Jèmìrzì 1:26 - Mokpwe: Bakwery (New Testament)

²⁶ Tɔ̀ ima mòtò ema a ɔ̀ŋgɛ̀lɛ̀ nanù ema mɔ̀ à gbeyà ndi nà oma Lohwɛ̀ a àrzeyà, rzìi a rzi kànèyà jɛ̀ɛ̀mɛ̀ ja eni, eŋge tumba mòtò a alukɛ̀lɛ̀ ndi mɔ̀ ŋmìti, ndèŋganɛlɛ èwòlò ya eni ema mɔ̀ à gbèeyà Lohwɛ̀ e hwèlì ndi ŋgundu.

Jèmìrzì 1:26 Mawu Ofanana

Matiyò 15:9

È rza enje tɔ̀ wòlìtò ò wɔ̀ ò lì nò kanɛ̀ imba, èhwanja wɔ̀ hwa òkòlɛ̀ ndi imbenda ema hwatò hwa tɛ̀yirzɛ̀, nàa ò à ɛnɛ òma i hwèlì ndi imbenda ja ami!’”

Makòrzì 7:7

È rza enje tɔ̀ wòlìtò ò wɔ̀ ò lì nò kanɛ̀ imba, èhwanja wɔ̀ hwa òkòlɛ̀ ndi imbenda ema hwatò hwa tɛ̀yirzɛ̀, nàa ò à ɛnɛ òma i hwèlì ndi imbenda ja ama Lohwɛ̀’

Lukàrzɛ̀ 8:18

È aŋgòwà rzɔ nɛ e òkànèyà. Tɔ̀ njɛnɛ hvɛ ema a òhvi lì rzɔ̀ŋgìtɛ̀nɛ̀ lì hvòmɛ̀nɛ̀ ìwùndɛ̀ ja Lìkànèyà là ama Lohwɛ̀, Lohwɛ̀ à mò hwàteyà hvɛ lìhwiyè. Òŋgò hvɛ ema à rza òhvɛ̀ lìhwiyè, à wɔ̀lɛ̀nɛ̀ tɔ̀ èŋge tenyi ema a ɔŋgɛ̀lɛ̀yi nanù ema à òhvì.”

1 Kɔ̀rintìyà 15:15

Nànù o ma ya àwuŋmɛ̀lɛ̀ ndi ema i kɔ̀yeyà ndi Lohwɛ̀ hweyà, na oma jo ohwa nanù ema Mɔ̀ ndi à hvùmùlɛ̀ Krirztò. Ndi e hwèlì tɛ e jɔ̀kɛ̀ nanù ema hwatò hwa rza hvùmùwà o mburzà kpelì, nanù oma Lohwɛ̀ a rzi hvùmùlɛ̀ Krirztò.

1 Kɔ̀rintìyà 15:2

È o rzùŋgàhwà nà ŋmɛ̀ndì mò gbamù, e hwèlì tɛ ema, e mo lɛmbi kɔ̀yi-kɔ̀yi, e rza enje tɛ nanù oma lìlòkɛ̀ la anyu na Krirztò lì hwèlì ndi ŋgundu.

1 Kɔ̀rintìyà 3:18

È hwɛmɛ lì alukɛlɛnɛ la inyɔ hwiti. È hwèlì tɛ ema mɔ̀kɔ wa anyu, a ɔ̀ŋgɛ̀lɛ̀ nanù ema a hwɛnì lìhwiyè o ene rze, inyɛ a àtimbirzɛ mɔ̀ ŋmìti èèti ya mòtò, oma à mà lùwa lìhwiyè.

Gàletìyà 2:6

Ndeŋga hvɛ hwatò ema hwa mà hwɛ aŋga nàa hwatimbelì hwa ŋmèmba hwa rzi ohve hvɛ tɔ̀ eyà ò lì lata ò ŋmanyu yà mamɛ ema imba nà okolɛ. Tɔ̀ nɛ wɔ̀ hwa mà hwɛ ndi hwàtìmbèlì è rzi hwɛnɛ tɔ̀ eyà yà lì nò gbeyàna èhwanja hwatò hwa arzɛ hwa hwèlì ndi nyayi hvɔ̀kɔ ò worzo wò ama Lohwɛ̀.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.

Gàletìyà 3:4

È mà taka nà oma è mà lòkɛ̀ Krirztò. Èŋge ŋgàna è hwèlì ndi ema moŋgo mòtàkà mò hwèlì ndi ŋgundu e?

Gàletìyà 6:3

Tɔ̀ ima mòtò ema a lùtèyà nanù ema mɔ̀ ndi à hveti, a à lukɛlɛ ndi mɔ̀ ŋmìti. Èŋge tumba mòtò e rza enje tɔ̀ mòtò.

Ɛ̀hvìrzìyà 4:29

È rzi ohwa mbɔrzi ja èèti o wàna ja anyu. È ohwe ndi hweyà ema hwe oŋgowàna hwatò ò lì oŋgà o lìlòkɛ̀ la awu. Aŋga nanù hwaŋga ema hwe e okànèyà na oma e ohwa hwà okoweya o johwi ja anyu.

Ɛ̀hvìrzìyà 5:4

È rzi keka hvɛ tɔ̀ lì tuhwa mendeŋga me ndɔ̀ki, tɔ̀ lì ohwa hvɛ èèti ya mbɔrzi, tɔ̀ lìkohwi ema lì àŋgayi. Ndi inyɔ e àŋgàmɛ̀nɛyi ndi lì ŋgbà Lohwɛ̀ jeka.

Kòlòrzìyà 4:6

Inyɔ nà wɔ̀ è tuwa tɛ mèndèŋgà, hwèyohwèlì hwe anyu hwe àŋgàmɛ̀nɛ̀yi lì lɔ̀wu nà lì tɛ̀ɛ̀. Inyɔ è gbeyà tɛ nanù, è hwiya nɛ è alàhwɛ̀ tɔ̀ ima mòtò ema à è ijo mììjòwèlì.

Jèmìrzì 1:19

Wònyànyàŋgo hwa ami kòkò, e ɔ̀ŋgɛ̀lɛ̀ hwene hweyà. Tɔ̀ ima mòtò a àŋgàmɛ̀nɛ̀yi lì wàmirzɛ o lì okànèyà mamɛ ema ohvɛhvɛ mòtò a ohwa, tɔ̀ mòtò a rza àŋgàmɛ̀nɛ̀ lì wàmirzɛ o lì ohwa tɔ̀ eyà, tɔ̀ mòtò a rza àŋgàmɛ̀nɛ̀ lì wàmirzɛ o lì tààtà.

Jèmìrzì 1:22

È gbeye ndi na oma eyà ya Lohwà e ohwa. È rza a ɔnjɛ inyɔ hwiti o lì okànèyà eyà ya Lohwà mɛnɛ.

Jèmìrzì 2:20

O wa èèti ya mòtò o arza embànelì o lì o uŋmɛ̀lɛ̀ nanù ema e hwèlì tɛ nanù ema mòtò a ohvi lìlòkɛ̀ rzìi a rzi gbeeye nà oma lìŋgi lìlòkɛ̀ lì ohwa, nanù oma rzeke lìŋgi lìlòkɛ̀ lì hwèlì ndi ŋgundu e?

1 Pètrò 3:10

Nà oma e tìlahwì o kààti ya Lohwà nanù ema, “Tɔ̀ njɛnɛ ema arza lòŋgɛ là mɔ̀nyɛ̀ŋgi, na o lì ɛnɛ hvɛ mèènyà me gbamù, inyɛ a rza ohwa hweyà hwe wòhwe, ndèŋgànɛ̀lɛ̀ a rza ohwa hweyà hwe lì kɔ.