Jèmìrzì 5:19 - Mokpwe: Bakwery (New Testament)

¹⁹ Wònyànyàŋgo wa ami na indomɛ ja ami, e hwèlì tɛ nanù ema mɔ̀kɔ wa anyu a hwɛmi tɛ o lì oŋgama e njiya ya jɔ̀kɛ̀ ya ama Lohwɛ̀, rzìi o hvɛhvɛ mòtò a mo tìmbirzɛ hvɛ,

Jèmìrzì 5:19 Mawu Ofanana

Matiyò 18:15

“Ŋmànyàŋgò wa aŋgɔ̀ a ò gbeyànì tɛ wòhwe ɛndɛ ò mò uŋmɛ̀lɛ̀ lìwurze la eni ò wòrzò wò inyɔ hwahwàkɛ mɛnɛ, a ayèmbɛ tɛ lùurzè la eni aŋga nanù ò ma ò wa na ŋmanyàŋgò wa aŋgɔ̀ e ma rzeeya.

Lukàrzɛ̀ 22:32

Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”

Gàletìyà 6:1

Ìi wònyàmòwè kòkò, e hwèlì tɛ nanù ema mɔ̀kɔ wa anyu a undi o tenì ya wòhwe, inyo ema e hwèlì lì gbeyà mamɛ ema Èlìŋgɛ̀ ya Lohwà ya arza, e àŋgàmɛ̀nɛ̀ lì mo ulɛ o tenì ya wòhwe. È mo oŋgòhwànà tɛ, e mo òŋgowane na lì àjùlɛ̀. Ndi e hwɛni lì aŋgowa inyo hwiti e rza kpa o màkèkìrzɛ̀nɛ̀ o lì gbeyà woŋgo wòhwe.

1 Tìmotì 6:10

Mòtò ema a ohvi nyɔ̀ŋgi ndɛnɛ o lì arza wolì rzayi-rzayi a gbeyà hweyà hwe wòhwe o lì luwa woŋgo wolì. Ène eyà e ma gbeyà lòŋgo la hwatò hwà mà rzɔnjɛ̀lɛ̀ lì lòkɛ̀ Krirztò ndèŋgànɛlɛ hwa ohvi ndùtù rzayi-rzayi o mèèmà me awu.

1 Tìmotì 6:21

Lòŋgo la hwatò ema hwa lùtèyà nanù ema hwa hwi mamɛ ema e hwèlì, ndi tɔ̀ wɔ̀ hwiti hwa rza nɔ̀ŋgɔ lì lòkɛ̀ la jɔ̀kɛ̀ la ama Lohwɛ̀. Inyɛ̀ e ndèli ya ama Lohwɛ̀ e hwɛ na inyɔ hwa arzɛ.

2 Tìmotì 2:18

Wɔ̀ hwà mà hwɛmɛ lìlòkɛ̀ la jɔ̀kɛ̀ ndèŋgàna hwa hwèlì hwa okolɛ nanù ema irzɔ ema i lòkɛ̀yi, Lohwɛ̀ à mà màa lì jo hvùmùlɛ̀. Ini nyayi ja hwèyòkòlèlì hwe hvàŋga lìlòkɛ̀ la loŋgo la hwatò.

Hibrù 5:2

O àjùlɛ̀nɛ̀ hwatò ema hwà mà hvònda e njiya, ehwànja wɔ̀ hwa rza hwi hweyà ema hwa gbeyà, ndèŋgànɛ̀lɛ̀ mɔ̀ hvɛ a hwèlì ndi e mòtò wa hwènàmà ndeŋga ehwànja mɔ̀ hvɛ a ohvi màtona.

Jèmìrzì 1:16

Ìi wònyànyàŋgò wà ami kòkò, e rzi keka lì alùkɛ̀lɛ̀nɛ inyɔ hwiti.

Jèmìrzì 1:19

Wònyànyàŋgo hwa ami kòkò, e ɔ̀ŋgɛ̀lɛ̀ hwene hweyà. Tɔ̀ ima mòtò a àŋgàmɛ̀nɛ̀yi lì wàmirzɛ o lì okànèyà mamɛ ema ohvɛhvɛ mòtò a ohwa, tɔ̀ mòtò a rza àŋgàmɛ̀nɛ̀ lì wàmirzɛ o lì ohwa tɔ̀ eyà, tɔ̀ mòtò a rza àŋgàmɛ̀nɛ̀ lì wàmirzɛ o lì tààtà.

Jèmìrzì 3:14

Ndi e ohvi tɛ inona ja wòhwe o tenì ya mèèmà me anyu, ndèŋgànɛlɛ e lùteyà ndi o inyɔ hwiti, e rzi gbeyàna lìhwiyè ema e hwɛni o lì gbeyà wòhwe o lì teŋgɛ̀nɛ̀ hwèyòkòlèlì hwe jɔ̀kɛ̀ o lì àyekìrzɛ.

Jèmìrzì 5:20

inyɛ mɔ̀ à hwiye nanù ema, tɔ̀ ima mòtò ema a gbèyi ema mòtò ema a gbeyà wòhwe a hwɛmɛ o lì gbeyà wòhwe, aŋga nanù oma à mà rzùŋgà lòŋgɛ la e mòtò ema a gbèyi wòhwe. Ndèŋgànɛlɛ ene eyà e gbeyà wòhwe rzàyi-rzàyi ema ono mòtò à mà gbeye Lohwɛ̀ a mo làkìrzɛ.

2 Pètrò 3:17

Ndi inyɔ, imbùnda ja ami e ma màa lì hwiya hwene hweyà. O eŋgànɛ̀lɛ̀ rzɔ, e hwɛ ndi o lì ijàneyà kɔ̀yi-kɔ̀yi, aŋga nanù hwatò ema hwa rza ika imbenda ja ama Lohwɛ̀, hwa rzi e gbèeyà e kpa na hwèyòkòlèlì hwe awu hwe wòhwe ema wɔ̀ hwa e okolɛ. Inyɔ e oŋgami tɛ hwèyòkòlèlì hwe awu hwe wòhwe nanù oma lìlòkɛ̀ la anyu lì rza tɛ̀mɛ̀.

Judɛ 1:11

Èwoma na wɔ̀! Wɔ̀ hvɛ hwa gbeyà ndi na oma Keni à mà gbeye ema à mà oŋwe ŋmanyàŋgò wa eni. O nyòla wolì wɔ̀ hwa tànɛyi lì gbeyà tɔ̀ mamɛ nàa Bàlàamì. Maniyà mà awu mɔ̀ hvɛ ma mà hwa gbeyà o lì ŋwa nyayi hvɔ̀kɔ hvɛ na oma Kora à mà ŋwe ehwànja à rzi hweyàne Lohwɛ̀.