Jèmìrzì 3:18 - Mokpwe: Bakwery (New Testament)

¹⁸ È hwèlì tɛ nanù ema hwàgbèèlì hwa ɛ̀yɔ̀lɛ̀ hwa gbeyà èwòlò ema e jànà ɛ̀yɔ̀lɛ̀ o ìtììtènì ja hwatò, eŋge e gbeyà hwatò hwa gbeyà hweyà ema Lohwɛ̀ a arza.

Jèmìrzì 3:18 Mawu Ofanana

Matiyò 5:9

Mònàmɛ̀ na hwatò ema hwa jàneyà hwahvɛhvɛ hwatò ɛ̀yɔ̀lɛ̀, èhwanja Lohwɛ̀ à ò hwa hwɛlɛ hwàànà hwa eni.

Yòwanìrzɛ̀ 4:36

Tɔ̀ nàŋgɛ nanù, è mòrzàŋgèlì wa mbòtà a lùwa ìitàŋgi ja eni, mɔ̀ à rzàŋga e mbòta ya lòŋgɛ la gbìndèyà, aŋga nanù e mɔ̀ ema a òni e mbòtà, nà è mɔ̀ ema à rzàŋga è mbòtà wɔ̀ hwahwàkɛ hwa ò òka mɔ̀nyɛ̀ŋgì.

Gàletìyà 6:8

Tɔ̀ njɛnɛ ema a gbeyà hweyà hwe wòhwe o hweyàrzèlì hwe e nyàmà nyo, a hwiye nanù ema hweŋge hweyà hwe mo jàneyà e kpelì. Ndèŋgàna tɔ̀ njɛnɛ ema o gbèyi hweyà hwe gbamù na oma Èlìŋgɛ̀ ya ama Lohwɛ̀ e arza, mɔ̀ à hwiyè nanù ema hweŋge hweyà hwe mo gbeyà a lùwà lòŋgɛ la gbìndèyà.

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

Hibrù 12:11

È hvonda ema i kɔ̀kìrzɛ̀hwɛ̀, e hwèlì ndi e hvonda ema i hweyà mòrziyò ndèŋgànɛ̀lɛ̀ hvɛ i rza ohva mɔ̀nyɛ̀ŋgì. Ndi o mburzà hvonda, hwaŋga ema hwà mà kɔ̀kìrzɛ̀hwɛ̀, hwa lùwa etàŋgì ema e hwèlì ndi lòŋgɛ la ɛ̀yɔ̀lɛ̀ na e laa ehve-ehve.

Jèmìrzì 1:20

Hwetato hwe mòtò hwe mo gbeyà a rza gbeyà hweyà ema Lohwɛ̀ a arza nanù ema a gbeye.