Jèmìrzì 5:8 - Mokpwe: Bakwery (New Testament)

⁸ Inyɔ hvɛ e àjùlɛ̀, e kake mèèmà, e ambɛlɛlɛ hwejèelì hwe ama e Rzàŋgo.

Jèmìrzì 5:8 Mawu Ofanana

Lukàrzɛ̀ 21:19

È kakè mèèmà me anyu aŋga nanù e arzùŋgɛ̀ inyɔ hwìti.”

Yòwanìrzɛ̀ 21:22

Yerzù rzìi à mò alàhwɛ̀ nanù ema, “Imba nà arza tɛ ema mɔ̀ à hwɛ lòŋgɛ natɛ̀ɛ nà jà, mamɛ èŋge è ò ɔ̀ŋgɔ e? Ò wà ò nò nɔŋge.”

Ròmànì 8:25

Ndi jì ikayi tɛ màhvìtà mà arzu ò mamɛ ema i rza ɛnɛ̀, ja e ambɛ̀lɛ na lì àjùlɛ̀.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Hvìlipìyà 4:5

Inyɛ̀ hwɛ̀ɛ̀mɛ̀ hwe anyu e uŋmɛ̀lɛ̀ o worzo wo hwatò hwa arzɛ nanù ema e arzihwirzɛ. È Rzàŋgo e jà ŋmanà mbɔ.

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

1 Tɛ̀rzàlonìyà 2:19

Lì aka hweyà hwe arzɛ, inyɔ ndi e gbèyi rzi jo òhvi lìhvìtà. Inyɔ ndi e gbèyi ndèŋgànà jo òki mɔ̀nyɛ̀ŋgì, ndèŋgànɛ̀lɛ̀ inyɔ ndi e gbèyi ndèŋgànà i kumba lìyà o ŋgeŋge, ehwànja mòrzàhwèlì ema je ɛnɛ nanù ema jo ò luwa o worzo e hvonda ema Rzàŋgo Yerzù Krirztò a o jɛ̀ɛ̀.

1 Tɛ̀rzàlonìyà 3:13

I kànɛ ndi nanù, aŋga nanù Rzàŋgo Yerzù a e ètìrzɛ̀ mèèmà me anyu aŋga nanù e rza hwɛnɛ tɔ̀ lìtɔ̀tì tɔ̀ lɔ̀kɔ la mààtòo ma wòhwe o inyo ja anyu, na lì hwɛ wòtani o worzo wo ama Lohwà la arzu na Tàtɛ, e hvonda ema Rzàŋgo ya arzu Yerzù Krirztò a o jɛ̀ɛ̀ na hwatò wa eni hwa arzɛ.

2 Tɛ̀rzàlonìyà 3:5

Inyɛ̀ Rzàŋgo Yerzù Krirztò mɔ̀ ŋmìti à è gbeye o lì a embɛ nɛ Lohwɛ̀ à è lìŋgàni, ndeŋgànɛlɛ ema inyɔ hvɛ àjùlɛ̀ nà oma Yerzù mɔ̀ hvɛ ŋmìti à mà àjùlɛ̀.

Jèmìrzì 5:3

Màŋgàaŋgo ma mà lɛmbɛ e gòòlù na e rzìlìhwà ya anyu ema e imelì o mɔ̀nyɛ̀. Maŋga màŋgaaŋgo ema mà lɛmbɛ hweŋge hwema mɔ̀ ndi ma gbèeyà Lohwɛ̀ à è kɔ̀kìrzɛ̀, ndèŋgànɛ̀lɛ̀ maŋga maŋgaaŋgo me e laa inyo ja anyu nàa mùnya. O mene mèenyà ema lìrzùkù lì ma kombɛ̀nɛ̀, inyɔ e ma àwɔ̀rzɔ̀nɛ̀ mònàmɛ̀.

Jèmìrzì 5:9

Ìi wònyamòwè kòkò, e rza arzàrzòwànɛ̀ mɔ̀kɔ na ɔ̀nɛyi e rzi jà lì hwɛ Lohwɛ̀ a ohwa nanù ema e hwèlì ndi hwatò hwa wòhwe. È hwiye nanù ema e mòkàyìrzèlì a e hwɛlɛlɛ̀yi ndi o toŋgoŋgo.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

Hwèwulùwèlì 22:20

È mɔ̀ ema a tɛmi e mbòŋgi ya hwene hweyà hwe arzɛ a ohwi nanù ema, “Ò jɔ̀kɛ̀, na o jà ŋmanà mbɔ̀.” Inyɛ̀ wo lìya nanù, jà, ìi Rzàŋgo Yerzù.