Jèmìrzì 1:9 - Mokpwe: Bakwery (New Testament)

⁹ Mòtò wa ama Krirztò ema a rza enje wòlìto ò worzo wo hwahvɛhvɛ hwatò a hwɛni lì àyekìrzɛ e hwèlì tɛ ema Lohwɛ̀ a mo kàrzɛ o ŋmanyu.

Jèmìrzì 1:9 Mawu Ofanana

Lukàrzɛ̀ 1:52

À ulɛyi hwàkànèlì ò kònda ja awu ja màkànèyà, rzìi à kàrzɛ̀yi hvɛ è wɔ̀ ema hwa arzihwirzɛ.

Lukàrzɛ̀ 10:20

Ndi tɔ̀ nanù e rzì kèka lì òkà mɔ̀nyɛ̀ŋgì èhwanja hwèlìŋgɛ̀ hwe wòhwe hwe è hweyànà ndì e òkè mɔ̀nyɛ̀ŋgì ema mìinà ma anyu ma tìlahwì ò ŋmanyu ya Lohwà.”

Lukàrzɛ̀ 14:11

O èŋgànɛ̀lɛ̀ e hwiye ema, tɔ̀ ima mòtò ema à akàrzɛ mɔ̀ ŋmìti Lohwɛ̀ à mò rzìhwìrzɛ̀. Òŋgò hvɛ ema à arzìhwìrzɛ̀ mɔ̀ ŋmìti, Lohwɛ̀ à mò kàrzɛ̀.”

Lukàrzɛ̀ 9:48

Yerzù rzìi à hwa òhweyà nanù ema, “Tɔ̀ ima mòtò ema à kàrzɛ̀ jùma ŋmanà nàa ònò nanù, ò lìnà là amì, ò ma ìmba ndi à kàrzɛ̀yi! Tɔ̀ njɛnɛ hvɛ ema à nò kàrzɛ̀yi, òma à kàrzɛ̀yi ndi Lohwɛ̀ ema à nò òmi. O èŋgànɛ̀lɛ̀ rzɔ, tɔ̀ ima mɔ̀ ema à atìmbìrzɛ̀ nàa jùma ŋmanà ò ìtììtènì ja anyu, mɔ̀ ndì à hwɛ̀ɛ̀ è mòtìmbèlì.”

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

2 Kɔ̀rintìyà 6:10

I hwèlì o tenì ya ndùtù ndi o i hvonda ja arzɛ i hwèlì o mɔ̀nyɛ̀ŋgì. Tɔ̀ nɛ i rza ohvɛ hwema rzayi-rzayi ndi èwòlò ema i gbeyà e gbeyà hwatò rzayi-rzayi o lì lòkɛ̀ Lohwɛ̀. O èŋgànɛ̀lɛ̀ rzɔ eŋge e hwa gbèyi ema wɔ̀ hwa ohvi hwema rzayi-rzayi. Tɔ̀ nɛ i rza ohvɛ tɔ̀ yoma, mònàmɛ̀ mò ama Lohwɛ̀ mo hwèlì ndi e mo arzu.

Hvìlipìyà 3:14

Nà hwèlì ndi lì taka o lì ɛndɛ o worzo natɛ̀ɛ na uka èki ema na àŋgàmɛ̀nɛ̀yi lì rzuweya aŋga nanù na luwa etaŋgi ema Lohwɛ̀ à mà no uteya o ŋmanyu yà lohwà. Mɔ̀ à mà no hwɛlɛ nanù ema na ɛndɛ o ŋmanyu yà lohwà lì akeyà na Yerzù Krirztò.

Hvìlipìyà 3:3

Irzɔ ndi je endàlɛ̀hwɛ ŋgànà ema e hvomɛ̀nɛ̀, Èlìŋgɛ̀ e jo oŋgowàna o lì ŋgba Lohwɛ̀ èluhwe na oma i mo gbèeyà. Jo oki mɔ̀nyɛ̀ŋgì na oma irzɔ i hwèlì na Yerzù Krirztò. Irzɔ i hwi nanù ema hwatò hwa hwènàmà hwa rza tanɛ hwa jo oŋgowàna.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

Hwèwulùwèlì 2:9

Imba nà hwi mètàkà mè anyu, ndèŋgànɛ̀lɛ̀ nà hwi nanù ema è hwèlì ndi mèlìrzà mè hwatò, ndi tɔ̀ nanù è hwèlì ndi hwèwàŋgì. Nà hwi hweyà hwe wòhwe ema hwatò ema hwa ohwa nanù ema hwa hwèlì ndi wònyà Yudà tɔ̀ nɛ hwa rza enje wònyà Yudà, hwa ohwa ò lì è teŋgɛ̀nɛ̀. Wɔ̀ hwa hwèlì ndi hwatò hwa ama Mòkarzɛ̀ tɔ̀ hwatò ema hwa hwèlì ò mòndèŋge mò eni.