Jèmìrzì 1:22 - Mokpwe: Bakwery (New Testament)

²² È gbeye ndi na oma eyà ya Lohwà e ohwa. È rza a ɔnjɛ inyɔ hwiti o lì okànèyà eyà ya Lohwà mɛnɛ.

Jèmìrzì 1:22 Mawu Ofanana

Matiyò 12:50

Tɔ̀ ima mɔ̀ ema à gbèyi lì emeyà la ama Tatɛ̀ wa ami ema a hwèlì ò ŋmanyu yà lohwà, mɔ̀ ndi à hwèlì nyàŋgò wa ami, nà wònyanyàŋgò hwa amì.”

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Lukàrzɛ̀ 11:28

Yerzù rzìi a mò alàhwɛ̀ nanù ema, “Mònàmɛ̀ mò hwɛ ndi nà hwaŋga ema hwa hweyà Eyà ya Lohwà, rzìi hwa gbeyà nà òmà ya òhwì.”

Yòwanìrzɛ̀ 13:17

Nàŋgɛ ema è hwi hwenè hweyà, è hwe gbèyi tɛ è nàmìrzɛ̀hwɛ.

Ròmànì 2:13

Rzeketɛ ò lì hweyà e mbenda yɔ ndi e gbèeyà hwatò hwa tɛ̀mɛ̀ ehve-ehve na Lohwɛ̀, ndi ò lì gbèeyà mamɛ ema e mbenda e arza yɔ ndi e gbeyà hwatò hwa tɛ̀mɛ̀ ehve-ehve ò wòrzò wò ama Lohwɛ̀.

1 Kɔ̀rintìyà 15:33

I rzi ɔnjɔwɔ, “Yorza ya wòhwe e hvaŋga ɛ̀ɛ̀mɛ̀ ya gbamù.”

1 Kɔ̀rintìyà 3:18

È hwɛmɛ lì alukɛlɛnɛ la inyɔ hwiti. È hwèlì tɛ ema mɔ̀kɔ wa anyu, a ɔ̀ŋgɛ̀lɛ̀ nanù ema a hwɛnì lìhwiyè o ene rze, inyɛ a àtimbirzɛ mɔ̀ ŋmìti èèti ya mòtò, oma à mà lùwa lìhwiyè.

1 Kɔ̀rintìyà 6:9

Ò jɔ̀kɛ̀-jɔ̀kɛ̀ è hwi nanù ema hwatò ema hwa gbeyà wòhwe hwa rzà o hwɛ ò lìkànèyà là ama Lohwɛ̀. È rzà alùkɛ̀lɛ̀nɛ̀, hwaŋga hwatò ema hwa gbeyà mòrzònje. Hwàto ema hwa kanɛ̀ mòohwà ema mà wèkàhwì nà è mòto wà hwènàmà, hwatò hwa mòrzònje mò lìhwà, nà wunyanà ema hwa naŋgànà hwahvɛhvɛ wunyànà, hwanù hwatò hwa arzɛ hwa rza ò hwɛ ò Likànèyà là ama Lohwɛ̀.

Gàletìyà 6:3

Tɔ̀ ima mòtò ema a lùtèyà nanù ema mɔ̀ ndi à hveti, a à lukɛlɛ ndi mɔ̀ ŋmìti. Èŋge tumba mòtò e rza enje tɔ̀ mòtò.

Gàletìyà 6:7

È rza alukɛlɛ inyɔ hwiti. Tɔ̀ mòtò a rzi keka lì ɔ̀ŋgɛ̀lɛ̀ nanù ema a tanɛ a lukɛlɛ Lohwɛ̀. Tɔ̀ mamɛ ema mòtò a oni, yɔ̀ ndi à hwɛni lì rzàŋgà.

Hvìlipìyà 4:8

Ìi wònyàmòwe kòkò, o lì kulɛ ene mbɔrzi, e lùteyà hwène hweyà o ihvonda ja arzɛ. È lùteyà tɔ̀ ima eyà ema e hwèlì e jɔ̀kɛ̀, tɔ̀ ima eyà ema e hwèlì ema e lɔ̀wu, tɔ̀ ima eyà ema e hvomɛ̀nɛ̀, tɔ̀ ima eyà ema e rza ohvɛ tɔ̀ lìtɔ̀tì la wòhwe, tɔ̀ ima eyà ema hwatò hwa àŋgàmɛ̀nɛ̀yi lì lìŋgàna na tɔ̀ ima eyà ema e ɛni nanù ema ye e lɔ̀ɔ̀ni. È ɔ̀ŋgɛ̀lɛ̀ hweyà ema hwe lɔ̀wu rzayi-rzayi ndèŋgànɛ̀lɛ̀ e hweyɔ ema hwatò hwa ohwa nanù ema hwe lɔ̀wu. Ini nyayi ja hweyà ndi e àŋgàmɛ̀nɛ̀yi lì ika o màlùtèyà ma anyu o ihvonda ja arzɛ.

Kòlòrzìyà 3:17

Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.

2 Tìmotì 3:13

Ndi hwatò hwa wòhwe na hwatò hwa menito, hwa o ɛndɛ ndi o worzo ò lì gbeyà hweyà hwe wòhwe, o lì lukɛlɛ hwatò, ndèŋgàna hwahvɛhvɛ hwa o hwa lukɛlɛ.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

Jèmìrzì 1:26

Tɔ̀ ima mòtò ema a ɔ̀ŋgɛ̀lɛ̀ nanù ema mɔ̀ à gbeyà ndi nà oma Lohwɛ̀ a àrzeyà, rzìi a rzi kànèyà jɛ̀ɛ̀mɛ̀ ja eni, eŋge tumba mòtò a alukɛ̀lɛ̀ ndi mɔ̀ ŋmìti, ndèŋganɛlɛ èwòlò ya eni ema mɔ̀ à gbèeyà Lohwɛ̀ e hwèlì ndi ŋgundu.

Jèmìrzì 4:11

Ìi wònyànyàŋgo wa ami kòkò, e rzà àwòhwànɛlɛ hweyà hwe wòhwe mɔ̀kɔ na ɔ̀nɛ̀yi, tɔ̀ njɛnɛ ema a ohwi eyà ya wòhwe o lì teŋgɛ̀nɛ̀ ŋmanyàŋgò wa eni, tɔ̀ lì mo kàyìrzɛ̀, nanù oma a ohwa ndi hweyà hwe wòhwe lì teŋgɛ̀nɛ̀ e mbendà ya ama Lohwɛ̀ ndèŋgànɛlɛ mɔ̀ à ohwi nanù ema e mbenda e rza lɔ̀wu. O òhwi tɛ nanù ema e mbendà ya ama Lohwɛ̀ e rza lɔ̀wu, eŋge ŋgànà e hwèlì ndi nanù ema e gbeyà hweyà ema e mbendà ya ama Lohwɛ̀ e ohwi nanù ema e rza gbeyà. Nànù oma o ma awòwɛ̀ o wà witi o lì hwɛ e mòkàyìrzèlì.

Jèmìrzì 4:17

O eŋgànɛ̀lɛ rzɔ̀, tɔ̀ njɛnɛ ema a hwi eyà ya gbamù ema àŋgàmɛ̀nɛ̀yi lì gbeyà, rzìi a rzi e gbeye, nanù oma a gbèyi wòhwe o worzo wo ama Lohwɛ̀.

2 Pètrò 2:13

Lohwɛ̀ à ò gbeyà nanù ema hwa tàke rzayi-rzayi ehwànja wɔ̀ hvɛ hwa mà tàkìrzɛ̀ hwahvɛhvɛ hwatò. Wɔ̀ hwa lìŋgàni o lì ujìrzɛ̀ e nyɔ̀ŋgi ya e nyàma nyo. Ndeŋgànɛ̀lɛ̀ wɔ̀ hwa rza oka tɔ̀ irzɔ̀ni o lì gbeyà hweŋge hweyà tɔ̀ o ŋmèrze mo wùnyà. Hwa hwèya gbamù o lì gbeyà hweŋge hweyà e hwèlì tɛ nanù ema hwa hwèlì lì laa na inyɔ èki yɔ̀kɔ. O eŋgànɛ̀lɛ̀ rzɔ, hwà mà hvàŋga lìinà la anyu na lì e jàneya irzɔ̀ni.

1 Yòwanìrzɛ̀ 1:8

Jo òhwi tɛ ema i rza ohvi tɔ̀ wòhwe, nanù oma ja alukɛlɛ ndi irzɔ hwiti ndèŋgànɛlɛ o ma e jɔ̀kɛ̀ e rza enje na irzɔ.

1 Yòwanìrzɛ̀ 2:3

È hwèlì tɛ nanù ema irzɔ jè ika imbenda jà ama Lohwɛ̀, ò jɔ̀kɛ̀ ì mò hwi.

1 Yòwanìrzɛ̀ 3:7

Inyɔ ema e hwèlì nàa hwàanà hwa ami, e rzi keka lì emeyà nanù ema tɔ̀ mòtò tɔ̀ mɔ̀kɔ a e lùkɛlɛ. È mɔ̀ ema a gbèyi mamɛ ema e hvomɛ̀nɛ̀ nanù oma a hwèlì ehve-ehve, ŋgàna hvɔ̀kɔ na oma mɔ̀ Krirztò a hwèlì ehve-ehve.

3 Yòwanìrzɛ̀ 1:11

È mbunda ya ami kòkò, o rza embàneyà wòhwe ema hwatò hwa gbeyà, ndi o embàneyà hweyà hwe gbamù ema hwatò hwa gbeyà. Tɔ̀ njɛnɛ ema a gbèyi gbamù e uŋmɛ̀lɛ̀ ndi nanù ema a hwèlì ndi e ŋmanà wa ama Lohwɛ̀. Tɔ̀ njɛnɛ hvɛ ema a gbeyà wòhwe, wòhwe wo eni wo uŋmɛ̀lɛ̀ ndi nanù ema mɔ̀ à rza hwi Lohwɛ̀.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 22:7

Yerzù rzìi a ohwa nanù ema, “È ɔŋgɔ tɛ, imba na jà ŋmanà mbɔ̀. Mònàmɛ̀ mo hwèlì na hwatò ema hwa ikayi hweyà ema hwe tìlahwì o tenì ya ene kààtì, hweyà ema hwe o gbèyɛ̀nɛ o nàŋgɛ na e hvonda ema e o jɛ̀ɛ̀.”