Jèmìrzì 1:12 - Mokpwe: Bakwery (New Testament)

¹² Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

Jèmìrzì 1:12 Mawu Ofanana

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Lukàrzɛ̀ 6:22

Mònàmɛ̀ nà inyɔ ema è kɔ̀ɔ̀hwi nà hwatò rzìi hwa è ndinda ò ìtììtènì ja awu rzìi hwa è hwɛnyɛ̀ rzìi hwa è hwɛlɛ mìnà ma wòhwe èhwanja è òŋgama è Ŋmanà wà e Mòtò wà Hwènàmà.

Ròmànì 5:4

Li àjùlɛ̀ lɔ ndi lì jò ŋgba ɛ̀ɛ̀mɛ̀ ema Lohwɛ̀ a arza. Nà òma Lohwɛ̀ a jò emeyà ò wòrzò wò eni eŋge e jò janelì lìhvìtà ema Lohwɛ̀ a jò gbèeyà mamɛ ema à mà kàkɛ̀nɛ̀ nanù ema a jò gbèeyà.

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

1 Kɔ̀rintìyà 2:9

Èya èŋge ema e tìlahwì o kààtì ya wòtani nanù ema, “Tɔ̀ mòtò a rza ɛni, tɔ̀ mòtò a rzi hweyi, tɔ̀ mòtò a rzi lutelì hwenè hweyà Lohwɛ̀ à rzɛ̀ŋgɛnɛ hwaŋga hwatò ema hwà mò lìŋgàni.”

1 Kɔ̀rintìyà 8:3

Ndi tɔ̀ ima mòtò ema a lìŋgàni Lohwɛ̀, òŋgo mòtò ndi Lohwɛ̀ a hwi.

1 Kɔ̀rintìyà 9:25

Tɔ̀ ima mohwaŋgelì ema a hwɛnì lì hwaŋga lìhwaŋgi, à àjùlɛ̀nɛ̀ mètàkà me arzɛ. Hwa wòŋgirzɛnɛ ndi nanù, o lì wɔ̀tìrzɛ̀hwɛ ekooto ya èluhwe ya mbonji ema e rza hwɛ natɛ̀ɛ na o mòlìkɛ̀, ndi irzɔ i gbeyà ndi èwòlò ema i lùwàna morzawelì mò mòlìkɛ̀.

2 Tìmotì 2:15

O gbeye èwòlò ya aŋgɔ̀ na ŋginyà, aŋga nanù Lohwɛ̀ a ɛnɛ nanù ema o rza enje mògbèèlì ema a oka ìrzɔnì o lì gbeyà èwòlò ya eni. Ndèŋgànɛ̀lɛ̀ o hwɛni ndi lì hwɛ mòtò ema a okolɛ ŋmɛ̀ndì mò ama Lohwɛ̀ mò gbamù nà è jɔ̀kɛ̀.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Hibrù 10:32

Ndi inyɔ e rzi hvoŋga na oma e ma hwɛ o hwèwotèlì ema e ma luwe ŋmàye. O eŋge hvonda tɔ̀ nɛ inyɔ e ma luwe mètàkà me ŋginyà e ma kaka mèèmà.

Hibrù 11:17

Lìlòkɛ̀ ndi lì ma gbeyà Abràhamù à mà ŋgbe e ŋmanà wa eni Irzàkì nàa làhweyà e hvonda ema Lohwɛ̀ à mà kèkirzɛ Abràhamù. Abràhamù ndi à mà hwɛ e mɔ̀ ema Lohwɛ̀ à mà kàkɛ̀nɛ̀ ema hwàanà hwa eni hwa o koka rzayi-rzayi, lìlòkɛ̀ lɔ ndi lì ma gbeyà Abràhamù à mà woŋgirzɛnɛ o lì ŋgbà ehvowa ya eni ya ŋmanà nàa làhweyà.

Hibrù 12:5

È rzi hvoŋga e mbɔrzi ema Lohwɛ̀ à mà gbeyàne o lì ètìrzɛ̀ mèèmà me anyu na oma a me hwɛlɛ nanù ema hwàanà hwa eni. A ma ohwa nanù ema, “È ŋmanà wa ami, Lohwɛ̀ a o lomèlì tɛ o wòhwe ema o gbèyi, o rzi kpa ŋmèma a o lomèlì tɛ.

Hibrù 6:15

Abràhamù à mà ambɛ̀lɛnɛ na lì wɛ̀lìrzɛnɛ, o eŋgànɛ̀lɛ̀ à mà lùwa mamɛ ema Lohwɛ̀ à mà mo kàkɛ̀nɛ.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

Jèmìrzì 5:11

Nà oma e hwi, hwaŋga hwatò ema hwa hwi o lì àjùlɛ̀ irzɔ i hwa hwɛlɛ ndi nanù ema hwa hwèlì ndi hwatò ema hwa nàmìrzɛ̀hwɛ̀yi. Inyɔ e ma hweyà lì hvomɛ̀nɛ̀ lì àjùlɛ̀ la ama Jɔ̀bi e hvonda ema à mà luwe mètàkà, ndèŋgànɛ̀lɛ̀ e ma ɛnɛ nàa oma Lohwɛ̀ à mà mo gbèeyà gbaamù o lìrzùkù. È Rzàŋgo e ohvi ŋmèma mo gbamù ndèŋgànɛlɛ e ondi na ììlì.

1 Pètrò 3:14

Ndi tɔ̀ e hwɛ ndi nanù ema inyɔ e tàki tɛ ehwànja e gbèyi mamɛ ema e hvomɛ̀nɛ̀, nanù oma Lohwɛ̀ a e nàmìrzɛ̀. È rzi oka tɔ̀ mòtò wɔ̀ŋgɔ̀ ndèŋgànɛ̀lɛ̀ e rzi aahwɛ.

1 Pètrò 4:13

Ndi e hwɛni lì oka mɔ̀nyɛ̀ŋgì, nanù ema e tàka ndi nyayi hvɔ̀kɔ na oma Krirztò mɔ̀ hvɛ à mà tàke, aŋga nanù inyɔ e onda na màlìŋgo e hvonda ema Lohwɛ̀ a o wuluhwɛ èluhwe ya ama Krirztò.

1 Pètrò 4:14

È hwèlì tɛ nanù ema hwatò hwa e hwɛ̀nyɛ̀, ehwànja e hwèlì ndi hwatò ema e oŋgama Krirztò, nanù oma e lɔ̀yìrzɛ̀yi, ehwànja ŋmàye mo Èlìŋgɛ̀ ya ama Lohwɛ̀ mo hwèlì na inyɔ.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

1 Yòwanìrzɛ̀ 4:19

Irzɔ jò uŋmɛ̀lɛ̀ hwatò è ndìŋgɛ, ehwànja Lohwɛ̀ à mà lòma lì jò uŋmɛ̀lɛ̀ è ndìŋgɛ yà eni.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 3:19

Nà kanja na lì kɔ̀kìrzɛ̀ hwaŋga ema na lìŋgàni. O eŋgànɛlɛ rzɔ̀ e hwɛnɛ e nyɔ̀ŋgi o lì ayèŋgowɛ̀ o wòhwe wo anyu.

Hwèwulùwèlì 3:21

Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.