Jèmìrzì 2:1 - Mokpwe: Bakwery (New Testament)

¹ Wònyànyàŋgo wa ami kòkò. Inyɔ nàa hwàlòkèlì hwa ama Rzàŋgo wa arzu Yerzù Krirztò, e Rzàŋgo ema èluhwe ya eni e kàrzàmi, inyɔ e rza àŋgàmɛ̀nɛ̀yi lì ɛnɛ tɔ̀ ima mòtò rzìi e mo wowa o a ɛnɛ oma a ohvi wòlìto tɔ̀ a rza ohvi wòlìto.

Jèmìrzì 2:1 Mawu Ofanana

Matiyò 22:16

Hwàŋga hwatò hwà mà òmeya Yerzù Hwà-òkòwèlì hwa awu, mòndeŋge na hwatò hwa èhvèhva yà ama Hɛ̀rɔ̀dì. Hwanu hwatò rzi hwa ijòwa Yerzù nanù ema, “Ìi Mòòkòlèlì, i hwi nanù ema ò òhwa e jɔ̀kɛ̀. Ndèŋgànà i hwi hvɛ nanù ema hwèyòkòlèlì hwe aŋgɔ̀ lì hvòmɛ̀nɛ̀ imbenda ja ama Lohwɛ̀ hwe hwèlì ndi jɔ̀kɛ̀. Màlùteyà ma hwatò na hwèhwɛ̀ɛlì hwe hwèhvòlò hwe awu hwe rza eŋgòwa hwèyòkòlèlì hwe aŋgɔ̀.

Hwègbèèlì 10:34

Pètrò rzìi a wòteyà lì òhwa nanù ema, “Nà ma ayembɛ na e jɔ̀kɛ̀ naŋgɛ nanù ema, Lohwɛ̀ a rza uŋmɛ̀lɛ̀ ndandò.

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Hwègbèèlì 24:24

O mburzà ŋgùrzu ja mèenyà Hvɛlìkrzi e mòkànèlì e ma jà na e jòjìyɛ̀ wa eni Drùrzìlà. Drùrzìlà à mà hwɛ ndi mòlanà wa wònyà Yudà. Hvɛlìkrzi à mà yòhwɛ Pàwolò nanù ema a jèe, e hvònda ema à mà jèe, hwà mà hwɛ lì mò òkànèyà na òma a òhwa lì hvòmɛ̀nɛ̀ lì lòkɛ̀ ò ma Yerzù Krirztò.

Hwègbèèlì 7:2

Rzìtehvànɛ rzìi a alàhwɛ̀ wòlìya wò mbòwa nanù ema, “Wònyamòwè na hwa tààtɛ̀, e nò òkànèyà tɛ. Lòohwà la èluhwe lì ma wurzeya rzàŋgò wa arzu Abràhamù e hvònda ema à mà hwɛ ò erzòòkà ya Mèrzòpòtemìyà ndèŋgànà mɔ̀ à e ɛ̀ndɛ ò lì lìya ò e mbòwa ya Halànì.

Ròmànì 1:11

Nà hwɛni nyɔ̀ŋgi rzayi-rzayi ò lì è ɛnɛ aŋga nanù nà uki tɛ, nà è embɛ nà jàhwèyà ema èlìŋgɛ̀ yà Lohwɛ̀ è mà nò ŋgbɛ.

1 Kɔ̀rintìyà 2:8

Ndi, e wɔ̀ hwà kànèyà ene rze hwà rzi rzɔ̀ŋgìtɛ̀nɛ̀ lìni lìhwiyè lì ndɛnɛ̀ la ama Lohwɛ̀. Hwà mà rzɔ̀ŋgìtɛ̀nɛ̀ tɛ mamɛ ema Lohwɛ̀ ama hwɛ lì gbeyà, oma hwa rzi wòmeyà e Rzàŋgo wa èluhwe o mbàrza.

Kòlòrzìyà 1:4

Irzɔ jè èka Lohwɛ̀ ehwànja, irzɔ i mà hweyà lì hvomɛ̀nɛ̀ lìlòkɛ̀ là anyu là ama Yerzù Krirztò. Nà è ndìŋgɛ yà anyu ema è hwɛ̀nèlì hwatò hwa arzɛ hwa ama Lohwɛ̀.

1 Tìmotì 1:19

Ò lɛ̀mbɛ kɔ̀yi-kɔ̀yi ò lì lòkɛ̀ Krirztò nà lì gbeyà hweyà gbamù nà oma ŋmèma mò aŋgɔ̀ mò òhweyà. Lòŋgo là hwatò hwa rza gbeyà hweyà nà oma mèèmà mè awu mè hwa ohweyà ò lì gbeyà. Ène eyà ema hwa gbeyà ema hwa mà rzɔ̀njɛlɛ lìlòkɛ̀ là awu ndeŋgànɛ̀lɛ̀ hwa rza hwi òne hwa tànɛyi lì ɛndɛ.

1 Tìmotì 5:21

Nà o òhweyà ndi o worzo wo ama Lohwɛ̀, Yerzù Krirztò, na o worzo wo i aŋgèlì ema i hvɔ̀rzɔ̀wì, nanù ema e gbèeyà mamɛ ema e hwɛni lì gbeyà e rzi hwɛ ndando tɔ̀ lì timbana mòtò mburza.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Jèmìrzì 1:16

Ìi wònyànyàŋgò wà ami kòkò, e rzi keka lì alùkɛ̀lɛ̀nɛ inyɔ hwiti.

Jèmìrzì 1:19

Wònyànyàŋgo hwa ami kòkò, e ɔ̀ŋgɛ̀lɛ̀ hwene hweyà. Tɔ̀ ima mòtò a àŋgàmɛ̀nɛ̀yi lì wàmirzɛ o lì okànèyà mamɛ ema ohvɛhvɛ mòtò a ohwa, tɔ̀ mòtò a rza àŋgàmɛ̀nɛ̀ lì wàmirzɛ o lì ohwa tɔ̀ eyà, tɔ̀ mòtò a rza àŋgàmɛ̀nɛ̀ lì wàmirzɛ o lì tààtà.

Jèmìrzì 2:3

Inyɔ e uŋmɛ̀lɛ̀ tɛ oŋgo mòtò ema a wɔ̀ti màwɔ̀ti ma gbamù, èluhwe rzayi-rzayi rzìi e mo òhweyà nanù ema, “Liya ene mboko ya gbamù ema e hwèlì anu,” ndi e ohweyà mòŋgo molìrza mo mòtò nanù ema, “Tɛmɛ aŋga,” tɔ̀ ema, “lìya aŋga o rze ya mɔ̀nyɛ̀,”

Jèmìrzì 2:9

Ndi inyɔ e wowa tɛ lòŋgo la hwatò wòlìto lì aka hwanɛyi hwatò nanù oma e gbeyà ndi wòhwe, aŋga nanù oma e mbenda ya ama Lohwɛ̀ yɔ hvɛ e ma e lɛmbɛ nàa hwatò ema wɔ hvɛ hwa undi mbenda.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

2 Pètrò 1:1

Imba Rzimɔ̀ni Pètro ema nà hwèlì è mògbèèlì nà è àpɔ̀rzìtòlò yà ama Yerzù Krirztò, nà è tìleyà ndi inyɔ hwatò ema è lòkɛ̀ Yerzù Krirztò nyayi hvɔ̀kɔ hvɛ nà oma irzɔ hvɛ ì mò lòkɛ̀. Yerzù Krirztò ndi à hwèlì Lòohwà nà Mòrzùŋgèlì hwa arzu. Mɔ̀ à tɛ̀mì ehve-ehve. Ndeŋgànɛ̀lɛ̀ mɔ̀ ndi à gbèyi ndèŋgànà irzɔ hwa arzɛ jè è mò lòkɛ̀.

Judɛ 1:16

Hwanù hwatò hwa lìyelì ndi ò lì arzàrzòwɛ ndeŋgànɛlɛ hwa hwɛlɛ hwahvɛhvɛ hwatò. Hwa oŋgama è nyɔ̀ŋgì yà awu yà wòhwe, hwa à èkìrzɛ̀, nà lì ohwàna jɛ̀ɛ̀mɛ̀ ema ì tɛ̀ɛ̀ aŋga nanù hwa luwànà hwatò hwèèmà.

Hwèwulùwèlì 14:12

Ène eyà è hwèlì ndi nanù ema, hwatò hwa wòtani hwa ama Lohwɛ̀ hwa àŋgàmɛ̀nɛ̀ lì ajùlɛ̀ ò tenì yà mètàkà, ò lì ika imbenda jà ama Lohwɛ̀ nà ò lì kombɛ̀ lìlòkɛ̀ là awu nà Yerzù.