Kòlòrzìyà 1:18 - Mokpwe: Bakwery (New Testament)

¹⁸ Mɔ̀ ndi à hwèlì mòòhvò mò hwatò ema hwa mò lòkɛ̀yì, ndèŋgànɛlɛ wɔ̀ hwa hwèlì ndi nàa è nyo yà eni. Mɔ̀ ndi à ŋgba hwaŋga hwatò lòŋgɛ ehwànja mɔ̀ ndi à hwèlì è mòtò wà worzo ema Lohwɛ̀ à hvùmùlɛ̀yi ò kpelì, ndèŋganɛlɛ ema mɔ̀ ndi à ò hwɛ natɛ̀ɛ nà ò gbìndèyà. Ène eyà è mà gbèyɛ̀nɛ̀ ndi nanù aŋga nanù mɔ̀ à hwɛ ò lì kànèyà hweyà hwe arzɛ.

Kòlòrzìyà 1:18 Mawu Ofanana

Matiyò 23:8

Ndi inyɔ e rzi keka lì emeyà nanù ema hwatò hwe hwɛlɛ ‘Mòòkòlèlì,’ èhwanja inyɔ hwa arzɛ e yahwì ndèŋgànɛ̀lɛ̀ hvɛ e òhvi ndi Mòòkòlèlì mɔ̀kɔ.

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Yòwanìrzɛ̀ 1:1

O hwèwòtelì ndèŋgàna Lohwɛ̀ a e hwiya lì wèka e rze, Eyà ya Lohwà e mà lòma lì hwɛ. Ène Eyà e mà hwɛ ndi na Lohwɛ̀. Èŋge Eyà e ma hwɛ ndi Lohwɛ̀.

Yòwanìrzɛ̀ 1:16

Nà òma mɔ̀ à òndi nà ndèli, ò èŋgànɛ̀lɛ̀ irzɔ hwa arzɛ ì lu mònàmɛ̀ mɔ̀kɔ, mɔ̀kɔ nà ɔ̀nɛyi.

Yòwanìrzɛ̀ 1:27

Mɔ̀ ndi à hwèlì è mɔ̀ ema à ò jɛ̀ɛ̀ ò mburza yà ami. Ndi nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni.”

Hwègbèèlì 26:23

Wɔ̀ hwà mà òhwa nanù ema è Mɔ̀ ema à Ɔ̀kirzɛ̀hwɛ̀yi a hwɛnì lì taka rzìi a hwɛ e mòtò hwa wòrzò ò lì hvùmùwà ò kpelì. A ò òhweyà hwatò nanù ema ŋmàye mò hvànyeya hwatò hwa wònyà Yudà na ò hwaŋga hwatò ema hwa rza enje wònyà Yudà nàŋgɛ.”

Ròmànì 8:29

Lohwɛ̀ mɔ̀ à màa lì tɛ̀yirzɛ nanù ema hwatò ema à mà lòme lì hvɔ̀rzɔ̀, ɛ̀ɛ̀mɛ̀ ya awu e ò hwɛ ndi nàa e ya ama è Ŋmanà wà eni aŋga nanù òŋgò Ŋmanà à ò hwɛ ndi è Ŋmanà wà wòrzò ò ìtììtènì ja ama wònyanyàŋgò wa eni.

1 Kɔ̀rintìyà 11:3

Nà arza ema e rzɔ̀ŋgìtɛ̀nɛ̀ nanù ema, Krirztò a hwèlì ndi moòhvo mo kànèyà tɔ̀ ima mòtò hwa mùnyanà. È mùnyanà mɔhvɛ a hwèlì ndi moòhvo mo ama e jòjìyɛ̀ ya eni. Lohwà mɔhvɛ ndi à hwèlì moòhvo mo ama Krirztò.

1 Kɔ̀rintìyà 12:27

Inyɔ hwa arzɛ è hwèlì ndi ŋmita mo nyo mo ama Krirztò ndèŋgànɛ̀lɛ tɔ̀ ima mɔ̀ wa anyu hvɛ a hwèlì ndi ènàmà yɔ̀kɔ ya èŋge nyo.

1 Kɔ̀rintìyà 15:25

Krirztò A hwɛnì lì kànèyà natɛ̀ɛ na e hvonda ema Lohwɛ̀ à ò aka hwakɔ̀èlì hwa eni rzìi a hwa ika hwa arzɛ o rze ya lìkànèyà la eni.

Ɛ̀hvìrzìyà 1:10

Lohwɛ̀ à mà tɛ̀yirzɛ̀ nanù ema à ò gbeyà hwene hweyà hwe arzɛ ò è hvonda yà jɔ̀kɛ̀. Ò eŋge hvonda à ò rzàŋga hwèèmà hwe arzɛ ema hwe hwèlì ò ŋmanyu yà lohwà nà ò rze yà mɔ̀nyɛ̀ rzìi hwe hwɛ ò rze yà ama Yerzù Krirztò ema mɔ̀ ndi à hwèlì mòòhvò.

Ɛ̀hvìrzìyà 5:23

Mòjòmɛ̀ mo hwɛnì è wònjà yà hwèkànèlì oma jòjìyɛ̀ wà èni, ŋgànà hvɔ̀kɔ nà omà Krirztò a hwɛnì è wònjà yà hwèkànèlì o lì arzàŋgànɛ la hwatò hwa Lohwà hwa àrzɛ̀. Ndèŋgànà lɔ̀ ndi lì hwèlì nàa e nyo ya eni ndèŋgàna mɔ̀ ndi à hwèlì lì oŋgirzɛ la lìŋgi la arzàŋgànɛ la hwatò hwa Lohwà.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

Kòlòrzìyà 2:19

Èŋge tumba mòtò a rzɔ̀njɛlɛ lì lòkɛ̀ Krirztò ema mɔ̀ ndi à hwèlì e mòtìmbèlì wa hwàlòkèlì. Nà oma mòòhvò mo kànèyà e nyàmà nyo ya arzɛ, ŋgànà hvɔ̀kɔ hvɛ ndi Krirztò a mɔ̀ hvɛ a kànèyà hwatò hwa arzɛ ema hwa mo lòkɛ̀ aŋga nanù hwa hwɛ ndi mòtò mɔ̀kɔ. Nà oma mèrzìrza me arzàŋgànɛ o lì lata matìŋgà mà e nyo ya mòtò o lì hwɛ mòtò mɔ̀kɔ, nanù hvɛ ndi Krirztò a rzàŋga hwatò ema hwa mo lòkɛ̀ o lì hwɛ mòtò mɔ̀kɔ o rze ya eni. Ndeŋgana eŋge ŋgindi e oŋga ndi nà oma Lohwɛ̀ a arza.

1 Yòwanìrzɛ̀ 1:1

Nà e tìleya o lì hvomɛ̀nɛ̀ e mɔ̀ ema a hwèlì e mbɔrzi yama Lohwɛ̀ ema e jànà lòŋgɛ. Mɔ̀ à mà hwɛ nàtɛ̀ɛ na o hwewotelì, I ma hweya hweyà o lì mo hvomɛ̀nɛ̀, i ma mo ɛnɛ̀ na mìirzɔ ma arzu, i ma mo ɔ̀ŋgɔ, ndèŋgànɛlɛ i ma mo tahva na màà mà arzù.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.

Hwèwulùwèlì 1:8

Rzàŋgo Lohwɛ̀ lì karzamì à ohwi nanù ema, “Imbà ndi nà hwèlì è Àlhvà nà è Omèga,” mɔ̀ ndi à hwèlì Lòohwà ema lì hwèlì, ema lì mà hwɛ, ndèŋgànɛ̀lɛ̀ ema lì ò hwɛ̀ɛ̀.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 21:6

Rzìi à nò òhweyà hvɛ nanù ema, “È mà ondìrzɛ̀hwɛ̀! Imba ndi nà hwèlì Àlhvà ndèŋgànɛ̀lɛ̀ nà hwèlì Omèga, imba ndi nà hwèlì hwèwòtèlì nà lìrzùkù. Tɔ̀ njɛnɛ ema à hwɛni nyìrzɛ̀ nà mò ŋgba malìhwa ema mà uwɛ̀lɛ̀lɛ̀ ò ìtùŋgù jà malìhwa ema mòtò à nyɔ̀ɔ̀ rzìi à hwɛ ò lòŋgɛ nà ò gbìndèyà. Ndeŋgànɛ̀lɛ̀ na e ŋgba e yɔ o ŋgundu.

Hwèwulùwèlì 22:13

Imba ndi nà hwèlì Àlhvà ndèŋgànɛ̀lɛ̀ nà hwèlì Omèga, ema nà hwèlì è wà Worzo nà è wà Njùŋgɛ, ndèŋgànɛ̀lɛ̀ imba ndi nà hwèlì Hwèwòtèlì nà Lìrzùkù.”

Hwèwulùwèlì 3:14

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Làwòdèrzìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì, Inyɛ̀ wò Lìya Nànù. Mɔ̀ à gbeyà ndi nà oma Lohwɛ̀ à àrzeyà, à hwèlì ndi mboŋgi ya jɔ̀kɛ̀, ndèŋgànɛ̀lɛ̀ ò lì akeyà nà mɔ̀, ɔndi Lohwɛ̀ à mà wèkè hwèèmà hwe arzɛ natɛ̀ɛ nà ò hwèwòtèlì.