Hwèwulùwèlì 9:21 - Mokpwe: Bakwery (New Testament)

²¹ Hwanu hwatò hwa rzi ayèŋgowɛ̀ ò wòhwe wo awu. Hwa rzi hwɛmi lì oŋwa la hwatò, hwa rzi hwɛmi o lì aŋgba la màaŋga, hwa rzi hwɛmi lòŋgɛ la morzonje ndèŋgànɛ̀lɛ̀ hwa rzi hwɛmi lì ihwa.

Hwèwulùwèlì 9:21 Mawu Ofanana

Matiyò 15:19

O ŋmèma mò eni ɔ̀ndi màlùtèyà ma wòhwe ema mà mò lìyɛ̀lɛ̀ ò lì òŋwa, lì gbeyà mòrzònje mò ndawò ya lìhwa, na lì gbeyà hvɛ la hwehvɛhvɛ hweyà hwe hwèŋgòmba. Manù màlùtèyà hvɛ ndi ma gbeyà a ihwa, ò lì tɛ̀mɛ̀ mbòŋgi ja mòlàŋgà na lì indà hwahvɛhvɛ hwatò.

2 Kɔ̀rintìyà 12:21

Nà oka wɔ̀ŋgɔ̀ hvɛ nanù ema na e jɛlɛlɛ hvɛ tɛ, Lohwɛ̀ a o no enyìrzɛ̀ o worzo hwa anyu. Ndèŋgànɛ̀lɛ̀ na o hwɛ rzɔ̀lùu èhwanja rzayì-rzayì ja hwatò ò ìtììtènì ja anyu hwa lìmelì ndi o lì gbeyà hweyà hwe wòhwe ema hwà mà hwɛ lì gbeyà o mòlòmɛ̀ e rzi hwɛ lì atìkòwɛ̀ o lì gbeyà mamɛ ema Lohwɛ̀ a arza. Hwa gbeyà hweyà hwe mbindo, hwa gbeyà hweyà hwe mòrzònje na lì gbeyà hweyà hwe mbindo ema hwe hwa jànà ìrzɔnì.

Gàletìyà 5:20

O lì gbèeyà màhvɛ̀hvɛ̀ mohwà, lìyemba, ɛ̀kɔ̀wù, mòtaŋgo, ìnona, hwètàtò, lì aneya la hwèhvolò, o lì hwɛ la hwehvehva, lì akàhwànɛ̀,

Hwèwulùwèlì 13:13

Ène èembe ema è ùkirzɛ̀ hwehwàkɛ, è mà gbeyà mànyaka màndɛ̀nɛ̀. Ò worzo wò hwatò hwa arzɛ, è mà gbeyà mùnya mò uwɛ̀lɛ̀lɛ̀yì ò ŋmanyu yà lohwà mò undèya è rze yà mɔ̀nyɛ̀.

Hwèwulùwèlì 13:15

Èèmbe ema è ùkirzɛ̀ hwehwàkɛ è mà ŋgbààhwà wònjà ò lì rzìyoweya mùùlù mò lòŋgɛ ò eŋge èrzìrzà yà eŋge èembe yà worzo. È mà gbeyà ndi nanù, aŋga nanù eŋge èrzìrzà è ohwa ndèŋgànɛ̀lɛ̀ è ò oŋwa hwatò hwa arzɛ ema hwa rza èmèlɛ̀ lì è kanɛ̀.

Hwèwulùwèlì 13:7

Lohwɛ̀ è mà ŋgba eŋge èembe è wònjà o lì anana hwatò hwa eni nà ò lì hwa rzùùwanà. À mà ŋgbààhwà wònjà ò lì kànèyà màtumba nà màtumba, hwèkòmè nà hwèkòmè, tɔ̀ ima imbɔrzi nà ì nyàyi nà nyàyi jà hwatò.

Hwèwulùwèlì 14:8

È aŋgèlì ema è mà ùkirzɛ̀ ihwàkɛ, è mà oŋgama è yà worzò rzìi è ohwa nanù ema, “Èŋge Mbowà ndɛ̀ɛ̀ndɛ̀, Babìlɔ̀nì è mà kòna! È mà gbeyà hwatò hwa arzɛ hwa hwèkòmè hwe arzɛ hwe è rze yà mɔ̀nyɛ̀ ò lì nyɔ̀ mììmbà mà eni ema mà eti. Maŋga mìmbà ma mà hwɛ ndi è nyɔ̀ŋgi yà eni ò lì hwɛ è àkpàlà.”

Hwèwulùwèlì 16:6

È mbako ya aŋgɔ e hvomɛ̀nɛ̀ ehwànja, wɔ̀ hwa mà koma màyija ma ama hwatò na hwà-òhwèlì hwa hwèlìŋgɛ̀ hwa aŋgɔ. O eŋgànɛlɛ o ma hwa ŋgba màyija o lì nyɔ. È kɔ̀kìrzɛ̀ ene ema wɔ̀ hwa àŋgàmɛ̀nɛ̀yi lì luwa.”

Hwèwulùwèlì 17:2

Ikìŋgɛ ja arzɛ ja ene rze ima gbeyà mòrzònje na mɔ̀. Hwàto hwa e rze ya mɔ̀nyɛ̀ hwà mà hwɛ lì nyɔ oŋgo molanà mìimbà ma eni natɛ̀ɛ hwa woma, ndèŋgànɛ̀lɛ̀ hwà mà gbeyà mòrzònje na mɔ̀.”

Hwèwulùwèlì 17:4

Oŋgo molanà à mà wɔ̀tɔ̀ lìhwatu là màlenà ema lì ma ohva hvɛ mɔ̀rzɔ̀nɔ̀ ema mo teya. A ma ahwàndɛ e nyo ya eni ya arzɛ na hwema hwe gòòlù, na hwàanà màŋyàyi ma wòlìtò ema mà hvànya, na hwehvɛhvɛ hwema hwe wòlìtò. A ma tɛ̀ɛ̀tɛ̀ɛ lìwonde la gòòlù o lìya la eni ema lì ma onda na hwèèmà hwe ndɔ̀ki na hwema hwe mbindo hwe mòrzònje.

Hwèwulùwèlì 17:5

O ma hwɛ lìna o mbɔ̀mbɔ̀ ya eni ema e ma hwɛ ndi nàa wùndɛ̀ ema tɔ̀ mòtò a rzi hwiyɛ. Lìŋgi lìna lì ma hwɛ ndi, “Bàbìlɔ̀nì, e mbowà ndɛnɛ. È nyàŋgo ya hwalana hwa àkpàlà, na e hwa hwèèmà hwe ndɔ̀ki hwe e rze.”

Hwèwulùwèlì 18:3

Èhwànja hwatò hwa arzɛ hwa hwèkòmè hwe e rze ya mɔ̀nyɛ̀ hwà mà hwɛnɛ e nyɔ̀ŋgì ya lì gbeyà hweyà hwe wòhwe ema à mà hwɛ lì gbeyà ndèŋgànà mɔ̀ à e hwa ŋgba mìimba emà mà hwa womìrzɛ. Ikìŋgɛ ja e rze ya mɔ̀nyɛ̀ i ma gbeyà mòrzònje na mɔ̀. Ndèŋganɛlɛ hwatò hwa rze ema hwa anda na lì àhwirzɛ̀ e nyòŋga, hwà mà tuwa hwèwàŋgì ehwànja hwà mà ohva e nyɔ̀ŋgi ndɛnɛ ya lì gbeyà hweyà hwa eni hwe wòhwe.”

Hwèwulùwèlì 19:2

È mbako ya eni e tɛmi ehve-ehve na e jɔ̀kɛ̀ ehwànja mɔ̀ à mà kɔ̀kìrzɛ̀ e molanà mondɛnɛ wa àkpàlà, ema à mà ìnɛ̀lɛ̀ hwatò hwa arzɛ hwa e rze ya mɔ̀nyɛ̀ o lì gbeye wòhwe lì akeyà na hweyà hwe eni hwe mòrzònje. Lohwɛ̀ à mà mo kɔ̀kìrzɛ̀ ehwànja mɔ̀ à mà oŋwa e mògbèèlì hwa ama Lohwɛ̀.”

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.

Hwèwulùwèlì 9:20

Hwanɛyi hwatò hwà hwènàmà hwa arzɛ ema ini kàndɛ i rzi oŋwɛ, hwa rzi hwɛmɛ o lì kànɛ mòohwà ema wɔ̀ hwiti hwà mà wèkè. Hwa rzi hwɛmɛ o lì gbèeyà hwèlìŋgɛ̀ hwe wòhwe, hwa rzi hwɛmɛ o lì gbèeyà mahvɛhvɛ mohwà, mohwà ema hwà mà wondɛ na gòòlù, na rzìlìhwà, na brɔ̀nrzi tɔ̀ màŋyàyi, tɔ̀ hwèhwàmbo, mohwà ema mà rza tanɛ lì ɛnɛ, ma rza tanɛ lì hweyà na e mɔ̀ ema mà rza tanɛ lì ɛndɛ.