Judɛ 1:8 - Mokpwe: Bakwery (New Testament)

⁸ Ndi tɔ̀ nanù hwaŋga hwatò ema hwa kpèelì ò ìtììtènì jà anyu ò jùtùtà, wɔ̀ hvɛ hwa hwèlì hwa ɔ̀tɔ̀ indɔ̀tɔ̀ nanù ema lìkànèyà lì hwèlì ndi ò màa mà awu. Iŋgi ndɔ̀tɔ̀ ì hwa gbeyà ò lì gbèya hweyà hwe mbindo, ndeŋgànɛlɛ hwa rza ɛnɛ lìkànèyà là ama Lohwɛ̀ nàa tɔ̀ eyà, ndeŋgànɛlɛ wɔ̀ hwa hwɛnyɛ iŋginyà ema ì hwèlì ò ŋmanyu.

Judɛ 1:8 Mawu Ofanana

Lukàrzɛ̀ 11:25

È tìmbi tɛ, e ùŋmànɛ̀lɛ̀ èŋge ndawò è rzàŋgi nà lì rzeyàhwɛlɛ.

Lukàrzɛ̀ 12:11

È rzɔ̀mɔ̀nɛ̀hwɛ tɛ ò ndawò ja màkanɛ̀, ò màrzò ma hwàtìmbèlì hwa mbòwà, nà hwàkànèlì hwa kàrzàmi, ò lì è kàyìrzɛ̀, è rzì àtàkirzɛ nɛ e kaya tɔ̀ mamɛ ema e hwɛnì lì òhwà.

Lukàrzɛ̀ 19:14

Kànàtɛ̀ lòŋgò là hwatò hwa èŋge èkòmè yà eni hwa rzi mò lìŋgànè, hwa mà wùrzìrzɛ̀ mèrzènjà ema mè mò oŋgàmà ò lì òhweyà lìkànèyà nanù ema, ‘Ì rzà arza ònò mòtò à hwɛ è kiŋgɛ̀ yà arzu.’

Hwègbèèlì 23:5

Pàwolò rzìi a hwa alàhwɛ̀ nanù ema, “Wònyànyàŋgò hwa ami hwa wònyà Yudà kòkò, na rzi hwiye nanù ema mɔ̀ ndi à hwèlì e pìlìrzì e kàrzàmi òma na rza òhwe nanù. Èhwànja Eyà ya Lohwà e òhwi nanù ema, ‘O rza hwɛni lì òhwa wòhwe ò lì hvòmɛ̀nɛ̀ e mòtìmbèlì hwa hwatò hwa aŋgɔ̀.’”

Hwègbèèlì 7:27

Ndi òŋgò ema à mà arza lì hwenirzɛ ɔ̀nɛyi, à mà kèma Mòrzè èhvàrzù yɔ̀kɔ rzìi à mò ijòwa nanù ema, ‘Njɛ̀nɛ à ò gbèyi è mòtìmbèlì nà è mòkàyìrzèlì hwa arzu e?

Hwègbèèlì 7:39

“Ndi imbamba ja arzu i rzi hweyàne Mòrzè. Ndi wɔ̀ hwà mà mò ndinda èhvarzù yɔ̀kɔ rzi hwa a lùtèyà ndi nanù ema òma hwa timbe ndi ò èkòmè ya Ìjiptò.

1 Kɔ̀rintìyà 3:17

Lohwɛ̀ a hvaŋga tɔ̀ ima mɔ̀ ema a hvaŋga ene Ndawò yà Lohwà. Èhwanja e Ndawò yà Lohwà è hwèlì wòtani, ndèŋgàna inyɔ ndi e hwèlì èŋge Ndawò yà Lohwà.

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.

1 Tìmotì 1:10

È mbenda ya ama Lohwɛ̀ e hwèlì ndi o hwatò hwa morzonje, o wunyanà ema hwa juwa hwahvɛhvɛ wunyanà na o hwalana hvɛ ema wɔ̀ hvɛ hwa juwa hwahvɛhvɛ hwalana. O hwatò ema hwa hvùma hwahvɛhvɛ hwatò ò lì hwa àhwirzɛ̀ nàa hwàkòmì, o hwatò ema hwa kɔɔ hweyà, na o hwatò hvɛ ema hwa aàtɛ hweyi ja mòlàŋga o hwèkayirzelì, na hwatò hvɛ hwa gbèeyà hweyà ema hwa rza enje o ŋmɛ̀ŋgɛ o lì ohwa mamɛ hwèyòkòlèlì hwe jɔ̀kɛ̀ hwe ohwa.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.

1 Pètrò 2:17

È ŋgbe hwatò hwa arzɛ èluhwe. È lìŋgàne hwaŋga hwatò ema wɔ̀ hvɛ hwa lòkɛ̀ Krirztò. È ŋgbe Lohwɛ̀ èluhwe. È ŋgbe hvɛ e kìŋgɛ ndɛ̀ɛ̀ndɛ̀ èluhwe.