Kòlòrzìyà 1:4 - Mokpwe: Bakwery (New Testament)

⁴ Irzɔ jè èka Lohwɛ̀ ehwànja, irzɔ i mà hweyà lì hvomɛ̀nɛ̀ lìlòkɛ̀ là anyu là ama Yerzù Krirztò. Nà è ndìŋgɛ yà anyu ema è hwɛ̀nèlì hwatò hwa arzɛ hwa ama Lohwɛ̀.

Kòlòrzìyà 1:4 Mawu Ofanana

2 Kɔ̀rintìyà 7:7

Rzeketɛ hwejèelì hwe eni mɛnɛ ndi hwe ma jo lìŋgìrzɛ, ndi lì kɔ̀mɛ̀lɛ̀ la eni lì ma jo òkirzɛ mɔ̀nyɛ̀ŋgì. Mɔ̀ à mà jo òhweyà nɛ inyɔ e lìŋgàni o lì no ɛnɛ, à mà no òhweyà hvɛ nɛ o ma hweye wòhwe o mèèmà me aŋgɔ̀ na oma o rzi no òkirzɛ mɔ̀nyɛ̀ŋgì. A ma no òhweyà hvɛ nɛ inyɔ e hwɛni mèèmà o lì no ikana ekohva. Nà oma Tàyìtùrzì à mà jo òhweyà hwene hweyà hwe arzɛ, nà mà oka mɔ̀nyɛ̀ŋgì rzayi-rzayi.

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

Gàletìyà 3:28

Ò eŋgànɛ̀lɛ̀ rzɔ, o rza enje lì akahwanɛ ò hwaŋga ema hwa hwèlì wònyà Yudà nà hwaŋga ema hwa rza enje wònyà Yudà, ò hwàkòmì nà ò hwaŋga ema hwa hwèlì wònja, ò wunyanà nà hwalanà. Inyɔ hwa arzɛ è hwèlì ndi mòtò mɔ̀kɔ èhwanja è lòkɛ̀ Yerzù Krirztò.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Ɛ̀hvìrzìyà 1:15

Ò lìni lìtiŋgà nà mà hweyà nanù ema è lòkɛ̀ Rzàŋgo Yerzù Krirztò nà lì lìŋgàna hwatò hwa arzɛ hwa ama Lohwɛ̀. Ò èŋgànɛ̀lɛ rzɔ,

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

Kòlòrzìyà 1:9

Ò lìni lìtiŋgà rzɔ, irzɔ i hwèlì jè è kànɛ̀lɛ̀lɛ̀ tɔ̀ ima hvonda. Ì kanɛ̀ nanù ema inyɛ Lohwɛ̀ à gbèye inyɔ è rzɔ̀ŋgìtɛ̀nɛ̀ kɔ̀yi-kɔ̀yi eyà ema mɔ̀ à arza nanù ema è gbèyè. Ì kanɛ̀ nanù ema Lohwɛ̀ à è ŋgbe lìhwiyè nà lì rzɔ̀ŋgìtɛ̀nɛ̀ aŋga nanù è rzɔ̀ŋgìtɛ̀nɛ̀ gbamù eyà yà Èlìŋgɛ̀.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

1 Tɛ̀rzàlonìyà 3:6

Ndi o nàŋgɛ nanù Tìmòtì ema à mà jà lì ehvɛhvɛ à mà jo timbeya, mɔ̀ à jo jànelì ŋmɛ̀ndì mò gbamù nanù ema, inyɔ e lòkɛ̀ Krirztò nanù mɛnɛ ndèŋgànɛ̀lɛ̀ inyɔ e alìŋgànɛ mɔ̀kɔ na ɔ̀nɛyi nanù mɛnɛ. A ma jo òhweyà hvɛ nanù ema e jo ohvanì mɔ̀ŋgɛ̀lɛ̀ ma gbamù, ndèŋgànɛ̀lɛ̀ e okelì hvɛ o lì jo ɛnɛ nyayi hvɔ̀kɔ mɛnɛ na oma irzɔ hvɛ ja okeya o lì e ɛnɛ.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

Hvìlɛ̀mɔ̀nì 1:5

Nà eka Lohwɛ̀ ehwànja nà hweyà nanù ema ò lìŋgàni hwatò hwa arzɛ hwa ama Lohwɛ̀, ndeŋgànɛlɛ ò mà ika ŋmèma mò aŋgɔ ò mà Rzàŋgo Yerzù Krirztò.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

1 Yòwanìrzɛ̀ 3:14

Irzɔ ì hwi nanù ema ì mà rzuwàna è ŋginyà yà è kpelì ò naŋgɛ ì hwɛni lòŋgɛ là gbìndèyà, ì hwi nanù ehwànja jà alìŋgànɛ̀yi mɔ̀kɔ nà ɔ̀nɛyi. Tɔ̀ ima mòtò ema à rza uŋmɛ̀lɛ̀ wònyànyàŋgo hwa Krirztò è ndìŋgɛ à èlelì ndi ò rze yà è ŋginyà yà kpelì.

1 Yòwanìrzɛ̀ 3:23

È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 4:16

Ò èŋgànɛ̀lɛ̀ rzɔ irzɔ ì hwi nà lì lòkɛ̀ ò è ndìŋgɛ ema Lohwɛ̀ à jò hwɛ̀nèlì. Tɔ̀ mamɛ ema Lohwɛ̀ à gbeyà è uŋmɛ̀lɛ̀ è ndìŋgɛ ema mɔ̀ à hwɛ̀nèlì hwatò, ndèŋgànɛ̀lɛ̀ hwatò ema è ndìŋgɛ è hwèlì ò tenì yà awu hwa hwèlì nà Lohwɛ̀, Lohwɛ̀ mɔ̀ hvɛ à hwèlì nà wɔ̀.