Kòlòrzìyà 1:8 - Mokpwe: Bakwery (New Testament)

⁸ Ndeŋgànɛ̀lɛ̀ mɔ̀ ndi à jò òhwèlì nanù ema Èlìŋgɛ̀ yà Wòtani è mà gbeyà nanù ema inyɔ è lìŋgàne hwatò hwa ama Lohwɛ̀.

Kòlòrzìyà 1:8 Mawu Ofanana

Makòrzì 4:22

O rzà ènje tɔ̀ eyà ema e utahwi ema e rzà ò wurza ò mòteŋyi. O rzà ènje hvɛ tɔ̀ eyà ema e utami ema e rzà ò hwiyɛ̀nɛ̀.

Ròmànì 15:30

Ìi wònyamòwè kòkò, ò lìna la ama e Rzaŋgò Yerzù Krirztò, ndèŋgànà lì hvòmɛ̀nɛ̀ e ndòlo ema e uwɛ̀lɛ̀lɛ̀yi ò èlìŋgɛ̀ ya eni, imba na e atɛkɛ nanù ema i late màa ò lì nò kànɛ̀lɛlɛ na ŋginyà nanù ema Lohwɛ̀ a nò òŋgòwane.

Ròmànì 5:5

Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Kòlòrzìyà 1:4

Irzɔ jè èka Lohwɛ̀ ehwànja, irzɔ i mà hweyà lì hvomɛ̀nɛ̀ lìlòkɛ̀ là anyu là ama Yerzù Krirztò. Nà è ndìŋgɛ yà anyu ema è hwɛ̀nèlì hwatò hwa arzɛ hwa ama Lohwɛ̀.

2 Tìmotì 1:7

Lohwɛ̀ à rza jò gbèyi ndi nà nanù ema jò òke wɔ̀ŋgɔ̀ ò lì mò gbèeyà. Ndi èlìŋgɛ̀ ya eni è mà jò ŋgba ŋginyà ò lì mò gbèeyà, è mà jo gbeyà nanù ema irzɔ i lìŋgàne hwatò, è mà jò gbèeyà nanù ema jà alɛ̀mbɛ irzɔ hwiti.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.