Judɛ 1:12 - Mokpwe: Bakwery (New Testament)

¹² Hwàŋga hwatò hwa rza ohvi irzɔ̀ni, ò eŋgànɛlɛ rzɔ̀, inyɔ nà wɔ̀ è arzàŋgànɛ tɛ ò lì laa mòlelì, ò lì uŋmɛ̀lɛ̀ è ndìŋgɛ yà ama è Rzàŋgo, wɔ̀ hwa hwɛ ndi nàa mbindo ò ìtììtènì jà anyu. Hwa àlùtàneyà ndi wɔ̀ hwiti. Hwa gbeì ndi nàa lìmbàki ema è mbɛ̀hvɛni è uŋgɛ̀lɛ ò lì uŋmɛ̀lɛ̀ nanù ema o ò yɔ̀ɔ̀ mbuwà ema è rza ò yɔ̀ɔ̀. Hwa gbèyi ndi nàa mayi ema mà rza ŋya hwehvùma tɔ̀ ò è hvonda ema màyi mà ŋya hwehvùma. Hwà mà màa ndi lì ŋwa nàa mayi ema mà wuŋguwahwi nà meyàŋga.

Judɛ 1:12 Mawu Ofanana

Matiyò 13:6

Ndi na òma igbe ja ŋginyà ì mà wurze ì mà rzɛlɛ èŋge mbòtà rzìi e ùhwà, rzìi e ŋwa, èhwanja meyaŋgà me rzi rzɔŋgɔ̀ ò tenì yà mɔ̀nyɛ̀.

Matiyò 15:13

Yerzù rzìi a hwa alàhwɛ̀ nanù ema, “Tɔ̀ ima gbee ema Tatɛ̀ wa ami wà e ŋmanyu yà lohwà a rza ònɛyi, e ò wùŋguwàhwà wàrzɛ̀wàrzɛ̀.

Makòrzì 4:6

È hvònda igbe ja ŋginyà ì mà wurze ì mà rzɛlɛ èŋge mbòtà rzìi e ùhwà, rzìi e ŋwa, èhwanja meyaŋgà me rzi rzɔŋgɔ̀ ò tenì yà mɔ̀nyɛ̀.

Lukàrzɛ̀ 12:45

“È hwèlì tɛ ema òŋgò mògbèèlì à hwèlì ndi e mògbèèlì wa wòhwe rzìi a òhwa ò ŋmèma mò eni nanù ema, ‘Rzàŋgò wà èni wa èwòlò a ò kùwa mbɔ̀ ò lì jà.’ Rzìi à wòteyà ndi lì tiyà hwanɛ̀yi hwàgbèèlì, hwa wùnyànà nà hwalanà ema hwa hwèlì ò rze ya eni, rzìi a à làa mòlelì, a nyɔ mimba rzi a wòmà.

Lukàrzɛ̀ 16:19

“O mà hwɛ èhwàŋgì ya mòtò mɔ̀kɔ ema, e ma alìŋgɛ̀lɛ̀ hwerzànjà bɔbɔbɔ. À mà làa hvɛ mèlelì me ndɛmù wùnyà tɛ.

Lukàrzɛ̀ 21:34

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

Lukàrzɛ̀ 8:6

Lòŋgò la hvɔ̀ŋgɔ̀ i ma unda ò ŋmanyu yà èwòmà ya lìŋyàyi. Iŋgi hvɔ̀ŋgɔ̀ ì mà wurza ndi, ì mà uhwa, èhwanja mɔ̀nyɛ̀ mò hwèlì ò ŋmanyu yà èwòmà ya lìŋyàyi mò rza òhvi tɔ̀ màlìhwa.

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

Hvìlipìyà 3:19

Ini nyayi ja hwatò, lìrzùkù la awu lì o hwɛ ndi o ɛhvɔ̀ndi ya mùnya. Eyà ema e hwa kànèyà e hwèlì ndi hweyà ema hwe hwèlì e nyɔ̀ŋgi ya e nyàma nyo ya awu. Hwa lìŋgàni o lì gbeyà hweyà ema hwe hwa jàneya irzɔ̀ni, wɔ̀ hwa lùteyà ndi hwèèmà hwe e rze ya mɔ̀nyɛ̀.

1 Tìmotì 5:6

Ndi mokurze mo molanà ema mo ŋgbàà e nyo ya eni o hweyà hwe e rze ya mɔ̀nyɛ̀ à mà màa lì ŋwa o èlìŋgɛ̀ tɔ̀ nɛ a hwèlì lòŋgɛ.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

Jèmìrzì 5:5

Lòŋgɛ la anyu la anu rze ya mɔ̀nyɛ̀ e hwèlì ndi o lì okà lòŋgɛ na o lì gbeyà tɔ̀ mamɛ ema inyɔ e lìŋgàni. Inyɔ e àwòlòhwìrzɛ̀ ndi inyɔ hwiti, tɔ̀ nɛ inyɔ e hwi nanù ema wùnyà ema Lohwɛ̀ a kɔ̀kìrzɛ̀ hwàkɔ̀ɔ̀èlì hwa eni wo ma kombɛ̀nɛ̀.