Judɛ 1:19 - Mokpwe: Bakwery (New Testament)

¹⁹ Hwanù hwatò ndi hwa gbeyà è à kahwanɛ̀ɛ. Wɔ̀ hwa oŋgàma ndi è nyɔ̀ŋgi yà hweyàrzèlì hwe awu hwe è nyàmà yà nyo ema è hwa kànèyà, ndèŋgànɛ̀lɛ̀ wɔ̀ hwa rza ohvi èlìŋgɛ̀ yà wòtani ò tenì yà awu.

Judɛ 1:19 Mawu Ofanana

Ròmànì 8:9

Ndi inyɔ, e rza enje hwatò ema yòwò ya nyò ye e kànèyà, ndi inyɔ e lìya ndi na òma Èlìŋgɛ̀ yà Wòtani ye e kànèyà ò lì lìya. Nà e jɔ̀kɛ̀ Èlìŋgɛ̀ ya Lohwɛ̀ e hwèlì ò tenì ya anyu. Tɔ̀ njɛ̀nɛ ema a rza hwɛnɛ Èlìŋgɛ̀ ya ama Krirztò, a rza enje na Krirztò.

1 Kɔ̀rintìyà 2:14

È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.

1 Kɔ̀rintìyà 6:19

È rza hwi nanù ema è nyo ya anyu è hwèlì ndi hwèlìyelì hwe Èlìŋgɛ̀ yà Wòtani e? Èma e lìyayi o tenì yà nyo yà anyu, ema Lohwɛ̀ a mà è ŋgbè e? Rzèketɛ inyɔ ndi e ohvi i nyo ja anyu, i hwèlì ndi nyo ja ama Lohwɛ̀.

Hibrù 10:25

Inyɛ̀ i rza ɔ̀tɔ̀ o lì arzàŋganɛ èki yɔ̀kɔ o i hvonda ja arzɛ na oma hwahvɛhvɛ hwatò hwa gbeyà. Ndi inyɛ ja a kɔ̀mɛ̀lɛ̀nɛ mɔ̀kɔ na ɔ̀nɛyi, rzɛ̀hvɔ̀nì nàŋgɛ ema e ɛnɛ Èyu ya ama Rzàŋgo e ma kombɛnɛ.

Jèmìrzì 3:15

Ène nyayi ya lìhwiyè e rza uwɛ̀lɛ̀lɛ̀ ndi o ŋmanyu yà lohwà. Lì hwèlì ndi lìhwiyè ema lì uwɛ̀lɛ̀lɛ̀yi o hwatò hwa e rze ya mɔ̀nyɛ̀. È hwèlì ndi lìhwiyè ema lì uwɛ̀lɛ̀lɛ̀yì oma hwatò ema hwa rza hwɛnɛ èlìŋgɛ̀ ya ama Lohwɛ̀, lìhwiyè la èlìŋgɛ̀ ya wòhwe.