Jèmìrzì 5:15 - Mokpwe: Bakwery (New Testament)

¹⁵ Hwa mo kànɛlɛlɛ tɛ na ŋmèma mɔ̀kɔ, Lohwɛ̀ a hwa hweyàna màkanɛ̀ ma awu, ndeŋgànɛlɛ eŋge e gbeyà e mòokelì a wɔ̀wɔ. È Rzàŋgo e gbeyà ema oŋgo mòtò a anjiye o lìnɔ̀ŋgɔ la eni la nyàmbɛ a hwɛ gbamù, ndèŋgànɛ̀lɛ̀ tɔ̀ wòhwe ema mɔ̀ à gbèyi Lohwɛ̀ a mo làkìrzɛ e lɔ̀ɔ.

Jèmìrzì 5:15 Mawu Ofanana

Matiyò 17:20

Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Yòwanìrzɛ̀ 5:14

O mburzà ya hvònda Yerzù à mà ɛnɛ òŋgò mòtò ò Ndawò yà Lohwà. Nà òma à mà mò ɛnɛ rzìi a mò òhweyà nanù ema, “Onò òkànèyà tɛ, nàŋgɛ nanù ò ma wɔ̀wìrzɛ̀hwɛ̀ ò rzi gbeyà hvɛ hweyà hwe wòhwe. Èhwanja ò gbèyi hvɛ tɛ wòhwe, ò taka lì aka nanù.”

Yòwanìrzɛ̀ 6:39

Ndèŋgànɛ̀lɛ̀ lì lùtèyà la ama e mɔ̀ ema a nò òmi lìini ema ò ìtììtènì ja hwatò hwa arzɛ ema a nò ŋgbelì, na rza wɔ̀lɛ̀nɛ̀ tɔ̀ mɔ̀kɔ, ndi ema na hwa hvùmùlɛ̀ hwa arzɛ ò wùnyà wò lìrzukù.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

2 Kɔ̀rintìyà 4:14

Irzɔ i hwi nanù ema Lohwɛ̀ ema mo ndi à mà hvùmùlɛ̀ Rzàŋgo Yerzù, a o jo hvùmùlɛ̀ irzɔhvɛ, o lì hwɛ o lòŋgɛ na Yerzù. Ndèŋgana, Lohwɛ̀ a o jo jànà irzɔ na inyɔ o èki ema a hwèlì.

Jèmìrzì 1:6

Ndi inyɔ e kànɛ tɛ rzìi e a akowana Lohwɛ̀, inyɛ e lòkɛ̀ nanù ema a e ŋgba mamɛ ema e mo arzana, e rzi hwɛ inyɔ lì tàmà. È mòtò ema a tàmà, a hwèlì ndi nàa hwemunɛ hwe ŋmànja ema e mbɛ̀hvɛ̀nì e uŋgɛlɛ èki ya arzɛ.

Jèmìrzì 5:13

Tɔ̀ ima mɔ̀ wa anyu ema a hwèlì o mòtàkà inyɛ a kànɛ. Tɔ̀ ima mɔ̀ wa anyu ema a ohvi mɔ̀nyɛ̀ŋgì inyɛ a embeya Lohwɛ̀ mɛ̀rzɔ̀kɔ̀ me jeka.

Jèmìrzì 5:16

O eŋgànɛ̀lɛ rzɔ, e àpùrzɛ̀lɛ̀nɛ̀ wòhwe hwa anyu mɔ̀kɔ na ɔ̀nɛyi ndèŋgànɛ̀lɛ̀ inyɛ tɔ̀ ima mòtò a kànɛlɛlɛ ŋmanyàŋgò wa eni, aŋga nanù inyɔ hwa arzɛ e wɔ̀wìrzɛ̀hwɛ. Màkanɛ̀ ma e mòtò ema a gbeyà hweyà hwe jɔ̀kɛ̀ o worzo wo ama Lohwɛ̀ hwe imbami rzàyi-rzàyi, ndèŋgànɛlɛ ma ɛndeya.

Jèmìrzì 5:20

inyɛ mɔ̀ à hwiye nanù ema, tɔ̀ ima mòtò ema a gbèyi ema mòtò ema a gbeyà wòhwe a hwɛmɛ o lì gbeyà wòhwe, aŋga nanù oma à mà rzùŋgà lòŋgɛ la e mòtò ema a gbèyi wòhwe. Ndèŋgànɛlɛ ene eyà e gbeyà wòhwe rzàyi-rzàyi ema ono mòtò à mà gbeye Lohwɛ̀ a mo làkìrzɛ.