Jèmìrzì 1:1 - Mokpwe: Bakwery (New Testament)

¹ Imba Jèmìrzì e mògbèèlì wa ama Lohwɛ̀ na Rzàŋgo Yerzù Krirztò ndi na tilì ene kààtì. Nà e kɔ̀mi inyɔ hwa arzɛ lìyomɛ la matumba na mahwakɛ ma wonyà Irzàyɛ̀lì ema e bùhwèlì o e rze ya mɔ̀nyɛ̀ ya arzɛ.

Jèmìrzì 1:1 Mawu Ofanana

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Matiyò 13:55

“Rzeke mɔ̀ à hwèlì ndì e ŋmanà wa ama e kaminda e? Rzeke Màlìyɛ̀ ndì a hwèlì e nyàŋgò ya eni e? Rzeke Jèmìrzì, Jòrzɛ̀hvù, Rzimɔ̀ni na Jùdàrzì hwa hwèlì ndì wònyànyàŋgò hwa enì e?

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Makòrzì 3:18

Àndèlè, Hvìlìpì, Bàtòlomìyò, Màtìyò, Tɔ̀màrzì, Jèmìrzì è ŋmanà wà àma Alìhvɔ̀rzì, Tàdìyòrzɛ̀, Rzìmɔ̀nì mòtò ema lì emeyà la eni lì rza àyèŋgòwɛ̀,

Lukàrzɛ̀ 22:30

Ène e gbeyà è hwɛnì lì làa nà lì nyɔ nà ìmba èki yɔ̀kɔ ò lìkànèyà la amì. È ò lìya hvɛ ò mbòkò ja màkànèyà ò lì kàyìrzɛ̀ lìyòmɛ̀ la matumba nà mahwàkɛ ma wònyà Irzàyɛ̀lì.

Lukàrzɛ̀ 6:15

Matìyò, Tɔ̀marzì, Jèmìrzì, è ŋmanà wà ama Alhvàyèyùrzì, Rzìmɔ̀nì mòtò ema lì emèyà la eni lì rza àyèŋgòwɛ̀,

Yòwanìrzɛ̀ 12:26

Tɔ̀ ima mòtò ema à nò gbèeyà à àŋgàmɛ̀nɛ̀yi lì hwɛ è mògbèèlì wà ami. Tɔ̀ ima èki ema nà hwèlì è mògbèèlì wa ami mɔ̀ hvɛ à àŋgàmɛ̀nɛ̀yi lì hwɛ aŋga. Tɔ̀ ima mɔ̀ ema à nò gbèèlì, Tatɛ̀ wa ami à mò ŋgbà èluhwe.

Yòwanìrzɛ̀ 7:35

Èŋge eyà è mà gbeyà hwatimbelì hwa wònyà Yudà hwa ijòwànɛ̀ mɔ̀kɔ nà ɔ̀nɛyi nanù ema, “One ònò mòtò à arza lì ɛndɛ ema irzɔ ì rza ò tànɛyi lì mò ɛnɛ e? À arza ndi lì ɛndɛ ò èkòmè yà Grìki ema hwatò hwa arzu hwa hwèlì e? Ò lì òkòlɛ hwatò hwa Grìki e?

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Hwègbèèlì 12:17

Pètrò a hvɛ̀tɛ̀lɛ̀ lìya la eni lì hwa uŋmɛ̀lɛ̀ nanù ema hwa lìya ŋmɛ̀ɛ, rzìi a hwa òhweyà nɛ Rzàŋgò a mò timbi ò lì anjiya ò hwèwòwà. A hwa òhweyà nanù ema, “È òhweyà Jèmìrzì nà hwanɛ̀yi hwatò ema hwa lòkɛ̀ Krirztò mamɛ ema e ma gbèyɛ̀nɛ.” Rzìi à hwa hwɛmɛ, a ɛ̀ndɛ ò èhvɛhvɛ èki.

Hwègbèèlì 15:13

Lirzakò ema hwà mà kulɛ lì òhwa, Jèmìrzì rzìi a òhwa nanù ema, “Wònyànyàŋgò hwa ami e nò òkànèyà tɛ!

Hwègbèèlì 15:21

Irzɔ i hwi nanù ema natɛ̀ɛ na e hvònda kòhwa imbenda ja ama Mòrzè i ma làŋgàhwa ò ndawò ya màkanɛ̀ ya wònyà Yudà ò tɔ̀ ima Wùnyà wò lì Arzìyòlɛ̀. Ndeŋgana eŋge mbɔrzi e ma òhwahwa ò tenì ya mambòwà mà ndɛnɛ ma arzɛ.”

Hwègbèèlì 15:23

È kààtì ema hwà mà hwa òmane ò Antìyɔ̀kì e ma òhwa nanù ema, “Irzɔ I àpɔ̀rzìtòlò, na hwàtimbèlì hwa ŋmèmba, ema i hwèlì wònyànyàŋgò hwa anyu jò e òmelì inyɔ wònyànyàŋgò hwa arzu hwa arzɛ ema e rza enje wònyà Yudà iikɔ̀mi. Inyɔ ema e lìya ò mbòwà ndɛnɛ ya Antìyɔ̀kì ò erzòòkà ya Rzìrìyà na Rzìlirzìyà.

Hwègbèèlì 2:5

O eŋge hvònda, wònyà Yudà ema hwà mà hwɛ lì kanɛ̀ Lohwɛ̀ hwà mà hwɛ ò Jèrurzalɛ̀mù. Hwanu hwatò hwà mà uwɛ̀lɛ̀lɛ̀yi hwehvɛhvɛ hweki ò e rze yà mɔ̀nyɛ̀.

Hwègbèèlì 21:18

O wònɛyi wùnyà Pàwolò à mà ɛndɛ na irzɔ ò lì ɛnɛ Jèmìrzì. Hwàtimbèlì hwa arzɛ hwà mitèlì, hwà mà ukeya aŋga.

Hwègbèèlì 23:26

“Imba Klàwùdìyùrzì Lìrzìyàrzì ndi na ò tilelì ini itita ò wa Hvɛlìkrzi e mòkànèlì wa èluhwe ndɛnɛ. Nà ò kɔ̀mi.

Hwègbèèlì 26:7

Ène eyà ndi lìyòmɛ̀ la matumba nà mà hwàkɛ ma arzu ma mà àhvìtɛ̀ nanù ema mà luwa na òma hwa kànɛ Lohwɛ̀ ŋmerze na wuu. Ìi Kiŋgɛ kòkò, ndi lìni lì àhvìtɛ̀ lɔ̀ ndi lì gbèyi ema hwatò hwa wònyà Yudà hwa òhwa hweyà hwe wòhwe ò lì nò teŋgɛ̀nɛ̀.

Hwègbèèlì 8:1

Rzàwòlò à mà ukeya ndèŋgànɛ̀lɛ̀ mɔ̀ à mà emeyà nanù ema hwa òŋwe Rzìtehvànɛ. O wòŋgò wùnyà mɛnɛ ŋmèmba mò Jèrurzalɛ̀mù me ma tàkìrzɛ̀hwɛ ŋginyà ò màà mà wònyà Yudà. Hwàlòkèlì hwa arzɛ hwà mà kuwa lì wuhweyà ò hwèrzòòkà hwe arzɛ hwe Jùdeyà na Rzàmàrìyà. Ndi I àpɔ̀rzìtòlò mɛnɛ ndi i ma lìiya.

Ròmànì 1:1

Imba, Pàwolò, e mògbèèlì wa ama Yerzù Krirztò, imba ndi na tìlì ene kààti. Lohwɛ̀ à mà nò hvɔ̀rzɔ̀ ò lì hwɛ e àpɔ̀rzìtòlò ya eni ndèŋgànɛlɛ à mà nò ŋgbàà èwòlò ò lì òhwa Ŋmɛ̀ndì mò eni mò Gbamù.

Gàletìyà 1:19

Nà rzi ɛnɛ hvɛ tɔ̀ ehvɛhvɛ àpɔ̀rzìtòlò lì aka tɛ Jèmìrzì, e Rzàŋgo Yerzù ŋmanyàŋgò wa eni.

Gàletìyà 2:12

Nà oma mɔ̀ à mà lòme lì uka aŋga, à mà nyàmɛ̀lɛ ò lì làa nà hwatò ema hwa rza enje wònyà Yudà. Ndi nà oma loŋgo là hwatò hwa wònyà Yudà ema hwa mà uwɛ̀lɛ̀lɛ̀yi ò mà Jèmìrzì ò Jèrurzalɛ̀mù rzi hwa jà ò Antìyɔ̀kì, à mà wòteyà lì timbeya ò mburza. A rzi hwɛ hvɛ lì làa nà hwaŋga hwatò ema hwa rza enje wònyà Yudà. Mɔ̀ à mà hwɛ lì gbèeyà nanù èhwanja à mà hwɛ lì oka hwatò ema hwa mà hwɛ lì ohwa nanù ema hwa hwɛni lì enda hwatò ema hwa rza enje wònyà Yudà wɔ̀ŋgɔ̀.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

2 Tìmotì 4:21

Taka ò lì no jèeyà ndèŋgàna e hvonda ya yùlùlì ndɛnɛ ye e jà. Yubulurzi, Pùdɛ̀nrzì, Làyìnùrzì, Klàwùdìyà na hwanɛyi wònyanyàŋgò hwa arzu hwa arzɛ hwa hwàlòkèlì hwa e kɔ̀mi.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

1 Pètrò 1:1

Imba Pètro ema na hwèlì e àpɔ̀rzìtòlò ya ama Yerzù Krirztò ndi na tilì ene kààti. Nà e tìleya ndi hwatò hwa ama Lohwɛ̀ ema hwa hvɔ̀rzɔ̀hwì, ema hwà mà wuhweyà ndèŋgànɛ̀lɛ̀ hwa hwèlì ndi nàa hwàyɛ̀nì o hwèrzòòkà hwe Pòntìyùrzì, Gàlerzìyà, Kapadorzìyà, Èrzìyà na Bìtìnìyà.

2 Pètrò 1:1

Imba Rzimɔ̀ni Pètro ema nà hwèlì è mògbèèlì nà è àpɔ̀rzìtòlò yà ama Yerzù Krirztò, nà è tìleyà ndi inyɔ hwatò ema è lòkɛ̀ Yerzù Krirztò nyayi hvɔ̀kɔ hvɛ nà oma irzɔ hvɛ ì mò lòkɛ̀. Yerzù Krirztò ndi à hwèlì Lòohwà nà Mòrzùŋgèlì hwa arzu. Mɔ̀ à tɛ̀mì ehve-ehve. Ndeŋgànɛ̀lɛ̀ mɔ̀ ndi à gbèyi ndèŋgànà irzɔ hwa arzɛ jè è mò lòkɛ̀.

Judɛ 1:1

Imba Judɛ, nà hwèlì ndi Jèmirzi ŋmanyàŋgò wà eni, nà è mògbèèlì wà ama Yerzù Krirztò. Imba ndi nà è tìleyà ene kààti inyɔ ema Lohwɛ̀ à hvɔ̀rzì. È hwɛni lì hwiyà nanù ema Tatɛ̀ Lohwɛ̀ à è lìŋgàni, ndèŋgànɛlɛ Yerzù Krirztò à hwèlì à è ɔ̀ŋgeyà.

Hwèwulùwèlì 7:4

Rzìi na hweyà mɔ̀rzɔ̀ŋgi mo hwatò ema hwa kukɛhwɛyi hwèembànèlì o imbɔ̀mbɔ̀ ja awu. Mɔ̀rzɔ̀ŋgi mo ma hwɛ ndi egbe yɔ̀kɔ na mènìmenì me hwekolì hwe hwatò. Moŋgo mɔ̀rzɔ̀ŋgi mo ma uwɛ̀lɛ̀lɛ̀yi ndi o ìtììtènì ja lìyome la matumba na mahwakɛ ma èkomè ya Irzàyɛ̀lì.