Jèmìrzì 2:23 - Mokpwe: Bakwery (New Testament)

²³ Ène eyà è mà gbeyà eyà yà Lohwà ò lì tɛ̀mɛ̀ è jɔ̀kɛ̀ nà oma è tìlahwì nanù ema, “Abràhamù à mà lòkɛ̀ Lohwɛ̀. Ène eyà è mà gbeyà Lohwɛ̀ à mò emeyà nàa è mòtò ema à gbeyà hweyà ema hwe hvomɛ̀nɛ̀yi.” O eŋgànɛlɛ rzɔ hwatò hwa mà hwɛlɛ Abràhamù nanù ema è mbunda yà ama Lohwɛ̀.

Jèmìrzì 2:23 Mawu Ofanana

Makòrzì 12:10

Eyà ya Lohwà e òhwa nanù ema, ‘Lìnyayi ema hwà-òŋgèlì hwà mà hvake, lɔ̀ndi lì ma timbɛ lìŋyàyi lì endahwɛlɛ.

Makòrzì 15:27

Hwa mà wòmeyà hvɛ hwàyihwɛ̀ hwàhwàkɛ̀ ò mbarza mɔ̀kɔ ò lìya là ŋmalì, ɔnɛ̀yi hvɛ ò lìya la mòmɛ la ama Yerzù.

Lukàrzɛ̀ 4:21

Rzìi à wòteya lì hwa òhweyà nanù ema, “Ène mbɔrzi ema e hweyi nanù, e ma òndìrzɛ̀hwɛ yàwònò.”

Hwègbèèlì 1:16

“Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

Ròmànì 11:2

Lohwɛ̀ a rzi kìnyɛ̀lɛ̀yi hwatò hwa eni, ema mɔ̀ à mà lòme lì hvɔ̀rzɔ̀, natɛ̀ɛ na ò hwewòtelì. Inyɔ e hwi mamɛ ema e tìlahwì ò e kààtì ya Lohwà nɛ Èlàyijà à mà hwɛ lì rzòrzòmeya Lohwɛ̀ ò lì mò òhweyà hweyà ema hwatò hwa Irzàyɛ̀lì hwà mà hwɛ lì gbeyà.

Ròmànì 9:17

È tìlahwì ò e kààtì ya Lohwà nanù ema Lohwɛ̀ a òhwèlì Hvèro nanù ema, “Nà ma ò hvɔ̀rzɔ̀ ò lì hwɛ kiŋgɛ̀, aŋga nanù nà ò gbeyàna ò lì uŋmɛ̀lɛ̀ e ŋginyà ya ami na ò lì nyàlìrzɛ̀ lìinà là ami, ò e rze ya arzɛ.”

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Gàletìyà 3:6

Inyɔ è ɔ̀ŋgɔ mòtò nàa Abràhamù. È tìlàhwì nanù ema, “À mà lòkɛ̀ Lohwɛ̀, ndèŋgàna ò nyòla lìlòkɛ̀ là eni, Lohwɛ̀ à mà mò wòwà nàa mɔ̀kɔ ema à tɛ̀mì ehve-ehve.”

2 Tìmotì 3:16

Tɔ̀ mamɛ ema e tìlahwì o kààtì ya ama Lohwɛ̀ e uwɛ̀lɛ̀lɛ̀yi ndi o ma Lohwɛ̀. È oŋgowàna o lì okolɛ hwatò, e oŋgowàna o lì ohweyà hwatò màtonà ma awu, e oŋgowàna hvɛ hwatò ò lì tɛnɛnɛ màtonà ma awu, ndèŋgàna e oŋgowàna hvɛ hwatò ò lì gbeyà mamɛ ema e hvomɛ̀nɛ̀.

Jèmìrzì 2:24

Inyɔ è mà ɛnɛ nanù ema, hweyà ema hwatò hwa gbeyà hweyɔ̀ ndi hwe gbèeyà rzìi hwa emàhwɛ̀lɛ ò worzo wò ama Lohwɛ̀. Ndèŋgàna rzeketɛ lì lòkɛ̀ mɛnɛ.

1 Pètrò 2:6

Èhwànja e tìlahwì o e kààtì ya Lohwà nanù ema, “È ɔŋgɔ tɛ, nà mà wowa lìŋyàyi la wòlìto rzìi na lì rzùmèlì o Rzàyɔ̀nì, È mɔ̀ ema a mo lòkɛ̀yi a rza o hwɛnɛ tɔ̀ irzɔ̀ni.”