Jèmìrzì 5:9 - Mokpwe: Bakwery (New Testament)

⁹ Ìi wònyamòwè kòkò, e rza arzàrzòwànɛ̀ mɔ̀kɔ na ɔ̀nɛyi e rzi jà lì hwɛ Lohwɛ̀ a ohwa nanù ema e hwèlì ndi hwatò hwa wòhwe. È hwiye nanù ema e mòkàyìrzèlì a e hwɛlɛlɛ̀yi ndi o toŋgoŋgo.

Jèmìrzì 5:9 Mawu Ofanana

Matiyò 24:33

Ŋgana hvɔ̀kɔ hvɛ mɛnɛ, è ɛni tɛ hwenè hweyà hwe arzɛ ndi hwe gbèyɛ̀nɛ, e hwiyè ema è Ŋmanà wà è Mòtò wà Hwènàmà à mà kòmbɛ̀nɛ̀ ò hwèjèelì hwe eni ndèŋgànɛ̀lɛ̀ à mà kòmbɛ̀nɛ̀.

Makòrzì 13:29

Nànù mɛnɛ hvɛ e ɛnì tɛ hwenè hweyà hwe àrzɛ hwe gbèyɛnɛ, e hwiye nanù ema è Ŋmanà wà e Mòtò wà Hwènàmà a ja ŋmanà mbɔ ndeŋga à mà kòmbɛ̀nɛ̀.

Makòrzì 6:19

Ènè eyà e mà gbeyà Hɛ̀ròdìyàrzì à mà òmbɛlɛlɛ Yòwanìrzɛ̀ hwètàtò ò ŋmèma mò eni. O èŋgànɛ̀lɛ̀ à mà keka lì mò òŋwà, ndi Hɛ̀rɔ̀dì ama gbeyà ema a rzi tanɛ lì mò òŋwa.

1 Kɔ̀rintìyà 10:11

Hwenè hweyà hwe arzɛ hwe mà hwa gbèyɛ̀nɛ ndi nàa èmɛ̀nɛ̀nì o hwahvɛhvɛ hwatò. Hwenè hweyà hwe àrzɛ hwe tìlahwì ndi nàa mayowà mà ŋginyà o lì jò kòkòwɛ̀lɛ̀. Irzɔ i hwèlì ndi o hvonda ema lìrzukù la ene rze lì ma kombɛ̀nɛ̀ o lì jà.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

2 Kɔ̀rintìyà 9:7

Mòtò tɛ a ŋgbe wolì na oma ŋmèma mo eni mo mò ohwèlì. È rzi hwɛ nanù ema a tinɛlɛhwɛyi, èhwanja, Lohwà a lìŋgàni e mòtò ema a ŋgbà na ŋmèma ema mo rzaŋgi.

Gàletìyà 5:14

Inyɔ e gbeyà ndi nanù èhwanja hwa lati tɛ imbenda ja arzɛ eyà ema jo òhwa e hwèlì ndi nanù ema, “O lìŋgàne ohvɛhvɛ mòtò na oma wa alìŋgànɛ o wà witi.”

Gàletìyà 5:26

I rza hwɛni lì a ekirzɛ, i rza hwɛni lì ahvikowanɛ, tɔ̀ lì a ahwɛnɛnɛ inona.

Jèmìrzì 4:11

Ìi wònyànyàŋgo wa ami kòkò, e rzà àwòhwànɛlɛ hweyà hwe wòhwe mɔ̀kɔ na ɔ̀nɛ̀yi, tɔ̀ njɛnɛ ema a ohwi eyà ya wòhwe o lì teŋgɛ̀nɛ̀ ŋmanyàŋgò wa eni, tɔ̀ lì mo kàyìrzɛ̀, nanù oma a ohwa ndi hweyà hwe wòhwe lì teŋgɛ̀nɛ̀ e mbendà ya ama Lohwɛ̀ ndèŋgànɛlɛ mɔ̀ à ohwi nanù ema e mbenda e rza lɔ̀wu. O òhwi tɛ nanù ema e mbendà ya ama Lohwɛ̀ e rza lɔ̀wu, eŋge ŋgànà e hwèlì ndi nanù ema e gbeyà hweyà ema e mbendà ya ama Lohwɛ̀ e ohwi nanù ema e rza gbeyà. Nànù oma o ma awòwɛ̀ o wà witi o lì hwɛ e mòkàyìrzèlì.

Jèmìrzì 4:12

Lohwɛ̀ ndi à ŋgbàà e mbenda, ndèŋgànɛ̀lɛ̀ mɔ̀ ŋmìti hvɛ ndi à kàyìrzɛ̀. Mɔ̀ ŋmìti ndi à tànɛyi lì rzùŋga mòŋgɛ ma hwatò ndèŋgana mɔ̀ ŋmìti ndi à tànɛyi lì ma hvàŋga. Ndi njɛ̀nɛ o wa o ɔ̀ŋgɛ̀lɛ nanù ema o hwèlì o lì kàyìrzɛ̀ hwatò e?

Jèmìrzì 5:10

Ìi wònyànyàŋgo wa ami kòkò, e wowe hwe embànelì hwe hwà-òhwèlì hwa hwèlìŋgɛ̀. Hwà mà hwɛ lì ohwa ŋmɛ̀ndì o lìna la ama e Rzàŋgo, hwà mà hwɛ lì taka, ndèŋgànɛ̀lɛ̀ hwà mà àjùlɛ̀nɛ̀ meŋge mètàkà.

Jèmìrzì 5:7

Ìi wònyànyàŋgo hwa ami kòkò, e àjùlɛ̀ natɛ̀ɛ na o hwèjèelì hwe ama e Rzàŋgo. È embàneyà e mo gbeyà mbota. Mɔ̀ a ambɛ̀lɛ̀ natɛ̀ɛ na e hvonda ema a rzàŋga e mbota ya gbamù. Mɔ̀ a kaka ŋmèma natɛ̀ɛ na e hvonda ema e mbuwà ya worzo e yɔ̀ɔ̀, na e hvonda ema e rzukana o lì yɔ̀ɔ̀.

1 Pètrò 4:5

Ndi wɔ̀ hwa o tɛ̀mɛ̀ o hwèkayirzelì o worzo wo ama Lohwɛ̀ ema mɔ̀ à ambɛlɛlɛ o lì kàyìrzɛ̀ tɔ̀ ima mòtò. Mɔ̀ a kàyìrzɛ hwaŋga ema hwa hwèlì lòŋgɛ na e wɔ̀ ema hwà mà ŋwɛɛ.

1 Pètrò 4:9

È akàrzɛ̀nɛ̀yi mɔ̀kɔ na ɔ̀nɛyi e rzìi hwɛ lì àyèŋgòwɛ̀.

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.