Jèmìrzì 5:4 - Mokpwe: Bakwery (New Testament)

⁴ Ɔŋgɔ tɛ, e rzi rzàhwèlì hwatò ò èwòlò ema hwa e gbèelì o wàŋga ya anyu. E hwèlì ndi o lì hwa lukɛlɛ, ene eyà e ma gbeyà hwaŋga hwatò ema e rzi rzàhwèlì luuwa la awu lì hweyàhwì na Tatɛ̀ Lòohwà là Ngiŋya.

Jèmìrzì 5:4 Mawu Ofanana

Matiyò 9:37

O èŋgànɛ̀lɛ̀ à mà òhweyà Hwà-òkòwèlì hwa eni nanù ema, “È hvaya è ŋyàayì jɔ̀ɔ̀-jɔ̀ɔ̀, ndi hwarzàŋgà mbòtà hwa rzà kòkì.

Lukàrzɛ̀ 18:7

Rzèke Lohwɛ̀ hvɛ à ò rzùulɛ̀ hwatò hwa eni ema a hvɔ̀rzì e? Hwàŋga hwatò ema hwa mò èyeyàa ŋmerze nà wuu, a ò lìya ema a rza hwa alàhwɛ̀ e?

Ròmànì 9:29

Ène e hwèlì ndi na òma e mòòhwèlì wà èlìŋgɛ̀ Àyìrzayà à mà òhwe nanù ema, “È rzi hwɛ tɛ nanù ema Rzàŋgò Lohwɛ̀ ema a Kàrzamì e rzi jò lìiya irzɔ lòŋgò là è nyɔ̀ŋgɔ̀nì, òma irzɔ i timbi ndi nàa e mbòwa ndɛnɛ ya Rzòdòmi, na Gòmòrà.”

Kòlòrzìyà 4:1

Inyɔ hwatò ema e hwɛ̀ni hwàkòmì, e ohve hwàkòmì hwa anyu nà oma Lohwɛ̀ a àrzeyà, ndèŋgànɛlɛ e hwa ohve gbamù. È hwiye nanù ema inyɔ hvɛ e hwɛni mòtò o ŋmanyu yà lohwà ema inyɔ hvɛ e hwèlì o rze ya eni.