋgìtɛ̀nɛ̀ kɔ̀yi-kɔ̀yi eyà ema mɔ̀ à arza nanù ema è gbèyè. Ì kanɛ̀ nanù ema Lohwɛ̀ à è ŋgbe lìhwiyè nà lì rzɔ̀ŋgìtɛ̀nɛ̀ aŋga nanù è rzɔ̀ŋgìtɛ̀nɛ̀ gbamù eyà yà Èlìŋgɛ̀.

Kòlòrzìyà 1:9 Mawu Ofanana

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Hwègbèèlì 12:5

O èŋgànɛ̀lɛ̀ Pètrò à mà aŋgɛhwɛ ò hwèwòwà, ndi ŋmèmba mò hwatò hwa Krirztò mò ma hwɛ lì mò kanɛ̀lɛ̀lɛ̀.

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

1 Kɔ̀rintìyà 1:5

Linì lì ahvìyànɛ̀ nà Krirztò, lì è gbèyi Lohwɛ̀ à è ŋgbelì hweyà hwe arzɛ. À è gbèyi ema è ohwe Ŋmɛ̀ndì mò Gbamù, nɛ̀ mò hwɛnì lì ohwàhwà. Nà lì è gbeyà hvɛ nanù ema è rzɔ̀ŋgìtɛ̀nɛ̀ hweyà ema hwe mò hvomɛ̀nɛ̀.

Ɛ̀hvìrzìyà 1:8

A jo ŋgbelì ene ndèli ya arzɛ, rzìi a jo ŋgbelì hvɛ lìhwiyè rzayi-rzayi na lì jo gbèeyà o lì rzɔ̀ŋgìtɛ̀nɛ̀ hweyà rzayi-rzayi.

Ɛ̀hvìrzìyà 5:10

O èŋgànɛ̀lɛ̀ e keke lì hwiya mamɛ ema e lìŋgìrzɛ e Rzàŋgo.

Ɛ̀hvìrzìyà 5:17

O èŋgànɛ̀lɛ̀ rzɔ è rzì hwɛ nàa hwèeti hwe hwatò. È àŋgàmɛ̀nɛ̀ ndi lì rzɔ̀ŋgìtɛ̀nɛ̀ eyà ema e Rzàŋgo e arzà nanù ema e gbèyè ndèŋgàna ye e gbeyà.

Ɛ̀hvìrzìyà 6:6

È rzi hwa gbèeyà ndi lìrzakò mɛnɛ ema hwa ɛnɛ̀ ò lì arza nanù ema hwa yè eke. Ndi inyɔ nàa hwàkòmì hwa ama Krirztò nà oma è gbèeyà Lohwɛ̀ inyɛ è uwɛ̀lɛ̀lɛ̀yì natɛ̀ɛ nà ò tenì yà mèèmà mè anyu.

Hvìlipìyà 1:4

Nà oka mɔ̀nyɛ̀ŋgì tɔ̀ ima hvonda ema nà è kanɛ̀lɛ̀lɛ̀ inyɔ hwa arzɛ.

Kòlòrzìyà 1:6

Mono ŋmɛ̀ndì mò gbamù ema mò jànà mònàmɛ̀ mò ama Lohwɛ̀, mò hwèlì mò ohwahwɛlɛ nà lì nyàla ò è rze ya arzɛ. Wùùnyà wò worzo ema è mà mò hwèye, inyɔ è mà rzɔ̀ŋgìtɛ̀nɛ̀ nanù ema Lohwɛ̀ à hwɛ̀nèlì hwatò hwa wòhwe ŋmèma mo gbamù.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

Kòlòrzìyà 4:5

È hwɛni lì aŋgowa nà oma inyɔ è gbèeyà nà hwaŋga hwatò ema hwa rza enje hwàlokelì hwa ama Krirztò. È gbeyàne ihveyo ja arzɛ ema e lùu o lì gbeyà gbamù.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

1 Tɛ̀rzàlonìyà 5:17

È kànɛ ihvonda ja arzɛ,

2 Tɛ̀rzàlonìyà 1:11

Nà oma hwene hweyà hwe arzɛ hwe jò hwèlì ò tenì yà mèèmà mè arzu, ɔ̀ndeŋgàtɛ̀ jè è kànɛlɛlɛ. Ì kanɛ̀ nanù ema, Lòohwà là arzu à è gbèeyà nanù ema è ò tànɛ ò lì lùwa hwèèmà hwe gbamù ema mɔ̀ à arza lì è gbèeyà nà oma mɔ̀ à mà è hvɔ̀rzɛ̀ ò lì hwɛ hwatò hwa eni. Ndèŋgànɛlɛ i kànɛ hvɛ nanù ema, à gbeyàne è ŋginyà yà eni ò lì gbeyà hweyà hwe arzɛ hwe gbamù ema inyɔ è arza, è ò hwe lùwa, ehwànja è lòkɛ̀ Krirztò.

Hvìlɛ̀mɔ̀nì 1:4

Ŋmanyàŋgò wà ami Hvìlɛ̀mɔ̀nì, tɔ̀ ima hvonda ema nà kanɛ̀, nà eka Lohwɛ̀ ò nyòla aŋgɔ̀.

Hvìlɛ̀mɔ̀nì 1:6

Nà kanɛ̀ nanù ema, là arzàŋgànɛ là arzu nàa hwàlòkèlì hwe gbeyà inyɔ è rzɔ̀ŋgìtɛ̀nɛ̀ kɔ̀yi-kɔ̀yi hweyà hwe gbamù hwe arzɛ ema Lohwɛ̀ à mà jò ŋgbɛ. Ène eyà è gbeyà nanù ema ŋmàye mò ama Krirztò mò ɛneyà.

Hibrù 10:36

È hweni ndi o lì àjùlɛ̀, aŋga nanù e gbeyà ndi na oma Lohwɛ̀ a àrzeyà, ndèŋgàna inyɔ e lùwa mamɛ ema Lohwɛ̀ a kàkɛ̀nɛ̀ nanù ema e luwa.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

Jèmìrzì 1:5

Ndi tɔ̀ ima mɔ̀ wa anyu ema a rza hwɛnɛ lìhwiyè, a kànɛ Lohwɛ̀, a mo ŋgbàà e lɔ̀. Lohwɛ̀ ndi à gbeyàna ŋmèma mo eni mo awɔ̀kɛ o lì ŋgba tɔ̀ ima mòtò lìhwiyè. Mɔ̀ Lohwɛ̀ a rza timbana tɔ̀ mòtò mburzà ndèŋgànɛ̀lɛ̀ a mo ŋgba e lɔ.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

1 Pètrò 2:15

È hwèlì ndi hwètɛ̀yirzèlelì hwe ama Lohwɛ̀ nanù ema, lì akeyà na hwègbèèlì hwe anyu hwe gbamù ema e gbeyà, e hwɛni lì tɛmirzɛ e mbɔrzi ya ŋgundu ema hwatò hwa èèti hwa ohwa o lì e teŋgɛ̀nɛ̀.

1 Pètrò 4:2

O ene ŋgànà rzɔ, lì wòteyà naŋgɛ lòŋgɛ la anyu la ene rze lì hwɛni ndi lì hwɛ na oma Lohwɛ̀ àrzeyà rzeketɛ ema hweyà hwe rze hwe a e kànèyà.

1 Yòwanìrzɛ̀ 2:17

Ène rze na tɔ̀ mamɛ ema e hwèlì o tenì ema hwatò hwa ohvi e nyɔ̀ŋgi o lì luwa ya aka lì aka, ndi tɔ̀ njɛnɛ ema a gbeyà lì emeyà la ama Lohwɛ̀, a o hwɛ o lòŋgɛ na Lohwɛ̀ natɛ̀ɛ na o gbìndèyà.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.