Jèmìrzì 3:10 - Mokpwe: Bakwery (New Testament)

¹⁰ Ndeŋgànɛ̀lɛ̀ o wàna hvɔ̀kɔ ndi jòòhwì ja lì eka na lì jema jo uwɛ̀lɛ̀lɛ̀yi. Wònyànyàŋgo hwa ami e rza hwɛni lì hwɛ nanù.

Jèmìrzì 3:10 Mawu Ofanana

Ròmànì 12:14

È kànɛ nanù ema, Lohwɛ̀ a nàmìrzɛ̀ hwaŋga hwatò ema hwa e tàkìrzɛ̀. È rzi kanɛ̀ nanù ema hwa jemahwe ndi e kànɛ ndi nanù ema Lohwɛ̀ a hwa nàmìrzɛ̀.

1 Kɔ̀rintìyà 3:3

Èhwanja e hwèlì e nɔ̀ŋgɔ ndi hweyà hwe e nyàmà yà nyo. È a ohvanɛyi inona mɔ̀kɔ na ɔ̀nɛyi. È tɔ̀wɔ hvɛ metaŋgo mɔ̀kɔ na ɔ̀nɛyi. Rzeke hwenè hweyà hwe uŋmɛ̀lɛ̀ nanù ema hwègbèèlì hwe wòhwe hwe e nyàmà ya nyo hwe hwèlì hwe e kànèyà e? Rzekè inyɔ e hwèlì e lìya ndi nàa hwatò hwa ène rze.

1 Tìmotì 5:13

Ndeŋgànɛ̀lɛ̀ hvɛ Hwèrzɔ̀mbɛ̀ hwe mekurze hwe nyàmɛ̀lɛ lì lìya nanù e rzi hwɛ lì gbeyà tɔ̀ eyà na o lì hvɛhvɛ hwahvɛhvɛ hwatò ò mandawò ma awu. Rzeketɛ ema hwa rza hwɛ ndi rziŋga mɛnɛ, ndi hwa inda hwatò na o lì ohwa hweyà ema hwe rza hwa hvomɛ̀nɛ̀. Wɔ̀ hwa ohwa lì hvomɛ̀nɛ̀ hweyà ema hwa rza àŋgàmɛ̀nɛ̀yi lì ohwa.

Jèmìrzì 1:16

Ìi wònyànyàŋgò wà ami kòkò, e rzi keka lì alùkɛ̀lɛ̀nɛ inyɔ hwiti.

Jèmìrzì 1:19

Wònyànyàŋgo hwa ami kòkò, e ɔ̀ŋgɛ̀lɛ̀ hwene hweyà. Tɔ̀ ima mòtò a àŋgàmɛ̀nɛ̀yi lì wàmirzɛ o lì okànèyà mamɛ ema ohvɛhvɛ mòtò a ohwa, tɔ̀ mòtò a rza àŋgàmɛ̀nɛ̀ lì wàmirzɛ o lì ohwa tɔ̀ eyà, tɔ̀ mòtò a rza àŋgàmɛ̀nɛ̀ lì wàmirzɛ o lì tààtà.

Jèmìrzì 3:1

Wònyànyàŋgo wa ami kòkò! Rzayi-rzayi ja anyu e rza hwɛni ndi lì hwɛ hwà-òkòlèlì hwa eyà ya ama Lohwɛ̀, e hwɛni lì hwiya nanù ema, irzɔ hwà-òkòlèlì i hwɛni lì kàyìrzɛ̀hwɛ kɔ̀yi-kɔ̀yi lì aka hwanɛyi hwatò.

Jèmìrzì 3:11

O rza enje tɔ̀ ituŋgu jɔ̀kɔ ja màlìhwa ema i tànɛyi ì wurzirzɛ màlìhwa ema mà rzàŋgi na e mɔ̀ ema mà kɔ o ŋgèlì hvɔ̀kɔ.

Jèmìrzì 3:9

Jɔ ndi i gbeyàna o lì eka Rzàŋgo Lohwɛ̀ e Tatɛ̀ ya arzu, ndèŋgànɛlɛ jɔ ndi i gbeyàna o lì jema hwatò hwa hwènàmà. Ndeŋgànɛ̀lɛ̀ Lohwɛ̀ a weki ndi e mòtò wa hwènàmà o hweyàkɛ̀nèlì hwe eni.

1 Pètrò 3:9

È rzi timbirzɛlɛlɛ wòhwe o wòhwe. Mòtò a e ohwìrzɛ̀nɛ̀ tɛ eyà ya wòhwe inyɔ hvɛ e rzi mo òhwìrzɛ̀nɛ̀ eyà ya wòhwe, inyɔ e hwɛ ndi o lì kànɛ nanù ema Lohwɛ̀ a mo nàmìrzɛ̀, ehwànja mònàmɛ̀ ndi Lohwɛ̀ a mo òhwe nanù ema a e ŋgba e hvonda à mà e hvɔ̀rzè.