Jèmìrzì 2:21 - Mokpwe: Bakwery (New Testament)

²¹ Mamɛ e ma gbeyà ndèŋgana Abràhamù e mbamba ya arzu a imànɛ̀lɛ̀hwɛ̀ o worzo wo ama Lohwɛ̀ nàa mòtò ema a tɛmi ehve-ehve e? Rzeke ehwànja mɔ̀ à mà emeyà lì ŋgba e ŋmanà wa eni Irzàkì nàa làhweyà e?

Jèmìrzì 2:21 Mawu Ofanana

Matiyò 12:37

Tɔ̀ ima eyà ema ò ma òhwe, yɔ ndi e ò gbeyàhwɛnɛ ò lì ò kàyìrzɛ̀.”

Matiyò 3:9

È rzi ɔ̀ŋgɛlɛ hvɛ̀ èma è tànɛyi lì hwaŋga hwèkɔ̀kìrzèlì hwe ama Lohwɛ̀ ò lì àwòhwànɛ̀lɛ̀ inyɔ hwiti nanù ema, è hwèlì ndi hwàànà hwa ama Abràhamù. Ndi nà è òhwèyà ema Lohwɛ̀ à tanɛ̀yi lì gbèya na manù màŋyàyi ò lì mà gbèya ema mà hwɛ hwàànà hwa ama Abràhamù.

Lukàrzɛ̀ 1:73

hweyi ema a mà aàtɛ nà e mbamba ya àrzu Abràhamù.

Lukàrzɛ̀ 16:24

Èŋge èhwàŋgì ya mòtò rzìi e tɛɛ nanù èma, ‘Ìi tatà Abràhamù, ò nò òkeya ììlì. Oma Làrzàlɔ̀tì ema a tɔ̀tè wòrzò wò jɔ̀nɔ ja eni ò màlìhwa a nò tɔ̀lɛ è mɔ̀ ò jɛ̀ɛ̀mɛ̀ ja amì ò lì nò yɔlɛ̀, èhwanja nà hweyà wɔ̀ɔ̀kì rzayì-rzayì ò tènì yà mònò mùnya.’

Lukàrzɛ̀ 16:30

Èŋge èhwàŋgì ya mòtò rzìi ya òhwa nanù ema, ‘Jàyɛ̀ tatà Abràhamù kòkò, mòtò à ànji tɛ anù, ò èkòmè ya kpelì, rzìi a ɛ̀ndɛ lì hwa òhweyà, òma hwà mà atikòwɛ ò wòhwe wa awu, lì tìmba ò ma Lohwɛ̀.’

Yòwanìrzɛ̀ 8:39

Wɔ̀ hwà mà mò alàhwɛ̀ nanù ema, “Abràhamù mɔ̀ ndi à hwèlì e rzàŋgò ya arzu.” Yerzù rzi a hwa timbirzɛlɛlɛ nanù ema, “È ma hwɛ tɛ hwàna hwa ama Abràhamù, òma inyɔ e gbeyà ndi hwèŋge hwèwòlò ema Abràhamù à mà gbeye.

Yòwanìrzɛ̀ 8:53

O wa ò òlò lì aka rzàŋgò ya arzù Abràhamù e? Abràhamù à mà ŋwa, nanù mɛnɛ na hwanɛ̀yi hwà-òhwèlì hwa hwèlìŋgɛ̀. Njɛnɛ ò wa ò ɔ̀ŋgɛ̀lɛ̀yi ema ò hwèlì e?”

Hwègbèèlì 7:2

Rzìtehvànɛ rzìi a alàhwɛ̀ wòlìya wò mbòwa nanù ema, “Wònyamòwè na hwa tààtɛ̀, e nò òkànèyà tɛ. Lòohwà la èluhwe lì ma wurzeya rzàŋgò wa arzu Abràhamù e hvònda ema à mà hwɛ ò erzòòkà ya Mèrzòpòtemìyà ndèŋgànà mɔ̀ à e ɛ̀ndɛ ò lì lìya ò e mbòwa ya Halànì.

Ròmànì 3:20

O èŋgànɛ̀lɛ̀ rzɔ ò rza enje tɔ̀ mòtò tɔ̀ mɔ̀kɔ ema a tɛ̀mɛ̀ ehve-ehve ò wòrzò wò ama Lohwɛ̀ èhwanja, a gbeyà mamɛ ema e mbenda e òhwa. È mbenda e hwèlì ndi ò lì uŋmɛ̀lɛ̀ hwatò nanù ema hwà mà gbeyà wòhwe.

Ròmànì 4:1

Mamɛ rzɔ i tànɛyi lì òhwa lì hvòmɛ̀nɛ̀ e mbamba ya arzu Abràhamù e? Mamɛ e ma gbèyɛ̀nɛ ò e hvònda ya eni e?

Ròmànì 4:12

Èŋge e ma gbèyɛ̀nɛ hvɛ ndi nanù aŋga nanù Abràhamù à hwɛ hvɛ ndi è tatɛ̀ yà hwaŋga ema hwà mà endàhwɛ̀, ema wɔ̀ hvɛ hwa lòkɛ̀ Lohwɛ̀ na òma Abràhamù e tatɛ̀ ya arzu mɔ̀ hvɛ à mà lòkɛ̀ Lohwɛ̀ e hvònda ema a rza endàhwɛ̀.

Ròmànì 4:16

Ɔ̀ndeŋgàtɛ̀ Lohwɛ̀ a òhweyà ndi hwaŋga hwatò ema hwa mò lòkɛ̀yi nanù ema a gbeyà eyà ema a kàkɛ̀nɛ̀ nanù ema a gbeyà. Mɔ̀ a gbèyi ndi nanù aŋga nanù e ɛnɛhwɛ nanù ema e ndèli ya eni yɔ ndi e ma gbeyà mɔ̀ à mà òhweyà e nyɔ̀ŋgɔ̀nì ya ama Abràhamù ŋgèlì hvɔ̀kɔ ò i ŋgelì ja arzɛ nanù ema mɔ̀ à hwa gbèeyà eyà ema à mà òhwe nanù ema a gbeyà. Rzeketɛ hwatò ema hwa ika eŋge mbenda mɛnɛ ndi mɔ̀ à mà ŋgbe lìŋgi lì kàkɛ̀nɛ̀. A ma ŋgba hvɛ hwatò hwa arzɛ ema hwà mà lòkɛ̀ Lohwɛ̀ na òma Abràhamù à mà mò lòkɛ̀. Abràhamù ndi à hwèlì e tatɛ̀ ya irzɔ hwa arzɛ.

Hibrù 11:17

Lìlòkɛ̀ ndi lì ma gbeyà Abràhamù à mà ŋgbe e ŋmanà wa eni Irzàkì nàa làhweyà e hvonda ema Lohwɛ̀ à mà kèkirzɛ Abràhamù. Abràhamù ndi à mà hwɛ e mɔ̀ ema Lohwɛ̀ à mà kàkɛ̀nɛ̀ ema hwàanà hwa eni hwa o koka rzayi-rzayi, lìlòkɛ̀ lɔ ndi lì ma gbeyà Abràhamù à mà woŋgirzɛnɛ o lì ŋgbà ehvowa ya eni ya ŋmanà nàa làhweyà.

Jèmìrzì 2:18

Mòtò mɔ̀kɔ a no òhweyà nanù ema, “Ono mòtò a ohvi lìlòkɛ̀, ɔ̀nɛyi mɔ̀ hvɛ a gbeyà hweyà hwe gbamù.” Nà mo alàhwɛ̀ nanù ema, “O no uŋmɛ̀lɛ̀ nɛ mòtò a tànɛyi lì hwɛnɛ lìlòkɛ̀ ema a rza gbeyɛ hweyà hwe gbamù, na o uŋmɛ̀lɛ̀ lìlòkɛ̀ la ami o hweyà hwe gbamù ema na gbeyà.”

Jèmìrzì 2:24

Inyɔ è mà ɛnɛ nanù ema, hweyà ema hwatò hwa gbeyà hweyɔ̀ ndi hwe gbèeyà rzìi hwa emàhwɛ̀lɛ ò worzo wò ama Lohwɛ̀. Ndèŋgàna rzeketɛ lì lòkɛ̀ mɛnɛ.