Judɛ 1:23 - Mokpwe: Bakwery (New Testament)

²³ È rzùŋge mòŋgɛ ma hwahvɛhvɛ hwatò ò lì hwa rzìima kàrzi-kàrzi lì anjiya o mùnya ema mo rza lìma. È uŋmɛ̀lɛ̀ ììlì o hwahvɛhvɛ hwatò, ndi o tɔ̀ nanù e àŋgàmɛ̀nɛ̀yi lì hwa oŋgowàna. È kɔɔ tɔ̀ màatù ma awu ema mà hwèlì ndi nàa hweyàrzèlì hwe hweyà hwe wòhwe hwe e nyàma nyo ya awu ndi e ma kɔ̀yirzɛ̀.

Judɛ 1:23 Mawu Ofanana

Ròmànì 11:14

Aŋga mɛnɛ na tanɛ lì gbeyà lòŋgò la wònyànyàŋgò hwa ami hwa Irzàyɛ̀lì ò lì hwɛnɛ inòna, ndèŋgàna lòŋgò la awu hvɛ ò lì luwa mɔ̀kɔtèlì.

1 Kɔ̀rintìyà 15:33

I rzi ɔnjɔwɔ, “Yorza ya wòhwe e hvaŋga ɛ̀ɛ̀mɛ̀ ya gbamù.”

1 Kɔ̀rintìyà 3:15

Ndi èŋge èwòlò ema è mògbèèlì à gbèyi è rzèèlì tɛ ò mùnya, oma è mògbèèlì wà èŋge èwòlò à ò lùwa mbɔ̀lɔ̀nì ndɛnɛ ema à rza ò lùwa tɔ̀ jàhwèyà. È mògbèèlì à rzùŋgahwa, ndi nàa mòtò ema a hwaŋgi lì hwaŋgi o lì anjiya o tenì ya mùnya.

2 Kɔ̀rintìyà 5:11

Nà oma i hwi nanù ema e Rzàŋgo e o kàyìrzɛ̀ hwatò, ndèŋgànɛlɛ hvɛ na oma i mo ŋgba èluhwe, i keka o lì gbeyà nanù ema hwatò hwa hwiye nanù ema ŋmɛ̀ndì i hwa ohweyà mo hwèlì ndi e jɔ̀kɛ̀. Lohwɛ̀ a hwi i nyayi ja hwatò ema irzɔ i hwèlì, imba hvɛ na hwi nanù ema inyɔ hvɛ e hwi i nyayi ja hwatò ema irzɔ hvɛ i hwèlì, na lòkɛ̀yi hvɛ nanù ema inyɔ e hwi nanù ema, jo òhwa ndi e jɔ̀kɛ̀.

2 Tɛ̀rzàlonìyà 3:14

È hwèlì tɛ nanù ema o hwèlì mòtò ema a rza emelɛ o lì oŋgàma màmɛ ema e tìlahwì o tenì ya ene kààtì, e mo ika mìirzɔ. È rzi hwɛnɛ tɔ̀ eyà o lì mo gbeyàna, aŋga nanù oma à mà enya.

1 Tìmotì 4:16

O alɛ̀mbɛ gbamù o tɔ̀ mamɛ ema o òkolɛ hwatò. O ɛ̀ndɛ̀nɛ̀ ndi èwòlò ya aŋgɔ̀ o worzo aŋga nanù Lohwɛ̀ a o rzuŋga lòŋgɛ la aŋgɔ̀, na lì rzuŋga hvɛ mòŋgɛ ma hwatò ema o òkolɛ.

2 Yòwanìrzɛ̀ 1:11

Imba nà ohwa ndi nanù ehwànja, è mò kàrzɛ tɛ, è tìmba ndi mɔ̀kɔ wa eni o hweyà hwe wòhwe ema à gbeyà.

Judɛ 1:22

È uŋmɛ̀lɛ̀ ììlì o hwaŋga hwatò ema hwa rza lòkɛ̀ na ŋmèma mɔ̀kɔ.

Hwèwulùwèlì 3:18

Nà e kòkòwɛ̀lɛ̀ o lì no àndana e gòòlù ema e ma akɛlɛhwɛ o tenì ya mùnya, aŋga nanù e timba hwèwàŋgì. Nà e kòkòwɛ̀lɛ̀ o lì no àndana lìhwatu la mbɔ̀mi ema e wɔ̀tɔ̀, aŋga nanù irzɔ̀ni ema morzombo mo anyu mo jànà mo rza o ɛnɛhwɛ. Ndeŋgànɛ̀lɛ̀ e no àndane lìyɔ̀ki ema e tuka o mìrzɔ ma anyu aŋga nanù e ɛnɛ.

Hwèwulùwèlì 3:4

Ndi è hwɛni ŋgurzu jà hwatò ò è mbowà ndɛnɛ yà Rzàdirzi ema hwa rzi rzɔ̀ki mààtù mà awu. Hwa ò hwɛ nà imba, ndèŋgànɛ̀lɛ̀ wɔ̀ hwa ò wɔ̀tɔ̀ mèŋgòmbè mè mbɔ̀mi, ehwànja hwa kànɛyi.