Jèmìrzì 1:10 - Mokpwe: Bakwery (New Testament)

¹⁰ Mòtò wa ama Krirztò ema a hwɛni wòlìto ò worzo wo hwahvɛhvɛ hwatò, a hwɛni lì lìŋga e hwèlì tɛ ema Lohwɛ̀ a mo rzìhwirzɛ. Nà ohwa ndi nanù ehwànja mɔ̀ à hwɛni lì kuwa ndi nàa mbonji ya hwèwùlè ema e hwèlì o wàŋga.

Jèmìrzì 1:10 Mawu Ofanana

Matiyò 5:3

“Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Matiyò 6:30

Lohwɛ̀ à wɔ̀tìrzɛ̀ tɛ hwèwùle hwe lìkòmbà là wàŋgà ema hwe hwèlì anù yàwònò rzìi ŋmɛ̀lɛ̀ hwe àŋgbahwa ò mùnya. Mɔ̀ à rza tànɛyi lì è wɔ̀tìrzɛ̀ lì akà hwèwùle e? Mamɛ ndeŋgàtɛ màlòkɛ̀ mà anyù mà utu e?”

1 Kɔ̀rintìyà 7:31

Hwatò ema hwa gbeyàna hwèèmà hwe ene rze ya mɔ̀nyɛ̀, wɔ̀ hwa rza ika mèèmà me awu aŋga. Èhwanja na oma ene rze e hwèlì nanù, e rza inda tii.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,

1 Tìmotì 6:17

O kòkòwɛ̀lɛ̀ hwaŋga hwatò ema hwa nàmì kɔ̀yi-kɔ̀yi nanù ema hwa rzi a ekirzɛ o lì kumba ìŋgèŋgè, ndèŋgàna hwa rzi ika mèèmà me awu o mònàmɛ̀ mo awu ema mo kuwa, ndi hwa ika ndi mèèmà me awu o ma Lohwɛ̀. Mɔ̀ ndi à hwèlì e mɔ̀ ema a jo ŋgba hwèèmà hwe arzɛ ema ja arza aŋga nanù jo òka mɔ̀nyɛ̀ŋgì.

Jèmìrzì 4:14

Inyɔ e rza hwi tɔ̀ nɛ ema lòŋgɛ la anyu la ŋmɛlɛ ema wo o jɛɛ lì o hwɛ̀ɛ. Mòŋgɛ ma anyu ma gbèyi ndi nàa lìmbàki ema lì ɛneyà o ŋmanà hvoka wa hvondà rzìi lì nyɔ̀ŋgɔ.

1 Pètrò 1:24

Nà oma e tìlahwì o e kààtì ya ama Lohwà nanù ema, “Hwàto hwa arzɛ hwa hwèlì ndi nàa hwèwùle, ndèŋgànɛ̀lɛ̀ mòlòŋgà mo awu ma arzɛ mo gbèyi ndi nàa imbonji ja wàŋga. Hwèwùle hwe ŋwa ndèŋganɛlɛ imbonji i unda o rze.

1 Yòwanìrzɛ̀ 2:17

Ène rze na tɔ̀ mamɛ ema e hwèlì o tenì ema hwatò hwa ohvi e nyɔ̀ŋgi o lì luwa ya aka lì aka, ndi tɔ̀ njɛnɛ ema a gbeyà lì emeyà la ama Lohwɛ̀, a o hwɛ o lòŋgɛ na Lohwɛ̀ natɛ̀ɛ na o gbìndèyà.