Jèmìrzì 3:2 - Mokpwe: Bakwery (New Testament)

² Irzɔ hwa arzɛ i yɔ̀ki lì gbeyà màtona o jòòhwì. È mòtò ema a rza gbeyà tɔ̀ lìtona a hwèlì ndi mòtò ema a tɛmi ehve-ehve a tànɛyi hvɛ lì kànèyà e nyo ya eni ya arzɛ aŋga nanù a rza gbeyà lìtona.

Jèmìrzì 3:2 Mawu Ofanana

Matiyò 12:34

Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni.

Matiyò 12:37

Tɔ̀ ima eyà ema ò ma òhwe, yɔ ndi e ò gbeyàhwɛnɛ ò lì ò kàyìrzɛ̀.”

Ròmànì 3:10

Nà òma e tìlahwi ò kààtì ya Lohwà nanù ema, “O rza enje tɔ̀ mòtò tɔ̀ mɔ̀kɔ ema a tɛmì ehve-ehve na Lohwɛ̀. O rza enje tɔ̀ mòtò tɔ̀ mɔ̀kɔ.

Ròmànì 7:21

O èŋgànɛ̀lɛ̀ rzɔ, nà mà ayembɛ nanù ema ò hwèlì mbenda ema e nò kànèyà. Tɔ̀ ima hvònda ema na arza lì gbeyà eyà ya gbamù, wòhwe ndi wò akɛlɛ lì jà ò ŋmèma mò ami.

1 Kɔ̀rintìyà 9:27

Nà òkòlɛ̀yi e nyo ya ami ò lì ajùlɛ̀nɛ̀ mètàkà me lìhwaŋgi. Ène ŋgàna e èŋgànɛ̀lɛ̀ imba na oka wɔ̀ŋgɔ̀ ema nà mà òhwèyà tɛ hwahvɛhvɛ hwatò eyà yà Lohwà, rzìi imba na tìmba eyoyo.

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Gàletìyà 5:17

Èhwanja mamɛ ema e nyàmà ya nyo ya arzu yɔ ya arza, hwe hwèlì ndi o lì teŋgɛ̀nɛ̀ mamɛ Èlìŋgɛ̀ ya arza. Ndeŋgànɛ̀lɛ̀ mamɛ ema Èlìŋgɛ̀ ya arza e teŋgɛ̀nɛ mamɛ ema e nyàmà ya nyo e arza. Hwene hwe ahwakɛ hwe hwèlì ndi hwàkɔ̀yèlì, ene ŋgàna e hwèlì ndi nanù ema, e rza tànɛyi lì gbeyà mamɛ ema e hwɛni lì gbeyà.

Kòlòrzìyà 1:28

Ɔndèŋgàtɛ̀ irzɔ jò òhweyà hwatò lì hvomɛ̀nɛ̀ Krirztò tɔ̀ ima èki ema jè ɛndɛ. I hwa kòkòwɛ̀lɛ̀, nà lì hwa okòlɛ nà lìhwiyè là arzɛ ema Lohwɛ̀ à mà jò ŋgbɛ. Irzɔ i gbeyà ndi nanù ehwànja ja arza ndi nanù ema wɔ̀ hwa èmàyɛ̀lɛ̀ ò worzo wò ama Lohwɛ̀ nàa hwatò ema màtàŋga mà awu ma mà màa lì imbami ò tenì yà lì lòkɛ̀.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

Jèmìrzì 1:26

Tɔ̀ ima mòtò ema a ɔ̀ŋgɛ̀lɛ̀ nanù ema mɔ̀ à gbeyà ndi nà oma Lohwɛ̀ a àrzeyà, rzìi a rzi kànèyà jɛ̀ɛ̀mɛ̀ ja eni, eŋge tumba mòtò a alukɛ̀lɛ̀ ndi mɔ̀ ŋmìti, ndèŋganɛlɛ èwòlò ya eni ema mɔ̀ à gbèeyà Lohwɛ̀ e hwèlì ndi ŋgundu.

Jèmìrzì 1:4

Inyɛ̀ mèèmà me anyu me e ete natɛ̀ɛ na o lìrzùkù, aŋga nanù ɛ̀ɛ̀mɛ̀ ya anyu e hwɛ gbamù ndèŋgànɛ̀lɛ̀ e onda, aŋga nanù e rza hwɛnɛ tɔ̀ ɛ̀ɛ̀mɛ̀ ya wòhwe o mòŋgɛ ma anyu.

Jèmìrzì 2:10

Tɔ̀ njɛnɛ hvɛ ema a undi mbenda hvɔ̀kɔ nanù oma mɔ̀ à jo undi ja arzɛ.

1 Pètrò 3:10

Nà oma e tìlahwì o kààti ya Lohwà nanù ema, “Tɔ̀ njɛnɛ ema arza lòŋgɛ là mɔ̀nyɛ̀ŋgi, na o lì ɛnɛ hvɛ mèènyà me gbamù, inyɛ a rza ohwa hweyà hwe wòhwe, ndèŋgànɛ̀lɛ̀ a rza ohwa hweyà hwe lì kɔ.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.