Jèmìrzì 3:4 - Mokpwe: Bakwery (New Testament)

⁴ Tɔ̀ e wowe hvɛ embànelì na mèelì me ŋmànja ema me hwèlì o ŋmànja. Tɔ̀ nɛ mèelì me ŋmànja me olo rzàyi-rzàyi, e mbɛ̀hvɛ̀nì ya ŋginyà ndi e me ɛ̀ndɛ̀nɛ̀. È mòtò ema a luka meŋge mèelì me ŋmànja a gbeyàna ndi hwàanà hwewambo ò lì ɛndɛnɛ mèelì me ŋmànja o tɔ̀ ima èki ema mɔ̀ àrza nanù ema mèelì me ŋmànja me ɛndɛ.

Jèmìrzì 3:4 Mawu Ofanana

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 8:24

Nà òma hwa mà uke ò tenì yà malìhwa, è mbɛ̀hvɛ̀nì rzìi è wòteyà lì uŋgɛlɛ. È mà imbama nyayi ema è mà arze lì indirzɛ wɔ̀ɔ̀lɔ̀, ndi Yerzù mɔ̀ à mà hwɛ ndi ò ijɔ̀.

Hwègbèèlì 27:11

Ndi e mòkànèlì wa rzònja a rzi lòkɛ̀ mamɛ ema Pàwolò à mà òhwe ndi à mà lòkɛ̀ ndi mamɛ ema e mòlukelì na e mòhwɛnɛ wa meŋge melì me ŋmànja hwa mò òhwe.

Jèmìrzì 3:3

Inyɛ̀ i wowe embànèlì na e wɔ̀rzi. Èhwànja mòtò arzi tɛ ema e wɔ̀rzi e gbeye nàa oma mɔ̀ à àrzeyà, a àŋgàmɛ̀nɛ̀yi lì ika yoma o tenì ya e wàna ya eni. Èŋge yoma ndi mɔ̀ à gbeyàna o lì timba eŋge wɔ̀rzi o lì ɛndɛ o èki ema mɔ̀ àrza nanù ema e ɛndɛ.

Jèmìrzì 3:5

Nànù ndi jɛ̀ɛ̀mɛ̀ jɔ hvɛ i hwèlì. Tɔ̀ nɛ i tu o nyo ya mòtò ja àyekìrzɛ o hweyà hwe ndɛnɛ ema i gbeyà. È ɔŋgɔ nɛ ŋmanà èkàando wa mùnya a tanɛyi lì rzɛlɛ lìkomba lì ndɛnɛ la waŋga.