Jèmìrzì 2:14 - Mokpwe: Bakwery (New Testament)

¹⁴ Ìi wònyànyàŋgo wa ami kòkò, mòtò a ohwi tɛ nanù ema a lòkɛ̀yì Krirztò, rzìi a rzi gbeyà hweyà ema hwe uŋmɛ̀lɛ̀ nanù ema a ohvi lì lòkɛ̀ ima gbamù wo hwèlì aŋga e? Èŋge tumba lì lòkɛ̀ e tanɛyi e mo rzùŋgà lòŋgɛ la eni e?

Jèmìrzì 2:14 Mawu Ofanana

Matiyò 5:20

O èŋgànɛ̀lɛ̀ rzɔ, na e òhwèyà nanù ema natɛ̀ɛ inyɔ è gbèèyà Lohwɛ̀ lì aka Ihvàlìrzàyì, nà Hwà-òkòlèlì hwa mbenda, inyɔhvɛ è rza ò kpèèyà a kpèèyà ò Likànèyà là è ŋmanyu yà lohwà.”

Lukàrzɛ̀ 3:11

Yòwanìrzɛ̀ à mà alàhwɛ̀ nanù ema, “Tɔ̀ njɛnɛ ema à hwɛnì mèŋgòmbè mehwàkɛ a ŋgbè mɔ̀kɔ òma òŋgò ema à rza òhvɛ̀ɛ, òŋgò hvɛ ema à òhvi mòlelì a ŋgbè hwaŋga ema hwa rza òhvɛ̀.”

Lukàrzɛ̀ 6:49

Ndi è mòtò ema a hweyà hwèyòkòlelì hwe amì rzìi à rzi gbèye mamɛ hwe e òhwa, a hwèlì ndi nàa è mòtò ema à mà òŋgà è ndawò ò mɔ̀nyɛ̀ e rzi hwɛ mɔ̀nɔ̀ŋgɔ̀. È hvònda ema è mbuwà e mà yɔ, rzìi è tɔ̀ndɛ̀ e lìhwa èŋge ndawò, èŋge ndawò e mà rzùuwa lìwòkimɛnɛ, rzìi e wùweya kɛrzɛ-kɛrzɛ.”

Hwègbèèlì 15:9

Lohwɛ̀ a rzi gbèye tɔ̀ ndandò ò wɔ̀ tɔ̀ irzɔ, èhwanja mɔ̀ à mà hwa làkirzɛ wòhwe wò awu lì akeyà na lìlòkɛ̀ la awu.

Hwègbèèlì 8:13

Rzimɔ̀ni mɔ̀ ŋmìti, mɔ̀ hvɛ à mà lòkɛ̀ rzìi a lùhwìrzɛ̀hwɛ̀. A ma òŋgama Hvìlìpì ò ekì ya arzɛ ema à mà ɛndɛ, ndèŋgànɛ̀lɛ̀ à mà jejeya hweyà hwe mànyakà hwe ndɛnɛ na hwembànèlì ema à mà ɛnɛ Hvìlìpì a gbeyà.

Hwègbèèlì 8:21

O rza hwɛni tɔ̀ eyà ya lì gbeyà tɔ̀ lìkayi ò èwòlò ya arzu. Èhwanja ŋmèma mò aŋgɔ̀ ò mirzɔ̀ mà ama Lohwɛ̀ mò rza rzaŋgi ò tenì.

Ròmànì 2:25

È ikayi tɛ imbenda, na òma e endà hwatò nanù òma e hvòmɛ̀nɛ̀yi ò wòrzò wò ama Lohwɛ̀. Ndi e undi tɛ e mbenda, nanù òma gbèendàkò hwa anyu wò hwèlì ŋgundu.

1 Kɔ̀rintìyà 15:2

È o rzùŋgàhwà nà ŋmɛ̀ndì mò gbamù, e hwèlì tɛ ema, e mo lɛmbi kɔ̀yi-kɔ̀yi, e rza enje tɛ nanù oma lìlòkɛ̀ la anyu na Krirztò lì hwèlì ndi ŋgundu.

1 Kɔ̀rintìyà 16:22

Tɔ̀ jɛ̀ɛ̀ ema à rza lìŋgànɛ Rzàŋgo èwoma e hwɛ na mɔ̀. Rzàŋgo wa arzu, jà!

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

1 Tìmotì 4:8

O hwèlì ndi eyà ya gbamù o lì okolɛ e nyàmà ya nyo ya eni o lì eta. Ndi o lɔ̀wu rzayi-rzayi nanù ema mòtò a atàkìrzɛ̀ tɛ o lì gbeyà tɔ̀ ima eyà na oma Lohwɛ̀ a àrzeyà. Inyɛ̀ i gbèyi na oma Lohwɛ̀ a arza èhwanja Lohwɛ̀ à mà ohwa nanù ema a jo ŋgba lòŋgɛ ema lì rza hwɛnɛ lìrzùkù nàŋgɛ na o e hvonda ema e o jɛ̀ɛ̀.

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

Hibrù 11:17

Lìlòkɛ̀ ndi lì ma gbeyà Abràhamù à mà ŋgbe e ŋmanà wa eni Irzàkì nàa làhweyà e hvonda ema Lohwɛ̀ à mà kèkirzɛ Abràhamù. Abràhamù ndi à mà hwɛ e mɔ̀ ema Lohwɛ̀ à mà kàkɛ̀nɛ̀ ema hwàanà hwa eni hwa o koka rzayi-rzayi, lìlòkɛ̀ lɔ ndi lì ma gbeyà Abràhamù à mà woŋgirzɛnɛ o lì ŋgbà ehvowa ya eni ya ŋmanà nàa làhweyà.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

Jèmìrzì 1:16

Ìi wònyànyàŋgò wà ami kòkò, e rzi keka lì alùkɛ̀lɛ̀nɛ inyɔ hwiti.

Jèmìrzì 2:16

Rzìi mɔ̀kɔ wa anyu a mo òhweyà nanù ema, “Ɛndɛ gbamù, o luwe mamɛ ema o wɔ̀tɔ̀ ndèŋgànɛlɛ o luwe hvɛ mamɛ ema o ò lɛɛ.” È mo òhwèlì tɛ nanù, e rzi hwɛ a hwɛ nanù ema, e mo ŋgbelì hweyàrzèlì hwa eni, ima wotumba wo gbamù ema inyɔ e mo gbèelì e?

Jèmìrzì 2:18

Mòtò mɔ̀kɔ a no òhweyà nanù ema, “Ono mòtò a ohvi lìlòkɛ̀, ɔ̀nɛyi mɔ̀ hvɛ a gbeyà hweyà hwe gbamù.” Nà mo alàhwɛ̀ nanù ema, “O no uŋmɛ̀lɛ̀ nɛ mòtò a tànɛyi lì hwɛnɛ lìlòkɛ̀ ema a rza gbeyɛ hweyà hwe gbamù, na o uŋmɛ̀lɛ̀ lìlòkɛ̀ la ami o hweyà hwe gbamù ema na gbeyà.”

Jèmìrzì 2:26

O eŋgànɛ̀lɛ̀ rzɔ, na oma e nyo ema e rza ohvɛ èlìŋgɛ̀ e ŋwaa, nanù mɛnɛ ndi lìlòkɛ̀ ema lì rza ohvɛ hwèwòlò lì ŋwaa.

2 Pètrò 1:5

O lìni lìtaŋga mɛnɛ rzɔ̀, e lìmeya ndi o lì gbeyà hweyà hwe gbamù. Ndeŋgànɛ̀lɛ̀ rzeketɛ eŋge mɛnɛ, e àŋgàmɛ̀nɛ̀yi lì keka hvɛ o lì hwɛ hwatò ema hwa gbeyàna lìhwiyè o lì gbeyà hweyà hwe gbamù.