Jèmìrzì 4:1 - Mokpwe: Bakwery (New Testament)

¹ Mamɛ e jànà injùmà na mètaŋgo ò ìtììtènì ja anyu e? Rzeke e hwèlì ndi e jɔ̀kɛ̀ nanù ema ilema ja lì hwɛnɛ la hwèèmà ema hwe jo ananà o tenì yɔ̀ ndi e gbeyà i gbeyà hwene hweyà e?

Jèmìrzì 4:1 Mawu Ofanana

Matiyò 15:19

O ŋmèma mò eni ɔ̀ndi màlùtèyà ma wòhwe ema mà mò lìyɛ̀lɛ̀ ò lì òŋwa, lì gbeyà mòrzònje mò ndawò ya lìhwa, na lì gbeyà hvɛ la hwehvɛhvɛ hweyà hwe hwèŋgòmba. Manù màlùtèyà hvɛ ndi ma gbeyà a ihwa, ò lì tɛ̀mɛ̀ mbòŋgi ja mòlàŋgà na lì indà hwahvɛhvɛ hwatò.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Ròmànì 7:23

Ndi na ɛnɛ ehvɛhvɛ mbenda ema e kànèyà e nyò ya ami ya mòtò wa hwènàmà. Èŋge mbenda e anana e mbenda ema ŋmèma mò ami mò lìŋgàni, eŋge mbenda e ma nò nyàmà ndèŋgàna e ma nò gbèeyà ndi ò lì hwɛ e mòkòme wa wòhwe. Ndèŋgana wòŋgò wòhwe wɔ̀ ndi wò kànèyà e nyò ya ami ya e mòtò wa hwènàmà.

Ròmànì 7:5

Èhwanja e hvònda ema ɛ̀ɛ̀mɛ̀ ya arzu ya e mòtò wa hwènàmà e ma hwɛ lì jò kànèyà, e mbenda e ma hwɛ lì jò kɔ̀mɛ̀lɛ̀ ò màkèkìrzɛ̀nɛ̀ ma hweyàrzèlì hwe e nyàmà nyò. Ène e ma hwɛ ò lì jò gbeyà nanù ema i gbeye hweyà hwe wòhwe ema hwe jànà e kpelì.

Ròmànì 8:7

È hwèlì tɛ nanù ema hwèèmà hwe e nyàmà nyò hwe kànèyà tɛ mòtò, òŋgò mòtò a kɔ Lohwɛ̀ ihvònda ja arzɛ èhwanja a rzi ika imbenda ja ama Lohwɛ̀, ndèŋgànɛlɛ a rza ò tànɛyi lì jò òŋgama.

Gàletìyà 5:17

Èhwanja mamɛ ema e nyàmà ya nyo ya arzu yɔ ya arza, hwe hwèlì ndi o lì teŋgɛ̀nɛ̀ mamɛ Èlìŋgɛ̀ ya arza. Ndeŋgànɛ̀lɛ̀ mamɛ ema Èlìŋgɛ̀ ya arza e teŋgɛ̀nɛ mamɛ ema e nyàmà ya nyo e arza. Hwene hwe ahwakɛ hwe hwèlì ndi hwàkɔ̀yèlì, ene ŋgàna e hwèlì ndi nanù ema, e rza tànɛyi lì gbeyà mamɛ ema e hwɛni lì gbeyà.

Kòlòrzìyà 3:5

O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.

2 Tìmotì 2:23

O rzɔnjɛ̀lɛ̀ e mbɔrzi ya hvenda ya èèti ema e rza oŋgowàna tɔ̀ mòtò tɔ̀ eyà. O hwi nanù ema e hvenda ndi e jànà mòtaŋgo.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

Tàyìtùrzì 3:9

Ndi inyɔ e rza alɛ̀mbɛ̀nɛ hvenda ya èetì, o lì ohwa nɛ inyɔ̀ŋgɔ̀nì i ma wòteyà. È rzɔ̀njɛlɛ ihvenda, na metàŋgo lì hvomɛ̀nɛ̀ e mbenda ya wònyà Yudà. È rza akakumɛnɛ hwene hweyà ehwànja, hwe hwèlì ŋgandì ndeŋgànɛlɛ hwe rza ohvi tɔ̀ mɔ̀rzɛ̀ŋgi.

Jèmìrzì 1:14

Màlùteyà ma wòhwe ma mòtò mɔ̀ ndi ma mo gbeyà a unda o tenì yà màkèkìrzɛ̀nɛ, eŋge hvondà ndi màkèkìrzɛ̀nɛ ma mo wowàna ŋmèma mo eni o lùuŋga rzìi ma mo kakana e ŋgɔ̀kɔ̀hwì.

Jèmìrzì 4:3

Ndèŋgànà inyɔ e akòwànì tɛ Lohwɛ̀ yoma, e rza e luwa ehwànja e ijòwa na màlùtèyà mà wòhwe. Inyɔ̀ ya akowana ndi hweemà o lì alìŋgìrzɛ inyɔ mɛnɛ.

1 Pètrò 1:14

Nà oma e hwèlì ndi hwatò ema hwa gbeyà mamɛ ema Lohwɛ̀ arza, e rzi keka lì emeyà nanù ema hweyà hwe wòhwe ema e ma hwɛ lì gbeyà o e hvonda ema e ma aka hwe e kànèyà mòŋgɛ ma anyu hvɛ.

1 Pètrò 2:11

Imbùnda ja ami kòkò, na arza nanù ema e rzɔ̀ŋgìtɛ̀nɛ̀ nanù ema e hwèlì ndi hwàyɛ̀nì, inyɔ e aka ndi lì aka anu rze ya mɔ̀nyɛ̀. O eŋgànɛ̀lɛ̀ e rzi ika mèèmà me anyu o hweyà hwe e nyo ya e mòtò wa hwènàmà ehwànja eŋge e anana hwèlìŋgɛ̀ hwe anyu.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.

2 Pètrò 3:3

Eyà ya worzo e aŋgàmɛ̀nɛ̀yi lì rzɔ̀ŋgìtɛ̀nɛ̀ nanù ema o mene mèènyà me lìrzùkù, lòŋgo la hwatò hwa o wurza ema mòŋgɛ ma awu, ma o kànèyàhwɛlɛ ndi na e nyìrzɛ̀ ya awu ya e nyàmà ya nyo hwa e yɔ̀eyà,