Jèmìrzì 3:1 - Mokpwe: Bakwery (New Testament)

¹ Wònyànyàŋgo wa ami kòkò! Rzayi-rzayi ja anyu e rza hwɛni ndi lì hwɛ hwà-òkòlèlì hwa eyà ya ama Lohwɛ̀, e hwɛni lì hwiya nanù ema, irzɔ hwà-òkòlèlì i hwɛni lì kàyìrzɛ̀hwɛ kɔ̀yi-kɔ̀yi lì aka hwanɛyi hwatò.

Jèmìrzì 3:1 Mawu Ofanana

Matiyò 10:24

È mòòkòwèlì à rza tànɛyi lì aka è Mòòkòlèlì. È mògbèèlì mɔ̀ hvɛ à rza tànɛyi lì aka è rzàŋgò yà eni wà èwòlò.

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 9:11

Nà òma lòŋgò la Ìhvalìrzàyì i ma ɛnɛ na òma Yerzù à mà lìya na iŋgi nyayi ja hwatò, rzìi hwa ijòwa hwà-òkòwèlì hwa ama Yerzù nanù ema, “O mamɛ ndeŋgatɛ è Mòòkòlèlì wa anyu, a làlɛ̀nɛ̀ nà hwàrzàŋgèlì hwa e njàŋge yà lìkànèyà nà hwatò hwa wòhwe e?”

Lukàrzɛ̀ 16:2

Rzàŋgɛ wà èni wà èwòlò, rzìi a mò hwɛlɛ, rzìi a mò ijòwa nanù ema, ‘Mamɛ enè ema na ò hweyànà nanù e? O nò kɔ̀keyà kɔ̀yi-kɔ̀yi nɛ ò gbeyànà lìrzàŋgò la amì. Ò rza tanɛ̀ lì kànèyà erzàŋgò ya amì hvɛ.’

Lukàrzɛ̀ 6:37

“È rzi kàyìrzɛ̀ hwahvɛhvɛ hwatò, ndèŋga Lohwɛ̀ à rza ò kàyìrzɛ̀ wa hvɛ. È rzi òhwa hweyà hwe wòhwe lì hvòmɛ̀nɛ̀ hwahvɛhvɛ hwatò, Lohwɛ̀ mɔ̀ hvɛ à rza òhwa wòhwe lì è teŋgɛ̀nɛ̀. È àlàkìrzɛ̀nɛ̀, aŋga ndi Lohwɛ̀ mɔ̀ hvɛ a è làkìrzɛ̀.

Yòwanìrzɛ̀ 3:10

Yerzù rzìi à mò alàhwɛ̀ nanù ema, “O wa ò hwèlì ndi Mòòkòlèlì mò ndɛnɛ wa wònya Irzàyɛ̀lì ndi ò wa ò rza rzɔ̀ŋgìtɛ̀nɛ̀ hwenè hweyà e?

Hwègbèèlì 13:1

O ŋmèmba ema mò hwèlì ò Antìyɔ̀kì lòŋgò la hwà-òhwèlì hwa hwèlìŋgɛ̀ na hwà-òkòlèlì hwà mà hwɛ aŋga. Hwàŋga hwatò hwà mà hwɛ ndi Bànàbàrzì, Rzimɔ̀nì (à mà hwɛ̀lɛ̀hwɛ̀ e Ŋmindò), Lùrzìyùrzì (ema à mà uwɛ̀lɛ̀lɛ̀yi ò Rzìlènè), Manayene (ema wɔ̀ na Hɛ̀rɔ̀dì e Gɔ̀winà hwà mà òŋgɛnɛ ekì yɔ̀kɔ), na Rzàwòlò.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

2 Kɔ̀rintìyà 5:10

O èŋgànɛ̀lɛ̀ rzɔ, tɔ̀ ima mɔ̀kɔ hwa arzu na ɔ̀nɛyi a o tɛ̀mɛ̀ o hwèkàyìrzèlèlì o worzo wo ama Yerzù Krirztò o wùnyà ema a o kàyìrzɛ̀ hwatò hwa arzɛ o lì hvomɛ̀nɛ̀ hweyà ema tɔ̀ ima mòtò à mà gbèyi e hvonda ema à mà hwɛ o rze ya mɔ̀nyɛ̀. Tɔ̀ ima mòtò a o luwa etaŋgi lì hvomɛ̀nɛ̀ mamɛ ya arzɛ ema à mà gbeye o rze.

Ɛ̀hvìrzìyà 4:11

Mɔ̀ ndi à ŋgbàa hwatò màahweyà. A ma gbeyà lòŋgo la hwatò ò lì hwɛ i àpɔ̀rzìtòlò, lòŋgo hwà-òhwèlì hwa hwèlìŋgɛ̀, lòŋgo hwa-ɛndɛ̀nàmɛ̀ɛndi, lòŋgo hwàtìmbèlì hwa hwatò ema hwa lòkɛ̀yi, ndèŋgàna à mà gbèeyà lòŋgo hwà-òkòlèlì o lì okòlɛ̀ hwatò ema hwa lòkɛ̀.

1 Tìmotì 1:7

Hwàŋga hwatò hwa ohvi ndi mèèmà me lì hwɛ hwà-òkòlèlì hwa e mbenda ya ama Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ hweyà ema hwa ohweyà hwatò, ndèŋganɛlɛ wɔ̀ hwa rza rzɔ̀ŋgìtɛ̀nɛ̀ hweyà ema hwa ohwa nanù ema hwa hwi.

1 Tìmotì 2:7

Ène eyà ndi e ma gbèeyà Krirztò o lì no òma nàa àpɔ̀rzìtòlò o lì ɛndɛ lì ohwa ŋmɛ̀ndì mò gbamù lì hvomɛ̀nɛ̀ o lì lòkɛ̀ Krirztò na e jɔ̀kɛ̀ o hwatò ema hwa rza enje wònyà Yudà. Mamɛ ema na ohwa e hwèlì ndi e jɔ̀kɛ̀ na rza kɔ tɔ̀ eyà.

2 Tìmotì 1:11

Lohwɛ̀ à mà nò hvɔ̀rzɔ̀ ò lì hwɛ è àpɔ̀rzìtòlò nà è Mòòkòlèlì ò lì ohwa Ŋmɛ̀ndì mò Gbamù.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.

Jèmìrzì 1:16

Ìi wònyànyàŋgò wà ami kòkò, e rzi keka lì alùkɛ̀lɛ̀nɛ inyɔ hwiti.

Jèmìrzì 1:19

Wònyànyàŋgo hwa ami kòkò, e ɔ̀ŋgɛ̀lɛ̀ hwene hweyà. Tɔ̀ ima mòtò a àŋgàmɛ̀nɛ̀yi lì wàmirzɛ o lì okànèyà mamɛ ema ohvɛhvɛ mòtò a ohwa, tɔ̀ mòtò a rza àŋgàmɛ̀nɛ̀ lì wàmirzɛ o lì ohwa tɔ̀ eyà, tɔ̀ mòtò a rza àŋgàmɛ̀nɛ̀ lì wàmirzɛ o lì tààtà.

Jèmìrzì 3:10

Ndeŋgànɛ̀lɛ̀ o wàna hvɔ̀kɔ ndi jòòhwì ja lì eka na lì jema jo uwɛ̀lɛ̀lɛ̀yi. Wònyànyàŋgo hwa ami e rza hwɛni lì hwɛ nanù.

1 Pètrò 5:3

È rzi gbeyàna ŋginyà o lì kànèyà hwaŋga hwatò ema hwa hwèlì o rze ya anyu, ndi e hwɛ embànelì o hwatò ema hwa hwèlì o rze ya anyu.