Jèmìrzì 1:14 - Mokpwe: Bakwery (New Testament)

¹⁴ Màlùteyà ma wòhwe ma mòtò mɔ̀ ndi ma mo gbeyà a unda o tenì yà màkèkìrzɛ̀nɛ, eŋge hvondà ndi màkèkìrzɛ̀nɛ ma mo wowàna ŋmèma mo eni o lùuŋga rzìi ma mo kakana e ŋgɔ̀kɔ̀hwì.

Jèmìrzì 1:14 Mawu Ofanana

Matiyò 15:18

Ndi hweyà ema hwe wurza ò wàna ya mòtò hwe uwɛ̀lɛ̀lɛ̀yi ndi ò ŋmèma mò eni, hweŋge hweyà ndi hwe gbeyà mòtò a rza hwɛ wòrzàŋgi ò wòrzò wò ama Lohwɛ̀.

Matiyò 15:20

Hwenè hweyà ndi hwe gbeyà e mòtò ema a rza hwɛ wòrzàŋgi ò wòrzò wò ama Lohwɛ̀. Ndi ò lì laa na màa ema mà rza tùtɛ̀hwɛ̀, e rza tanɛ lì gbeyà mòtò a hwɛ ŋmìŋgò na òma wɔ̀ hwa òhwa.”

Matiyò 4:1

O mburza hvònda, Yerzù à mà tìmbahwa nà Èlìŋgɛ̀ ò lì kèkirzɛhwɛ̀ nà Mòkarzɛ̀ ò mòrzanjɛ̀.

Matiyò 5:28

Ndi nà è òhwèyà ema, tɔ̀ ima mòtò ema à ɔ̀ŋgɔ mòlanà nà màlùtèyà ema mɔ̀ à mò naŋgane, mɔ̀ à mà màa lì mò gbèyana mòrzònje ò ŋmèma mò eni.

Ròmànì 7:11

Wòhwe wò mà luwa e njiya ya eni ema e akeyà ò mburza e mbenda, wò ma nò ɔnjɔ rzìi na gbeyà wòhwe. O èŋgànɛ̀lɛ̀ rzɔ wòhwe ndi wò nò òŋwi.

Ròmànì 7:13

Èŋge e uŋmɛ̀lɛ̀ rzɔ ndi nanù ema màmɛ ema e hwèlì gbamù e ma nò jàneyà ndi e kpelì e? Jàyɛ̀ rzeketɛ nanù. Rzeketɛ e mbenda ndi e nò janelì e kpelì, e hwèlì ndi ema wòhwe ndi wò akelì ò mburza ya e mbenda ema e lɔ̀wu, ò lì nò jàneyà e kpelì. Ène eyà e ma gbèyɛ̀nɛ ndi nanù aŋga nanù hwatò hwa ɛnɛ na òma wòhwe wò hwèlì. O èŋgànɛ̀lɛ̀ rzɔ e mbenda ya ama Lohwɛ̀ e ma gbeyà wòhwe wò ma uŋmɛ̀lɛ̀ e ŋginyà ya eni rzayi-rzayi.

Ɛ̀hvìrzìyà 4:22

Hwa mà è okolɛ̀ ò lì hwɛ̀mɛ̀ ɛ̀ɛ̀mɛ̀ yà worzo ema è mà lomè lì hwɛ̀nɛ̀. Ò eŋge hvonda mòŋgɛ mà anyu ma mà hwɛ wòhwe ehwànja è mà ohva ndi mèèmà mè lì gbèeyà hweyà hwe wòhwe mɛnɛ. Meŋge mèèmà ema è mà hwɛ̀nɛ̀ ò lì gbèeyà hweyà hwe wòhwe mè mà è eŋgìrzɛ̀.

Hibrù 3:13

Ndi è àyètìrzɛ̀nɛ̀ mɔ̀kɔ nà ɔnɛyi wùnyà tɛ, na oma eyu e hwɛ̀lɛ̀hwɛ̀ nanù ema, “Yàwono,” aŋga nanù wòhwe wo rza lukɛlɛ mèèmà me anyu o lì hwɛneya Lohwɛ̀ maniya.

Jèmìrzì 1:13

È hwèlì tɛ nanù ema mòtò à lu tɛ lìkèkìrzɛ a rzà aŋgàmɛ̀nɛ̀yi lì ohwà nanù ema, “Lini lìkèkìrzɛ lì uwɛ̀lɛ̀lɛ̀yi ndi o mà Lohwɛ̀.” Tɔ̀ mòtò a rza tànɛ a kèkìrzɛ Lohwɛ̀ nà wòhwe, nyàyi hvɔ̀kɔ hvɛ mɛnɛ nàa oma Lohwɛ̀ a rza tanɛ a kèkìrzɛ mòtò o lì gbeyà wòhwe.

Jèmìrzì 1:15

Màlùteyà ma wòhwe ema mà hwɛ̀ɛ o tenì ya ŋmèma mo mòtò mɔ̀ ndi ma jànà wòhwe. Ndèŋgànɛ̀lɛ wòŋgo wòhwe wo òŋga tɛ mòtò o tenì wo mo jànèyà e kpèlì.