Jèmìrzì 3:9 - Mokpwe: Bakwery (New Testament)

⁹ Jɔ ndi i gbeyàna o lì eka Rzàŋgo Lohwɛ̀ e Tatɛ̀ ya arzu, ndèŋgànɛlɛ jɔ ndi i gbeyàna o lì jema hwatò hwa hwènàmà. Ndeŋgànɛ̀lɛ̀ Lohwɛ̀ a weki ndi e mòtò wa hwènàmà o hweyàkɛ̀nèlì hwe eni.

Jèmìrzì 3:9 Mawu Ofanana

Matiyò 26:74

Pètrò rzìi ààtɛ̀ nanù ema, “Nà rza hwi ònò mòtò. Inyɛ̀ Lohwɛ̀ à nò kɔ̀kìrzɛ̀ è hwèlì tɛ ema nà kɔ̀ɔ̀ ndi hweyà!” Liwòkimɛnɛ è mòme wà wuhwà rzìi à tòŋga.

Matiyò 5:44

Ndi imba nà è òhwèyà nanù ema, è lìŋgàne hwatò ema hwa è kɔ̀wu. È kanɛ̀lɛ̀lɛ̀ hvɛ hwaŋga hwatò ema hwa è tàkìrzɛ̀.

Hwègbèèlì 2:26

O eŋgànɛlɛ rzɔ ŋmèma mò ami mò òndi na mɔ̀nyɛ̀ŋgì, ndèŋgànɛlɛ hvɛ imba na òhwa ŋmɛ̀ndì na mɔ̀nyɛ̀ŋgì. È nyò ya ami yɔ hvɛ e ò hwɛnɛ lìhvìtà na òma na hwèlì lòŋgɛ.

Ròmànì 3:14

Jòòhwì ja mòjèmà na e me wòhwe ndi i wurza ò i wàna ja awu.

1 Kɔ̀rintìyà 11:7

Moto hwa mùnyanà a rza hwɛnì lìtiŋga o lì kumɛnɛ moòhvo mo eni èhwanja a hwèlì ndi ewèkèlì na èluhwe ya ama Lohwà. Ndi e molanà a hwèlì ndi èluhwe ya e mòtò wa mùnyanà.

Ɛ̀hvìrzìyà 1:3

Inyɛ̀ je eke Lohwɛ̀. Mɔ̀ ndi à hwèlì Lòohwà la ama Rzàŋgo wa arzu Yerzù Krirztò na Tatɛ̀ ya eni. Lohwɛ̀ ndi à hwèlì e mɔ̀ ema à mà jo nàmìrzɛ̀ na menàmirzelì me arzɛ ema me uwɛ̀lɛ̀lɛ̀yi o ŋmanyu yà lohwà. A gbèyi ndi nanù èhwanja irzɔ ima hwɛ ndi mɔ̀kɔ na Krirztò.

Jèmìrzì 1:27

O lì gbèeyà Lohwɛ̀ o ŋgànà ema e hwèlì Wòrzàŋgì ndèŋgànà o jɔ̀kɛ̀ ya ama Tatɛ̀ Lohwɛ̀, e hwèlì ndi o lì ɔŋgeya i nyuhwe ja hwàna na mekurze me hwalana ema me tàka, na lì àwòhvɛ̀ la eni la gbamù e rzi hwɛ nanù ema hweyà hwe mbindo hwe e rze ya mɔ̀nyɛ̀ hwe mo atukɛ o nyo.

Jèmìrzì 3:10

Ndeŋgànɛ̀lɛ̀ o wàna hvɔ̀kɔ ndi jòòhwì ja lì eka na lì jema jo uwɛ̀lɛ̀lɛ̀yi. Wònyànyàŋgo hwa ami e rza hwɛni lì hwɛ nanù.

1 Pètrò 1:3

Jèka ì hwɛ nà Lohwɛ̀ è Tatɛ̀ yà ama è Rzàŋgo wà arzu Yerzù Krirztò. À mà hvùmùlɛ̀ Yerzù Krirztò ò kpelì. Ò eŋgànɛ̀lɛ̀ i mà luwa lòŋgɛ lì hvènya. Nà oma mɔ̀ à gbèyi nanù, à mà jò ŋgba lìhvìta là lòŋgɛ là gbìndèyà.