Jèmìrzì 2:9 - Mokpwe: Bakwery (New Testament)

⁹ Ndi inyɔ e wowa tɛ lòŋgo la hwatò wòlìto lì aka hwanɛyi hwatò nanù oma e gbeyà ndi wòhwe, aŋga nanù oma e mbenda ya ama Lohwɛ̀ yɔ hvɛ e ma e lɛmbɛ nàa hwatò ema wɔ hvɛ hwa undi mbenda.

Jèmìrzì 2:9 Mawu Ofanana

Yòwanìrzɛ̀ 16:8

Ndì Mɔ̀ a jelì tɛ a e uŋmɛ̀lɛ̀ hwatò hwa ene rze ema lì rzɔŋgìtɛ̀nɛ̀ la awu lì hvòmɛ̀nɛ̀ lì gbeyà la wòhwe na lì gbeyà la hweyà hwe jɔ̀kɛ̀ hwe rza lɔ̀wu. Ndèŋgana wɔ̀ hwa rza ò rzɔŋgìtɛ̀nɛ̀ hwèkayirzelì hwe ama Lohwɛ̀.

Yòwanìrzɛ̀ 8:46

I ma mɔ̀kɔ wa anyu ema a nò rzɔ njɔ̀mi ya wòhwe e? Nà e òhweyà tɛ e jɔ̀kɛ̀, mamɛ ndeŋgatɛ e rza nò lòkɛ̀ e?

Yòwanìrzɛ̀ 8:9

Anu nàŋgɛ, hwaŋga hwatò ema hwà mà hwèya nanù, rzìi hwa wòteya lì ɛ̀ndɛ, e ɛkɔnji ya awu e ma gbeyà hwà mà hwiya matònà mà awu mɔ̀kɛ-mɔ̀kɛ. È wɔ̀ ema hwà mà rzɔ̀ɔ mòkèka hvɔni lì uka na ò mèlɔ̀kɛ, nàtɛ̀ɛ Yerzù mɔ̀ ŋmìti ndi à mà lìiya aŋga na òŋgò mòlanà.

Hwègbèèlì 10:34

Pètrò rzìi a wòteyà lì òhwa nanù ema, “Nà ma ayembɛ na e jɔ̀kɛ̀ naŋgɛ nanù ema, Lohwɛ̀ a rza uŋmɛ̀lɛ̀ ndandò.

Ròmànì 3:20

O èŋgànɛ̀lɛ̀ rzɔ ò rza enje tɔ̀ mòtò tɔ̀ mɔ̀kɔ ema a tɛ̀mɛ̀ ehve-ehve ò wòrzò wò ama Lohwɛ̀ èhwanja, a gbeyà mamɛ ema e mbenda e òhwa. È mbenda e hwèlì ndi ò lì uŋmɛ̀lɛ̀ hwatò nanù ema hwà mà gbeyà wòhwe.

1 Kɔ̀rintìyà 14:24

Ndi e hwèlì tɛ ema inyɔ̀ hwa arzɛ è ohwà ŋmɛ̀ndì mò ama Lohwɛ̀, rzi hwatò ema hwa rza lòkɛ̀ Krirztò, tɔ̀ hwatò ema hwa rza rzɔ̀ŋgìtɛ̀nɛ̀ hwenè hweyà, hwa jelì tɛ o wolìya wo anyu, wɔ̀ hwa emeyà nanù ema hwa gbeyà wòhwè, ndèŋgànɛ̀lɛ̀ wɔ̀ hwà mà tuwa ŋmaŋgo ò worzò wo ama Lohwà.

Gàletìyà 2:19

È hwèlì tɛ ndi o lì nɔ̀ŋgɔ e mbenda mɛnɛ nanù oma nà mà ŋwa. Nànù oma e mbenda yɔ yiti yɔ ndi e no òŋwi. Ndi Yerzù Krirztò à mà no ulɛ o tenì ya e mbenda aŋga nanù na tanɛ lì gbèeyà Lohwɛ̀.

1 Yòwanìrzɛ̀ 3:4

Tɔ̀ njɛnɛ ema a gbèyi wòhwe, a tùu ŋmàŋgo ehwànja a undi e mbenda ya ama Lohwɛ̀. O lì ohwa la jɔ̀kɛ̀, wòhwe wo hwèlì ndi lì unda la mbenda la ama Lohwɛ̀.

Judɛ 1:15

Mɔ̀ à ò kàyìrzɛ hwatò hwa arzɛ hwa è rze yà mɔ̀nyɛ̀. Hwàto hwa arzɛ ema ɛ̀ɛ̀mɛ̀ yà awu è rza enje nàa ɛ̀ɛ̀mɛ̀ yà hwatò hwa Lohwà mɔ̀ à hwa tùùlɛ̀ ŋmàŋgo, ndèŋgànɛlɛ à ò kɔ̀kìrzɛ̀ hwatò hwa wòhwe ema hwa rza oka Lohwɛ̀ wɔ̀ŋgɔ̀. À ò hwa kɔ̀kìrzɛ̀ ò nyòla hweyà hwe wòhwe ema wɔ̀ hwa ohwa ò lì mò tèŋgɛ̀nɛ̀.”