Jèmìrzì 2:8 - Mokpwe: Bakwery (New Testament)

⁸ Inyɔ yo ò gbeyà ndi eyà ya gbamù e hwèlì tɛ nanù ema e ikayi e mbenda ya lìkànèyà ema e hwèlì o tenì ya e kààti ya Lohwà ema e ohwa nanù ema, “O lìŋgàne ŋmànyɔ̀ŋgɔ̀ wa aŋgɔ̀ na oma o alìŋgànɛ̀yi o wà witi.”

Jèmìrzì 2:8 Mawu Ofanana

Matiyò 22:39

È mbenda ema e ùkirzɛ̀ ihwàkɛ ema yɔ̀hvɛ e òhvi wòlìtò nà è mbenda ya wòrzò, nanù ema, ‘Lìŋgàna e mòtò ema à ò kòmbɛ̀nɛ̀ na òma ò alìŋgànɛ̀yi ò wà witi.’

Matiyò 25:21

Rzaŋgɛ wà eni wa èwòlò à mà mò alàhwɛ̀ nanù ema, ‘O gbèyi gbamù, ò hwèlì ndi e mògbèèlì wa gbamù ema a tɛmi ehve-ehve. O awuŋmɛ̀lɛ̀ ò wà witi ò lì hwɛ e mògbèèlì wa gbamù na jɔ̀kɛ̀. Nà òma ò tanɛyi lì ɔ̀ŋgeya ŋmanà wòlì, ò èŋgànɛ̀lɛ̀ imba na ò ika ema ò kànèyà wòlì wò ndɛnɛ. Kpèeyà ònò i rzòmbìrzɛ̀ mɔ̀nyɛ̀ŋgì mò ami.’

Matiyò 25:23

Rzàŋgò wa eni wa èwòlò rzìi a mò alàhwɛ̀ nanù ema, ‘O gbèyi gbamù, ò hwèlì ndi e mògbèèlì wa gbamù. Nà òma ò tanɛ lì ɔŋgeya ŋmanà wòlì, ò èŋgànɛ̀lɛ̀ imba na ò ika ema ò kànèyà wòlì wò ndɛnɛ. Kpèeyà ònò i rzòmbìrzɛ̀ mɔ̀nyɛ̀ŋgì mò ami.’

Matiyò 7:12

O èŋgànɛ̀lɛ̀ rzɔ, ò gbèeyà hwahvɛhvɛ hwatò nà òma ò àrza nanù ema wɔ̀ hvɛ hwa ò gbèeyà. Nanù ndi è mbenda yà ama Lohwɛ̀ nà hwà-òhwèlì hwa hwèlìŋgɛ̀ yò òkòlɛ nà è jɔ̀kɛ̀.”

Ròmànì 13:10

Mòtò à lìŋgàni tɛ ŋmanyàŋgò wà eni à rza tànɛyi à mò gbeyà wòhwe. Ò eŋgànɛ̀lɛ rzɔ, è ndìŋgɛ yɔ̀ ndi è òndìrzɛ̀yi imbenda ja arzɛ.

Gàletìyà 5:14

Inyɔ e gbeyà ndi nanù èhwanja hwa lati tɛ imbenda ja arzɛ eyà ema jo òhwa e hwèlì ndi nanù ema, “O lìŋgàne ohvɛhvɛ mòtò na oma wa alìŋgànɛ o wà witi.”

Gàletìyà 6:2

È a oŋgowanɛ mɔ̀kɔ na ɔnɛ̀yi o lì anjiya o tenì ya ndùtù. È gbèyi tɛ nanù, o ma e ma ika imbenda ja ama Krirztò.

Hvìlipìyà 4:14

Ndi tɔ̀ nanù, e ma gbeyà gbamù o lì no òmeya lìhwoŋgo ò e hvonda ema nà mà hwɛ o mòtàkà.

1 Tɛ̀rzàlonìyà 4:9

O nàŋgɛ nanù lì hvomɛ̀nɛ̀ e ndìŋgɛ ema e ahwɛ̀nɛ̀nɛ̀yi mɔ̀kɔ na ɔ̀nɛyi nàa hwàlòkèlì hwa ama Lohwɛ̀ i rza aŋgàmɛnɛ lì atàkìrzɛ o lì e tìleya, ehwànja Lohwɛ̀ mɔ̀ ŋmìti à mà màa lì e okolɛ nɛ e àŋgàmɛ̀nɛ̀yi lì lìŋgàna mɔ̀kɔ na ɔ̀nɛyi.

Jèmìrzì 1:25

Ndi tɔ̀ njɛnɛ ema a ɔ̀ŋgɔ kɔ̀yi-kɔ̀yi e mbenda ya jɔ̀kɛ̀ ema e rzuŋga hwatò, ema a hwɛ ndi o lì e aŋgoweya, ema a rza hwɛ ndi o lì hweyà e mbenda mɛnɛ rzi a hvoŋga, ndi à hwɛ ndi mòtò ema a gbeyà mamɛ ema e mbenda e ohwa, oŋgo moto a o nàmìrzɛ̀hwɛ̀ na Lohwɛ̀ o mamɛ ya arzɛ ema mɔ̀ à gbeyà.

Jèmìrzì 2:12

È ohwe ndèŋgànɛ̀lɛ̀ e gbeye hweyà o a ɛnɛ oma e hwi nanù ema Lohwɛ̀ a o hwa kàyìrzɛ, na e mbenda ema e rzuulɛ hwatò.

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.

Jèmìrzì 4:11

Ìi wònyànyàŋgo wa ami kòkò, e rzà àwòhwànɛlɛ hweyà hwe wòhwe mɔ̀kɔ na ɔ̀nɛ̀yi, tɔ̀ njɛnɛ ema a ohwi eyà ya wòhwe o lì teŋgɛ̀nɛ̀ ŋmanyàŋgò wa eni, tɔ̀ lì mo kàyìrzɛ̀, nanù oma a ohwa ndi hweyà hwe wòhwe lì teŋgɛ̀nɛ̀ e mbendà ya ama Lohwɛ̀ ndèŋgànɛlɛ mɔ̀ à ohwi nanù ema e mbenda e rza lɔ̀wu. O òhwi tɛ nanù ema e mbendà ya ama Lohwɛ̀ e rza lɔ̀wu, eŋge ŋgànà e hwèlì ndi nanù ema e gbeyà hweyà ema e mbendà ya ama Lohwɛ̀ e ohwi nanù ema e rza gbeyà. Nànù oma o ma awòwɛ̀ o wà witi o lì hwɛ e mòkàyìrzèlì.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.