Kòlòrzìyà 1:23 - Mokpwe: Bakwery (New Testament)

²³ Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 1:23 Mawu Ofanana

Makòrzì 16:15

À mà hwa òhweyà nanù ema, “È ɛ̀ndɛ̀, e àyinɛ̀lɛ̀ ò e rze ya arzɛ, e hwa òhweyà Ŋmɛ̀ndì mò Gbamù.

Lukàrzɛ̀ 22:32

Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”

Lukàrzɛ̀ 6:48

À hwèlì ndi nàa mòtò ema a òŋgà wòòŋgì. Èma a rzɔ̀ŋgɛ̀lɛ̀yi mawòndì ò mɔ̀nyɛ̀, ema mɔnɔ̀ŋgɔ̀ mò eni mò tɛmi ò ŋmanyu yà èwòmà ya lìŋyàyi. È hvònda ema è mbuwà e mà yɔ, è tɔ̀ndɛ̀ ema ɔ̀ndɔ̀, e lìhwa èŋge ndawò nà ŋginyà ndi è rzi tànɛyi lì wùulɛ èŋge ndawò, èhwanja è mà òŋgàhwa gbamù.

Yòwanìrzɛ̀ 15:6

Mòtò a rza enje tɛ na imba, a rzenjòwahwa ndi nàa hwa rzenjòwa ɛkɔkɔ. Èŋge ɛkɔkɔ e hwɛ ndi ɛ̀kɔ̀kɔ̀ ema e rzɔ̀nji. Iŋgi tumba ja hwɛkɔkɔ irzaŋgahwa rzi i aŋgbahwa ò mùnya rzìi i rzèeyà.

Hwègbèèlì 1:17

Jùdàrzì à mà hwɛ ndi mɔ̀kɔ ò ìtììtènì jà arzu, Yerzù à mà mò hvɔ̀rzɔ̀ ò lì gbeyà ene èwòlò mòndèŋge nà irzɔ.”

Hwègbèèlì 1:25

ò lì hwɛ̀ɛ e àpɔ̀rzìtòlò ò lì timbana èki ya ama Jùdàrzì, mɔ̀ ema à mà màa lì ɛndɛ ò èki ema e mò lɔ̀ɔnì.”

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 11:23

Nà òma mɔ̀ à mà ùke àŋga rzi a ɛnɛ mamɛ e ndèli ya ama Lohwɛ̀ e ma gbeyɛ, à mà ònda na mɔ̀nyɛ̀ŋgì. Rzìi à kòkòwɛ̀lɛ̀ hwaŋga hwàlòkèlì nanù ema wɔ̀ hwa òŋgame Rzàŋgò na ŋmèma mɔ̀kɔ.

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Hwègbèèlì 2:5

O eŋge hvònda, wònyà Yudà ema hwà mà hwɛ lì kanɛ̀ Lohwɛ̀ hwà mà hwɛ ò Jèrurzalɛ̀mù. Hwanu hwatò hwà mà uwɛ̀lɛ̀lɛ̀yi hwehvɛhvɛ hweki ò e rze yà mɔ̀nyɛ̀.

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

Hwègbèèlì 26:16

Ndi ò naŋgɛ tɛ̀mɛ̀nɛ̀ ò ŋmanyu, ehwànja imba nà ò wurzelì ndi ò lì ò hvɔ̀rzɔ̀ nàa è mògbèèlì wà ami ndèŋgànà nàa mbòŋgi ò hwahvɛhvɛ hwatò, ò lì hvòmɛ̀nɛ̀ hweyà ema ò mà ɛnɛ yawònò, nà hweŋge ema o ò ɛnɛ ò hvònda ema è ò jɛ̀ɛ̀.

Hwègbèèlì 4:12

“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”

Ròmànì 10:18

Ndi na ijòwa nanù ema, e hwèlì ndi e jɔ̀kɛ̀ ema wɔ̀ hwa rzi hweyi mòŋgò ŋmɛ̀ndì e? Jàyɛ̀, hwà mà mò hweyà. Nà òma e tìlahwì ò e kààtì ya Lohwà nanù ema, “Màalò ma hwatò ema mà ma hwɛ lì òhwa mòŋgò ŋmɛ̀ndì mà ma hwɛ̀ɛnɛ e rze ya arzɛ. Eyà ya awu e ma uka ò marzuku ma e rze ya arzɛ.”

Ròmànì 15:16

Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 5:5

Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

1 Kɔ̀rintìyà 3:5

Nàŋgɛ rzɔ, njɛnɛ a hwèlì Apòlòrzì e? Njɛnɛ a hwèlì Pàwolò e? Irzɔ i hwèlì ndi hwàgbèèlì hwa ama Lohwɛ̀ ema i ma e òŋgòwàna o lì lòkɛ̀ Krirztò. Tɔ̀ ima mɔ̀ wa arzu à mà gbeyà ndi èwòlò ema Rzàŋgo à mà jo ŋgbe.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 11:23

Wɔ̀ hwa ohwa nanù ema hwa hwèlì ndi hwàgbèèlì hwa ama Yerzù Krirztò, imba hvɛ na e ohweyà nàŋgɛ nanù ema, imba nà mà gbeyà èwòlò lì hwa aka. Nà ohwa ndi nàŋgɛ nanù nàa ŋmɛnyɛ. Nà ma gbeyà èwòlò ya ŋginyà lì hwa aka, nà mà aŋgɛ̀hwɛ̀ o hwèwòwà ŋgèlì rzayi-rzayi lì hwa aka, nà mà gbiyɛhwɛ hvonji rzayi-rzayi lì hwa aka, ndèŋgàna nà mà uŋgbɛlɛlɛ e kpelì rzayi-rzayi ja ŋgèlì lì hwa aka.

2 Kɔ̀rintìyà 3:6

Mɔ̀ ŋmìti ndi à jo gbèyi ema i tànɛyi o lì ohwa moŋgo ŋmɛ̀ndì mo yòòmbò ehvènya. Rzeketɛ ŋmɛ̀ndì mo lì oŋgama imbenda ja yòòmbò ya koohwa. Hwatò ema hwa ika iŋgi mbenda hwa ŋwa, ndèŋgàna hwa rza hwɛ na Lohwà. Ŋmɛ̀ndì mo lì oŋgama yòòmbò ehvènya ema irzɔ jo òkolɛ mo hwèlì ndi ema Lohwɛ̀ à mà ŋgba hwatò èlìŋgɛ̀ yà wòtani, ndèŋgànɛlɛ mɔ̀ à mà gbeyà hvɛ nanù ema wɔ̀ hwa hwɛ na mɔ̀ natɛ̀ɛ na o gbìndèyà.

2 Kɔ̀rintìyà 4:1

Ìilì ja ama Lohwɛ̀ jɔ ndi i gbèyi ema jo òhwe mono ŋmɛ̀ndì o èŋgànɛ̀lɛ̀ i rza kpa mèèmà.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Gàletìyà 4:11

Ène eyà e gbèyi na oki wɔ̀ŋgɔ̀ nanù ema na hvàŋgi ndi e hvonda ya ami o èwòlò ya arzɛ ema na e gbèelì.

Gàletìyà 5:5

O irzɔ, Èlìŋgɛ̀ ya ama Lohwɛ̀ e ma jo gbeyà o lì ohva lìhvìtà nanù ema, Lohwɛ̀ a o jo emeyà nàa hwatò ema hwa hwèlì wòtani èhwanja je emelì Krirztò.

Gàletìyà 5:7

O hwewotelì inyɔ e ma hwɛ lì gbeyà hweyà gbamù. Njɛnɛ rzɔ a e tiko mèèmà nanù ema e rza oŋgama e jɔ̀kɛ̀ ema e hwèlì o tenì ya ŋmɛ̀ndì mò gbamù e?

Gàletìyà 6:9

Inyɛ̀ i rza ɔ̀tɔ̀ o lì gbeyà mamɛ ema e lɔ̀wu. Èhwanja irzɔ i rza ɔ̀tɔ̀ tɛ, jo ò luwa etaŋgi ja arzu o hvonda ya jɔ̀kɛ̀ ema e o jɛ̀ɛ̀.

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

Ɛ̀hvìrzìyà 2:21

Mɔ̀ ndi à gbèyi ema e ndawò e tɛ̀mɛ̀. Mɔ̀ ndi à e nyàlirzɛ̀ o lì uka e ndawò ya wòtani ya ama Rzàŋgo.

Ɛ̀hvìrzìyà 3:17

Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.

Ɛ̀hvìrzìyà 4:16

Krirztò à rzàŋga hwatò hwa eni ò èki yɔ̀kɔ nà oma ikɛŋgɛ jà è nyo i làta è nyo yà mòtò. Tɔ̀ ima ènàmà yà nyo è gbèyi tɛ èwòlò yà eni èwòlò, nanù oma è nyo yà arzɛ è oŋga nà lì eta. Nànù hvɛ ndi è hwèlì nà mòndeŋgè mò hwatò hwa ama Lohwɛ̀.

Kòlòrzìyà 1:25

Ndeŋgànɛ̀lɛ̀ Lohwɛ̀ à mà nò gbeyà ò lì hwɛ è mògbèèlì à gbèeyà hwatò ema hwa lòkɛ̀yì Krirztò. Mɔ̀ à mà nò òma nanù ema nà è ohweyà ŋmɛ̀ndì mò gbamù kɔ̀yi-kɔ̀yi.

Kòlòrzìyà 2:7

Nà oma o lòkɛ̀ hweyà ema hwanu hwà-òkòlèlì hwa e okòlɛ, hwene hweyà hwe hwèlì ndi e jɔ̀kɛ̀. Ndeŋgànɛ̀lɛ̀ e a ŋgbàà Lohwɛ̀ jeka o hweyà hwe arzɛ o ihvonda ja arzɛ.

1 Tɛ̀rzàlonìyà 3:3

Irzɔ̀ ja arza nanù ema a e ètìrzɛ̀ aŋga nanù, metàkà me anyu me rzi gbeyà e tìmbeyà o mburza. Inyɔ hwiti e hwi nanù ema mànù màkèkìrzɛ̀nɛ̀ ma hwèlì ndi lì emeyà la ama Lohwɛ̀ lì jo hvomɛ̀nɛ.

1 Tɛ̀rzàlonìyà 3:5

Litiŋga lìiŋgi ema lì ma gbeyà ɔndèŋgàtɛ̀ nà mà oma Tìmòtì. Nà oma na rzi tanɛ hvɛ lì alɛ̀mbɛ nà mà mo òma o lì jà lì arzirzɛ nɛ lìlòkɛ̀ la anyu lì hwèlì. Nà ma gbeyà ndi ene eyà nanù ehwànja, nà mà oka wɔ̀ŋgɔ̀ nanù ema, e mɔ̀ ema a gbèeyà hwatò hwa unda o tenì ya màkèkìrzɛ̀nɛ̀, a tanɛ lì e gbèeyà inyɔ e unda o tenì ya màkèkìrzɛ̀nɛ̀. Ndeŋgànɛ̀lɛ̀ o nanù ema èwòlò ya arzɛ ya ŋginyà ema irzɔ i ma gbèèyɛ̀, e tanɛ e ma timba ndi èwòlò ya ŋgundu.

1 Tɛ̀rzàlonìyà 5:8

Ndi kànàtɛ̀ irzɔ i hwèlì ndi hwatò hwa ŋmerze, inyɛ ja alɛ̀mbɛ. Inyɛ̀ lìlòkɛ̀ ema i hwɛnelì Yerzù na e ndìŋgɛ ema i hwɛnelì hwahvɛhvɛ hwatò, inyɛ hwe hwɛ ndi nàa lìwɔti la hwɛ̀ɛkɛ̀ ema mòtò a wɔ̀ti o nyo ya eni o lì iŋga e ŋgeŋge ya eni o e hvonda ya njuma. Lìhvìtà ema e hwɛni o nyòla hwèrzùŋgèlì ema e o luwɛ, inyɛ hwe hwɛ ndi nàa mòtò a wɔ̀ti tàmba ema hwa gbeyànì hwɛ̀ɛkɛ̀.

2 Tɛ̀rzàlonìyà 2:16

Inyɛ̀ Rzàŋgo wà arzu, Yerzù Krirztò mɔ̀ ŋmìti nà Lohwɛ̀, Tatɛ̀ wà arzu, mɔ̀ ema à mà jò lìŋgàna ndèŋgànɛ̀lɛ̀ ò è ndèli yà eni, à jò ètìrzɛ̀ mèèmà mè arzu nà gbèti ema wò rza kuwa, ndèŋgànɛlɛ à jò ŋgbe lìhvìtà ò hweyà hwe gbamù.

1 Tìmotì 1:12

Nà ŋgbelì Yerzù Krirztò Rzàŋgo ya arzu jeka. Mɔ̀ ema a no ŋgbelì e ŋginyà o lì mo gbèeyà. Nà mo èki èhwanja a no wowi ndi nàa mòtò mɔ̀kɔ ema mɔ̀ à tànɛyi lì lòkɛ̀, na lì hvɔ̀rzɔ̀ nanù ema na mo gbèeyà.

1 Tìmotì 2:7

Ène eyà ndi e ma gbèeyà Krirztò o lì no òma nàa àpɔ̀rzìtòlò o lì ɛndɛ lì ohwa ŋmɛ̀ndì mò gbamù lì hvomɛ̀nɛ̀ o lì lòkɛ̀ Krirztò na e jɔ̀kɛ̀ o hwatò ema hwa rza enje wònyà Yudà. Mamɛ ema na ohwa e hwèlì ndi e jɔ̀kɛ̀ na rza kɔ tɔ̀ eyà.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Tàyìtùrzì 3:7

Lohwɛ̀ à mà gbeyà nanù, aŋga nanù e ndèli ya eni e gbeyà jo o emeyàhwa o worzo wo eni, rzìi irzɔ hvɛ jo o hwɛnɛ lìhvìtà nanù ema jo ò luwa lòŋgɛ la gbìndèyà.

Hibrù 10:38

Ndi hwatò hwa ami ema hwa hwèlì ehve-ehve, hwa hwɛnì lì hwɛ lòŋgɛ èhwanja hwa lòkɛ è mbɔrzi yà ami. Ndi tɔ̀ njɛnɛ ema à ò tìmbeyà ò mburza, nà rza ò òka mɔ̀nyɛ̀ŋgì nà mɔ̀.”

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

Hibrù 6:19

Lìŋgi lìhvìtà lì hwèlì ndi nàa yòoma ema e gbeyà mòŋgɛ ma arzu o lì ètìrzɛ̀hwɛ o hwetɛmelì. Lìni lìhvìta ndi lì gbeyà irzɔ ja akeyà o lìhwàtù ema lì kekayi lìyohva o lì uka o ekì ema e hwèlì wòtani, ekì ema Lohwɛ̀ a hwèlì.

1 Pètrò 1:3

Jèka ì hwɛ nà Lohwɛ̀ è Tatɛ̀ yà ama è Rzàŋgo wà arzu Yerzù Krirztò. À mà hvùmùlɛ̀ Yerzù Krirztò ò kpelì. Ò eŋgànɛ̀lɛ̀ i mà luwa lòŋgɛ lì hvènya. Nà oma mɔ̀ à gbèyi nanù, à mà jò ŋgba lìhvìta là lòŋgɛ là gbìndèyà.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

1 Yòwanìrzɛ̀ 2:27

Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.