Jèmìrzì 5:16 - Mokpwe: Bakwery (New Testament)

¹⁶ O eŋgànɛ̀lɛ rzɔ, e àpùrzɛ̀lɛ̀nɛ̀ wòhwe hwa anyu mɔ̀kɔ na ɔ̀nɛyi ndèŋgànɛ̀lɛ̀ inyɛ tɔ̀ ima mòtò a kànɛlɛlɛ ŋmanyàŋgò wa eni, aŋga nanù inyɔ hwa arzɛ e wɔ̀wìrzɛ̀hwɛ. Màkanɛ̀ ma e mòtò ema a gbeyà hweyà hwe jɔ̀kɛ̀ o worzo wo ama Lohwɛ̀ hwe imbami rzàyi-rzàyi, ndèŋgànɛlɛ ma ɛndeya.

Jèmìrzì 5:16 Mawu Ofanana

Matiyò 21:22

È òhvi tɛ lì lòkɛ̀ nanù ema, tɔ̀ mamɛ ema e ijòwani Lohwɛ̀ ò màkanɛ̀ ye e lùwa. Nànù òma e ijòwi tɛ ye e luwa.”

Matiyò 3:6

Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Makòrzì 1:5

Hwatò hwa mà uhwɛlɛlɛ ò erzòòkà yà arzɛ yà Jùdeyà, nà ò mbòwà ndɛ̀ɛ̀ndɛ̀ yà Jèrurzalɛ̀mù, hwa mà wurza lì mò òkànèyà. Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Lukàrzɛ̀ 9:6

È hvònda ema Yerzù a mà kulɛ̀ lì òhwà, rzìi Hwà-òkòwèlì wa eni hwa wòteyà ò lì ɛ̀ndɛ mbòwà nà mbòwà tɛ. Hwà mà hwɛ lì òhwa Ŋmɛ̀ndì mò Gbamù, nà lì wɔ̀wìrzɛ̀ hvɛ hwatò, èki ya arzɛ.

Yòwanìrzɛ̀ 9:31

I hwi nanù ema Lohwɛ̀ a rza alàhwɛ̀ màkanɛ̀ ma hwatò hwa wòhwe, ndi à alàhwɛ̀ ndi màkanɛ̀ ma hwatò ema hwa mò ŋgba èluhwe na lì gbeyà mamɛ ya arzɛ ema a arza.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 19:18

Rzayi-rzayi ja hwaŋga ema hwà mà lòkɛ̀yì hwà mà jà, rzìi hwa purzɛlɛ ò mòte wòhwe wò arzɛ ema hwà mà gbeyɛ.

Hwègbèèlì 8:24

Rzimɔ̀ni rzi a òhweyà Pètrò nà Yòwanìrzɛ̀ nanù ema, “Ìi wònyamòwè kòkò, e nò kanɛ̀lɛ̀lɛ̀ e Rzàŋgò, aŋga nanù hwene hweyà hwe arzɛ ema e ma òhwɛ ò lì nò hvòmɛ̀nɛ̀, hwe rzi nò gbèyɛ̀nɛ.”

Ròmànì 3:10

Nà òma e tìlahwi ò kààtì ya Lohwà nanù ema, “O rza enje tɔ̀ mòtò tɔ̀ mɔ̀kɔ ema a tɛmì ehve-ehve na Lohwɛ̀. O rza enje tɔ̀ mòtò tɔ̀ mɔ̀kɔ.

Ròmànì 5:19

Nà òma Adàmu a rzi hweyàna Lohwɛ̀, e ma gbeyà tɔ̀ ima mòtò ò lì hwɛ mòtò wa wòhwe. Mòlandakò mɔ̀kɔ hvɛ mɛnɛ ema lì hweyànà là ehvòwa mòtò Yerzù Krirztò lì ma gbeye hwatò hwa arzɛ ò lì emeyàlɛ̀hwɛ̀ ò wòrzò wò ama Lohwɛ̀.

Kòlòrzìyà 1:9

Ò lìni lìtiŋgà rzɔ, irzɔ i hwèlì jè è kànɛ̀lɛ̀lɛ̀ tɔ̀ ima hvonda. Ì kanɛ̀ nanù ema inyɛ Lohwɛ̀ à gbèye inyɔ è rzɔ̀ŋgìtɛ̀nɛ̀ kɔ̀yi-kɔ̀yi eyà ema mɔ̀ à arza nanù ema è gbèyè. Ì kanɛ̀ nanù ema Lohwɛ̀ à è ŋgbe lìhwiyè nà lì rzɔ̀ŋgìtɛ̀nɛ̀ aŋga nanù è rzɔ̀ŋgìtɛ̀nɛ̀ gbamù eyà yà Èlìŋgɛ̀.

1 Tɛ̀rzàlonìyà 5:17

È kànɛ ihvonda ja arzɛ,

1 Tɛ̀rzàlonìyà 5:23

Inyɛ̀ Lohwɛ̀ mɔ̀ ŋmìti ema a jo ŋgba ɛ̀yɔ̀lɛ̀ inyɛ a gbeeye inyɔ e hwɛ wòtani o hweyà hwe arzɛ. Inyɛ̀ e tɛ̀yirzɛ èlìŋgɛ̀ na inyɔ hwa arzɛ gbamù, ndèŋgànɛ̀lɛ̀ e rzi hwɛnɛ tɔ̀ lìtɔ̀tì tɔ̀ lɔ̀kɔ la màatò ma wòhwe o nyo ya anyu natɛ̀ɛ na e hvonda ema e Rzàŋgo ya arzu Yerzù Krirztò a o jɛ̀ɛ̀.

1 Tɛ̀rzàlonìyà 5:25

Ìi wònyàmòwe kòkò, e jo kànɛ̀lɛlɛ irzɔ̀ hvɛ.

Hibrù 11:4

O lìlòkɛ̀ ndi Abɛ̀lì à mà ŋgbe Lohwɛ̀ làhweyà la gbamù, ema lì ma aka lìŋgi ema Kèyini à mà ŋgbe Lohwɛ̀. Liŋgi lìlòkɛ̀ lɔ ndi lì ma gbeyà ema Lohwɛ̀ à mà mo òkane mɔ̀nyɛ̀ŋgì nàa mòtò ema a gbèeyà hweyà ema hwe hvomɛ̀nɛ̀yi. Ène eyà e ma awuŋmɛ̀lɛ̀ na oma Lohwɛ̀ à mà emeyà làhweyà la ama Abɛ̀lì. Lìlòkɛ̀ ndi lì ma gbèya ema tɔ̀ nɛ Abɛ̀lì mɔ̀ à mà ŋwɛɛ, ndi à hwèlì lì ohweyà hwatò hweyà.

Hibrù 11:7

Lìlòkɛ̀ ndi lì ma gbeyà ema Nowà a hweyàne Lohwɛ̀ na oma Lohwɛ̀ à mà mo òhweyà hweyà ema hwe o gbèyɛ̀nɛ o hvonda ema e o jɛ̀ɛ̀. Tɔ̀ nɛ o eŋge hvonda mɔ̀ à rza ɛnɛ hweŋge hweyà na mìirzɔ̀ ma eni, ndi mɔ̀ à mà gbeyà hweŋge hweyà ema Lohwɛ̀ à mà mo òhweyà ema a gbeye. A ma oŋga wɔ̀lɔ wo ndɛnɛ. O tenì ɔ̀ndi mɔ̀ à mà kpeyaneya lìtumba la eni la arzɛ ndèŋgàna wɔ̀ hwà mà rzùŋgàhwa e hvonda ema màlìhwà ma mà onde e rze ya arzɛ rzìi hwèèmà hwe arzɛ hwe inda. Nà oma Nowà à mà gbèyi nanù e ma awuŋmɛ̀lɛ̀ nanù ema hwatò hwa arzɛ hwa e rze ya mɔ̀nyɛ̀ hwà mà hwɛ wòhwe. Ndi lìlòkɛ̀ ema Nowà à mà hwɛnɛ lì ma gbeyà ema Lohwɛ̀ a mo wowa nàa mòtò ema a tɛmi ehve-ehve.

Hibrù 12:13

È rzɛ̀ŋgɛ̀nɛ̀ e njiya ema e hwɛnì lì akeyà, aŋga nanù e wɔ̀ ema hwa hwèlì mboko hwa lùwa etembe hwa timba hvɛ lì wɔ̀wìrzɛ̀hwɛ.

Hibrù 13:18

È jo kanɛ̀lɛ̀lɛ̀ èhwanja màlùtèyà ma arzu ma rzaŋgi, ndèŋgànɛ̀lɛ̀ hvɛ irzɔ ja arza lì lìya na èluhwe o tɔ̀ ima eyà ema i gbeyà.

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.

1 Yòwanìrzɛ̀ 3:22

I luwàna Lohwɛ̀ tɔ̀ mamɛ ema i mo arzanì, ehwànja irzɔ jo òŋgama imbenda ja eni, na lì gbeyà hvɛ mamɛ ema e mo lìŋgìrzɛ.