Jèmìrzì 3:6 - Mokpwe: Bakwery (New Testament)

⁶ Ndèŋgànɛ̀lɛ̀ jɛ̀ɛ̀mɛ̀ jɔ̀ hvɛ i gbèyi ndi nàa mùnya. I hwèlì ndi enama o e nyo ya mòtò wa hwènàmà, ndeŋgànɛlɛ i gbeyà wòhwe wo kànèyà e nyo ya arzɛ ya e mòtò wa hwènàmà. Jɛ̀ɛ̀mɛ̀ i gbeyà lòŋgɛ la e mòtò wa hwènàmà lì gbeyà ndi o a ɛnɛ oma lì oŋwa ndi mùnya. Moŋgo mùnya mo uwɛ̀lɛ̀lɛ̀yi ndi o yulu ya mùnya ema mo rza lìma.

Jèmìrzì 3:6 Mawu Ofanana

Matiyò 12:24

Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”

Matiyò 5:22

Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.

Makòrzì 7:15

Ò rza ènje tɔ̀ yomà ema e wùrza ò èwòkà rzìi e kpèeyà mòtò, rzìi e mò gbeyà a hwɛ ŋmiŋgò, ò wòrzò wò ama Lohwɛ̀. Ndi eyà ema e wurza mòtò ò tenì, yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Lukàrzɛ̀ 16:24

Èŋge èhwàŋgì ya mòtò rzìi e tɛɛ nanù èma, ‘Ìi tatà Abràhamù, ò nò òkeya ììlì. Oma Làrzàlɔ̀tì ema a tɔ̀tè wòrzò wò jɔ̀nɔ ja eni ò màlìhwa a nò tɔ̀lɛ è mɔ̀ ò jɛ̀ɛ̀mɛ̀ ja amì ò lì nò yɔlɛ̀, èhwanja nà hweyà wɔ̀ɔ̀kì rzayì-rzayì ò tènì yà mònò mùnya.’

Hwègbèèlì 20:30

O ò jà hvònda ema hwatò hwa ò uwɛ̀lɛ̀lɛ̀yi ò ìtììtènì ja anyu, ema hwa ò rzɛŋgɛnɛ hweyà hwe lì kɔ, aŋga nanù hwatò ema hwa lòkɛ̀ Yerzù hwa ò hwa òŋgama.

Hwègbèèlì 5:3

Aŋga ndi Pètrò à mà mò ijòwa nanù ema, “Ìi Ànàniyarzì mamɛ ndèŋgàtɛ ò imanɛlɛ nanù ema mòkarzɛ̀ a ò kànèyà. Nàŋgɛ rzɔ mòkarzɛ̀ à mà ò gbeyà ò ma kɔ̀yeyà Èlìŋgɛ̀ yà Wòtani eyà na òma ò wa ò ma utɛ lòŋgò la wòŋgò wòlì ema ò ma àhwirzɛ̀ eŋge etò.

Hwègbèèlì 6:13

Hwà mà jànà lòŋgò la hwatò ò lì mò tɛmeya mbòŋgi ya mòlàŋgà. Hwanu hwatò hwà mà òhwa nanù ema, “Onò mòtò a òhwa hweyà hwe wòhwe ò i hvònda ja arzɛ lì teŋgɛ̀nɛ̀ e Ndawò yà Lohwà ema e hwèlì wòtani na lì teŋgɛ̀nɛ̀ imbenda ema Lohwɛ̀ à mà jò ŋgbɛ.

Tàyìtùrzì 1:11

O rzi keka lì emeyà nanù ema hwaŋga hwatò hwa okolɛ ehwànja wɔ̀ hwà mà hvuŋguhwa rzayi-rzayi ja màtumbà mà hwatò hwa ama Krirztò na oma wɔ̀ hwa okolɛ hweyà ema hwa rza ohvɛ e wònja o lì hwe okolɛ. Wɔ̀ hwa okolɛ ndi ini nyayi ja hweyà aŋga nanù wɔ̀ hwa luwa wolì.

Jèmìrzì 2:7

Wɔ̀ ndi wɔ̀ hwa ohwa wòhwe o lì hvomɛ̀nɛ̀ lìinà la gbamù ema lì ma e ŋgbahwa.

Jèmìrzì 3:7

Mòtò a tanɛyi a kànèyà inyàmà ja arzɛ. A kànèyà inyàmà ja waŋga, a kànèyà hwenɔ̀ni, a kànèyà inyàmà ema i kòòwà màwùŋgà mà awu o rze, a kànèyà hvɛ inyàmà ja màlìhwa ja arzɛ ema i hwèlì o ŋmànja. Ndèŋgànɛlɛ mɔ̀ a wòteyà ndi lì ji kànèyà natɛ̀ɛ na o hwewotelì hwe hvonda.

2 Pètrò 3:3

Eyà ya worzo e aŋgàmɛ̀nɛ̀yi lì rzɔ̀ŋgìtɛ̀nɛ̀ nanù ema o mene mèènyà me lìrzùkù, lòŋgo la hwatò hwa o wurza ema mòŋgɛ ma awu, ma o kànèyàhwɛlɛ ndi na e nyìrzɛ̀ ya awu ya e nyàmà ya nyo hwa e yɔ̀eyà,

3 Yòwanìrzɛ̀ 1:10

O eŋgànɛlɛ rzɔ, na jelì tɛ aŋga, na ohweyà hwatò hwa ŋmèmba mamɛ ya arzɛ ema mɔ̀ à gbeyà. Hweya ema mɔ̀ à gbeyà hwe hwèlì ndi, hwèyòhwèlì hwe mòlàŋgà mo èèti o lì jo hvomɛ̀nɛ̀, ndèŋgànɛlɛ hvɛ mɔ̀ à rza kàrzɛ wònyànyàŋgo hwa arzu hwa ama Krirztò, ndèŋgànɛlɛ hvɛ mɔ̀ à kekà hwà hvɛhvɛ hwatò ò lì hwa kàrzɛ. Ndeŋgànɛ̀lɛ̀ mɔ̀ à hwa hvaya o ŋmèmba.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Hwèwulùwèlì 18:23

O e mbowà ndɛnɛ ya aŋgɔ, etùlù e rza o hvànya hvɛ tɔ̀ wùnyà, lìlo la mɔ̀nyɛ̀ŋgì la mɔ̀ɔ̀mbì na e mohwɛ̀ɛ̀nɛ wa mɔ̀ɔ̀mbì lì rza o hwɛ̀ɛnɛ hvɛ tɔ̀ wùnyà. Hwa o hvàŋga eŋge mbowà ndɛnɛ ehwànja, hwatò hwa aŋgɔ̀ hwa nyòŋga ya lì anda na lì ahwìrzɛ wɔ̀ ndi hwà mà hwɛ iŋgumu ja nyòŋga o e rze ya mɔ̀nyɛ̀ ya arzɛ, ndèŋgànɛ̀lɛ̀ hwatò hwa arzɛ hwa hwèkòmè hwe e rze ya mɔ̀nyɛ̀, o ma gbeyàna màagikì ma aŋgɔ o lì hwa lukɛlɛ.”

Hwèwulùwèlì 19:20

Rzìi hwa lɛmbɛ eŋge nyàmà yà wòhwe nà hwà-òhwèlì hwa hwèlìŋgɛ̀ hwa mòlàŋgà. Oŋgo mòòhwèlì wà èlìŋgɛ̀ wà mòlàŋga à mà hwɛ ò worzo wò eni, à mà hwɛ lì uŋmɛ̀lɛ̀ embànelì ò lì lùkɛ̀lɛ̀lɛ̀ hwatò ema hwa mà luwɛ eembànelì yà eŋge nyàmà yà wòhwe ndèŋgànɛ̀lɛ̀ hwa mà hwɛ lì kanɛ̀ eŋge elìŋgɛ̀. È hvonda ema hwà mà hwɛ lòŋgɛ hwà mà hwa hvimba wɔ̀ hwahwàkɛ o tenì ya ehvɔ̀ndi ya mùnya, ndèŋgànɛ̀lɛ̀ hwà mà rzeeya na mùùnya ema mo ma hwɛ lì tumbana rzayi-rzayi.