Jèmìrzì 1:16 - Mokpwe: Bakwery (New Testament)

¹⁶ Ìi wònyànyàŋgò wà ami kòkò, e rzi keka lì alùkɛ̀lɛ̀nɛ inyɔ hwiti.

Jèmìrzì 1:16 Mawu Ofanana

Matiyò 22:29

Yerzù rzi a hwa alàhwɛ̀ nanù ema, “È hwèlì ndi ò matòna, èhwanja e rza rzɔ̀ŋgìtɛ̀nɛ̀ mamɛ Èya ya Lohwà e òhwa ndèŋgànɛ̀lɛ̀ e rza rzɔ̀ŋgìtɛ̀nɛ̀ hvɛ nɛ e ŋginyà ya ama Lohwɛ̀ e hwèlì.

Makòrzì 12:24

Yerzù rzìi a òhwa nanù ema, “È tòni, èhwanja è rza rzɔ̀ŋgìtɛ̀nɛ̀ mamɛ eyà ya Lohwà e òhwa, tɔ̀ e ŋginyà ya ama Lohwɛ̀.

Makòrzì 12:27

Èŋge ŋgàna è uŋmɛ̀lɛ̀ nanù ema hwa hwèlì lòŋgɛ. Lohwɛ̀ à hwèlì ndi Lohwà là hwatò ema hwa hwèlì lòŋgɛ rzeketɛ Lohwà la e wɔ̀ ema hwà mà ŋwɛɛ. Inyɔ e tòni rzayì-rzayì.”

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

1 Kɔ̀rintìyà 6:9

Ò jɔ̀kɛ̀-jɔ̀kɛ̀ è hwi nanù ema hwatò ema hwa gbeyà wòhwe hwa rzà o hwɛ ò lìkànèyà là ama Lohwɛ̀. È rzà alùkɛ̀lɛ̀nɛ̀, hwaŋga hwatò ema hwa gbeyà mòrzònje. Hwàto ema hwa kanɛ̀ mòohwà ema mà wèkàhwì nà è mòto wà hwènàmà, hwatò hwa mòrzònje mò lìhwà, nà wunyanà ema hwa naŋgànà hwahvɛhvɛ wunyànà, hwanù hwatò hwa arzɛ hwa rza ò hwɛ ò Likànèyà là ama Lohwɛ̀.

Gàletìyà 6:7

È rza alukɛlɛ inyɔ hwiti. Tɔ̀ mòtò a rzi keka lì ɔ̀ŋgɛ̀lɛ̀ nanù ema a tanɛ a lukɛlɛ Lohwɛ̀. Tɔ̀ mamɛ ema mòtò a oni, yɔ̀ ndi à hwɛni lì rzàŋgà.

Hvìlipìyà 2:12

O eŋgànɛlɛ rzɔ, ìi wònyàmòwe kòkò, na oma e ma hwɛ lì gbeyà hweyà ema Lohwɛ̀ à mà ohwe nanù ema e gbeye e hvonda ema nà mà hwɛ na inyɔ, e o lɔ̀wu nanù ema e gbeye mamɛ ema a ohwi nanù ema e gbeye, nàŋgɛ ema imba na rza enje hvɛ na inyɔ. È àŋgàmɛ̀nɛ̀yi lì hwɛnɛ wɔ̀ŋgɔ̀ wo ama Lohwɛ̀ o mèèmà me anyu na o lì arzihwirzɛ inyɔ hwiti o worzo wo ama Lohwɛ̀. È keke o lì gbeyà hweyà ema Lohwɛ̀ a arza nanù ema e gbeye aŋga nanù lì kɔ̀tɔ̀wɔ̀ ema e o luwɛ e o ondìrzɛ̀hwɛ.

Hvìlipìyà 4:1

O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

Kòlòrzìyà 2:4

Nà e ohweyà ene eyà aŋga nanù, tɔ mòtò tɔ̀ mɔ̀kɔ a rzi keka o lì e lukɛlɛ na mbùnakɛ̀ ya mòlaŋgà ema e o lùtèyà nanù ema eyà ema mɔ̀ à e ohweyà e hwèlì ndi e jɔ̀kɛ̀.

Kòlòrzìyà 2:8

È rzi emeyà nanù ema tɔ̀ mòtò a e wowe nàa hwàkòmì o lì oŋgama hwèyòkòlèlì hwe ŋgundu hwe mòlaŋgà ema hwa e okolɛ. Hwèokòlèlì ema hwa e okolɛ hwe hwèlì ndi hwèyòkòlèlì ema hwà mà wowane imbamba ja awu, ndèŋgànɛ̀lɛ̀ hweŋge hwèyòkòlèlì hwe oŋgama ndi imbenda ja hwèèmà hwe e rze ya mɔ̀nyɛ̀. Hweŋge hwèyòkòlèlì hwe uwɛ̀lɛ̀lɛ̀yi ndi o hwatò hwa hwènàmà hwa hvɔ̀rzɔ̀ rzeketɛ o ma Krirztò.

2 Tìmotì 2:18

Wɔ̀ hwà mà hwɛmɛ lìlòkɛ̀ la jɔ̀kɛ̀ ndèŋgàna hwa hwèlì hwa okolɛ nanù ema irzɔ ema i lòkɛ̀yi, Lohwɛ̀ à mà màa lì jo hvùmùlɛ̀. Ini nyayi ja hwèyòkòlèlì hwe hvàŋga lìlòkɛ̀ la loŋgo la hwatò.

Hibrù 13:1

Inyɛ̀ e ɛndɛ o worzo ò lì alìŋgànɛ mɔ̀kɔ nà ɔ̀nɛyi nàa hwatò hwa ama Krirztò.

Jèmìrzì 1:19

Wònyànyàŋgo hwa ami kòkò, e ɔ̀ŋgɛ̀lɛ̀ hwene hweyà. Tɔ̀ ima mòtò a àŋgàmɛ̀nɛ̀yi lì wàmirzɛ o lì okànèyà mamɛ ema ohvɛhvɛ mòtò a ohwa, tɔ̀ mòtò a rza àŋgàmɛ̀nɛ̀ lì wàmirzɛ o lì ohwa tɔ̀ eyà, tɔ̀ mòtò a rza àŋgàmɛ̀nɛ̀ lì wàmirzɛ o lì tààtà.

Jèmìrzì 1:2

Ìi wònyàmòwe kòkò, tɔ̀ ima hvonda ema tɔ̀ ima lìtumba la màkekirzɛnɛ ma e uŋmànɛlɛ ye e wowe inyɔ hwiti nàa e lɔ̀wu ya nyo.

Jèmìrzì 2:1

Wònyànyàŋgo wa ami kòkò. Inyɔ nàa hwàlòkèlì hwa ama Rzàŋgo wa arzu Yerzù Krirztò, e Rzàŋgo ema èluhwe ya eni e kàrzàmi, inyɔ e rza àŋgàmɛ̀nɛ̀yi lì ɛnɛ tɔ̀ ima mòtò rzìi e mo wowa o a ɛnɛ oma a ohvi wòlìto tɔ̀ a rza ohvi wòlìto.

Jèmìrzì 2:14

Ìi wònyànyàŋgo wa ami kòkò, mòtò a ohwi tɛ nanù ema a lòkɛ̀yì Krirztò, rzìi a rzi gbeyà hweyà ema hwe uŋmɛ̀lɛ̀ nanù ema a ohvi lì lòkɛ̀ ima gbamù wo hwèlì aŋga e? Èŋge tumba lì lòkɛ̀ e tanɛyi e mo rzùŋgà lòŋgɛ la eni e?

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

Jèmìrzì 3:1

Wònyànyàŋgo wa ami kòkò! Rzayi-rzayi ja anyu e rza hwɛni ndi lì hwɛ hwà-òkòlèlì hwa eyà ya ama Lohwɛ̀, e hwɛni lì hwiya nanù ema, irzɔ hwà-òkòlèlì i hwɛni lì kàyìrzɛ̀hwɛ kɔ̀yi-kɔ̀yi lì aka hwanɛyi hwatò.

Jèmìrzì 3:10

Ndeŋgànɛ̀lɛ̀ o wàna hvɔ̀kɔ ndi jòòhwì ja lì eka na lì jema jo uwɛ̀lɛ̀lɛ̀yi. Wònyànyàŋgo hwa ami e rza hwɛni lì hwɛ nanù.

Jèmìrzì 4:11

Ìi wònyànyàŋgo wa ami kòkò, e rzà àwòhwànɛlɛ hweyà hwe wòhwe mɔ̀kɔ na ɔ̀nɛ̀yi, tɔ̀ njɛnɛ ema a ohwi eyà ya wòhwe o lì teŋgɛ̀nɛ̀ ŋmanyàŋgò wa eni, tɔ̀ lì mo kàyìrzɛ̀, nanù oma a ohwa ndi hweyà hwe wòhwe lì teŋgɛ̀nɛ̀ e mbendà ya ama Lohwɛ̀ ndèŋgànɛlɛ mɔ̀ à ohwi nanù ema e mbenda e rza lɔ̀wu. O òhwi tɛ nanù ema e mbendà ya ama Lohwɛ̀ e rza lɔ̀wu, eŋge ŋgànà e hwèlì ndi nanù ema e gbeyà hweyà ema e mbendà ya ama Lohwɛ̀ e ohwi nanù ema e rza gbeyà. Nànù oma o ma awòwɛ̀ o wà witi o lì hwɛ e mòkàyìrzèlì.

Jèmìrzì 5:12

Ìi wònyànyàŋgo wa ami kòkò, o ŋmanyu ya hweyà hwe arzɛ, e rzi aàtɛ tɔ̀ o lìna la e ŋmanyu yà lohwà, tɔ̀ o e lɔ la ene rze, tɔ̀ o tɔ̀ mamɛ ya ene rze. Ndi e ohwi tɛ nanù ema, “Ɛ̀ɛ” eŋge ŋgànà e hwèlì ndi ɛɛ, ndèŋgànɛ̀lɛ̀ e ohwi hvɛ tɛ nanù ema, “Jàyɛ̀” eŋge ŋgànà e hwɛ ndi jàyɛ̀. È gbèyi tɛ nanù, Lohwɛ̀ a rza e kɔ̀kìrzɛ̀.

Jèmìrzì 5:19

Wònyànyàŋgo wa ami na indomɛ ja ami, e hwèlì tɛ nanù ema mɔ̀kɔ wa anyu a hwɛmi tɛ o lì oŋgama e njiya ya jɔ̀kɛ̀ ya ama Lohwɛ̀, rzìi o hvɛhvɛ mòtò a mo tìmbirzɛ hvɛ,