Hwèwulùwèlì 9:4 - Mokpwe: Bakwery (New Testament)

⁴ Hwà mà ohweyà megbambembe nanù ema hwa rzi keka lì hvàŋga hwèwùlè, hweyàlì na mayi. Ndi hwà mà hwa ohweyà nanù ema, hwa hvàŋge ndi hwatò ema hwa rza kukɛhwɛ eembànelì ya ama Lohwɛ̀ o imbɔ̀mbɔ ja awu.

Hwèwulùwèlì 9:4 Mawu Ofanana

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.

Hwèwulùwèlì 14:1

Nà ma ɔ̀ŋgɔ rzìi na ɛnɛ è Ŋguma yà Mɔ̀lɛ̀ŋgù e tɛmi o Hvàko ema e hwɛ̀lɛ̀hwɛ̀ Rzàyɔ̀nì. Mɔ̀rzɔ̀ŋgi mo hwatò ema mo ma hwɛ na mɔ̀ mo ma hwɛ egbe yɔ̀kɔ na mènìmènì me hwekolì, ema hwà mà ohva lìinà la eni na lìinà la ama e Tatɛ̀ wa eni o imbɔ̀mbɔ̀ ja awu.

Hwèwulùwèlì 6:6

Nà ma hweyà mamɛ ema e ma hweyɛnɛ nàa lìlo ema lì ma uwɛ̀lɛ̀lɛ̀yi o ìtììtènì ja hweŋge hwèembè hwe aniyɛ hwe ohwa nanù ema, “Lìkayi lɔ̀kɔ la mbàrzi mɛnɛ o etaŋgi ya èwòlò ya eyu yɔ̀kɔ, ndèŋgànɛ̀lɛ̀ màkayi mayawo ma kondi ya balì ema e rza andahwɛ na wolì ema wo lìtelì, o etàŋgì ya èwòlò ya eyu yɔ̀kɔ. Ndi inyɛ tɔ̀ mòtò a rzi hvàŋga màwuja na mìimba.”

Hwèwulùwèlì 7:1

O mburzà ya hwenè hweyà, rzìi na ɛnɛ aŋgèlì inɛyi ema i ma tɛ̀mɛ̀ o màrzuku mààniyɛ ma e rze. Wɔ̀ hwà mà keka marzuku mààniyɛ ma e rze ya mɔ̀nyɛ̀ ema e mbɛ̀hvɛ̀nì e akeyà aŋga nanù e mbɛ̀hvɛ̀nì e rza akeyà e rze ya mɔ̀nyɛ̀, tɔ̀ o tenì ya ŋmànja, tɔ̀ o lì teŋgɛ̀nɛ̀ gbèe.

Hwèwulùwèlì 8:7

È aŋgèlì yà wòrzo e ma toŋga lìyɔ̀mi la eni. Aŋga ndi e mbuwà ya màŋyàyi na mùùnya emà ma mà hviyànɛlɛhwɛ na màyija mà ma wòteyà o lì komeya o rze yà mɔ̀nyɛ̀. Lòŋgo lɔ̀kɔ o tenì ya moŋgo mayàwò ma e rze ya mɔ̀nyɛ̀ lì ma rzeeya la arzɛ. Lòŋgo lɔ̀kɔ o tenì ya moŋgo mayàwo ma mayi na hweyàlì hwe arzɛ hwe ma rzèèya.