Hwèwulùwèlì 9:2 - Mokpwe: Bakwery (New Testament)

² Ène rzombe e ma lìhvowa e wàna ya eŋge ehvɔ̀ndi ema e rza ohvɛ lìrzùkù. Yùutùtù e ma wurza o tenì ema e ma àyɛ̀kɛ̀nɛ̀ yutùtù ema e uwɛ̀lɛ̀lɛ̀yi o mùnya ema mo ahvi na gbambi. Èŋge yutùtù e ma gbeyà igbèyi ema i ma hwɛ lì hvànya i rzi tanɛyi lì hvànya hvɛ.

Hwèwulùwèlì 9:2 Mawu Ofanana

Hwègbèèlì 2:19

Imba na ò uŋmɛ̀lɛ̀ hweyà hwe mànyakà ò ŋmanyu yà lohwà, ndèŋgànɛ̀lɛ̀ na uŋmɛ̀lɛ̀ hwembànèlì ò rze ya mɔ̀nyɛ̀. Màyìjà mò ò rzòweya, mùnya mò òŋwa na yutùtù hvɛ e wurza.

Hwèwulùwèlì 14:11

Yùùtùtù ema è ò wurza ò mùnya ema mò hwa rzɛ̀lɛ̀, è ò agba ò ŋmanyu natɛ̀ɛ nà ò gbìndèyà. Ò rza ò hwɛ tɔ̀ lìwɔ̀wìrzɛ̀ là nyo ŋmèrze nà wuu ò hwaŋga hwatò ema hwa kanɛ̀ eŋge èembe nà èrzìrzà yà eni. Ndeŋgànɛ̀lɛ̀ nanù ndi è àŋgàmɛ̀nɛ̀yi lì hwɛ nà tɔ̀ ima mòtò ema à ohvi eŋge embànelì ya lìinà la eŋge èembè.”

Hwèwulùwèlì 16:10

È aŋgèlì ema e ma ùkirzɛ̀ ita, e ma koma hwètàtò hwe ndɛnɛ hwe ama Lohwɛ̀ ema e ma hwɛ o tenì ya ewoki ya eni o ŋmanyu ya e konda ya lìkànèyà ya eŋge èembè ema e ma uwɛlɛlɛ o ŋmànja. Jììtìtì rzìi i lìŋga lìkànèyà la eni. Hwàto ema hwà mà hwɛ lì oŋgama eŋge èembè hwà mà wòteyà lì kɔ̀kɔ̀ mehvehve me awu ehwànja o mòrziyò ema hwà mà hweye.

Hwèwulùwèlì 8:12

È aŋgèlì ema e ma ùkirzɛ̀ inɛyi yɔ hvɛ rzìi e tòŋga e la eni lìyɔ̀mi. Aŋga ndi yoma ya àyɛ̀rzɛ̀ɛ lòŋgò lɔ̀kɔ o tenì ya moŋgo mayàwo la igbèyi, ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la ŋmɛ̀ɛlì, ndèŋgànɛ̀lɛ̀ ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la irzombe. Ène eyà e ma gbeyà lòŋgo lɔ̀kɔ o tenì ya moŋgo mayàwo lì ma ayèŋgowɛ̀ jìtìtì, o rzi hwɛ tɔ̀ ŋmàye o tenì ya lòŋgò lɔ̀kɔ o tenì ya moŋgo màyàwo ma wùnyà, ndèŋgànɛ̀lɛ̀ o rzi hwɛ tɔ ŋmàye o tenì ya lòŋgo lɔ̀kɔ o tenì ya moŋgo mayàwo la wuu.

Hwèwulùwèlì 9:1

È aŋgèlì ema e ma ùkirzɛ̀ ita e ma tòŋga lìyɔ̀mi la eni. Rzìi na ɛnɛ rzombe ema e ma akakowɛ o lìwòhwɛ la ŋmanyu rzìi e unda o rze ya mɔ̀nyɛ̀. Ène rzombe e ma ŋgbààhwà ilìhvowàni ja ehvɔ̀ndi ema e rza ohvɛ lìrzùkù.

Hwèwulùwèlì 9:11

È kìŋgɛ ema e hwa kànèyà e hwèlì ndi e aŋgèlì ema e ɔŋgeya eŋge ehvɔ̀ndi ema e rza ohvɛ lìrzùkù. Lìinà la eni o e mbɔrzi ya Hibrù lì hwèlì ndi Abàdɔ̀ni, ndèŋgànɛ̀lɛ̀ o e mbɔrzi ya Grììkì lì hwèlì ndi Apolìyɔ̀ni (jànda i hwèlì ndi nanù ema, mòtò ema a hvaŋga).

Hwèwulùwèlì 9:17

Nànù ndi nà mà ɛnɛ iŋgi wɔ̀rzi na hwatò ema hwa ji lìyayi o ŋmanyu o jɛ̀nɛ̀nì ja ami. Hwàŋga hwatò ema hwà mà ji lìya o ŋmanyu hwà mà wɔ̀tɔ̀ hwɛ̀ɛkɛ̀ ema hwe wɔ̀tɔ̀wɔ̀ o lì iŋga iŋgèŋgè e hvonda ya njuma. Hweŋge hwɛ̀ɛkɛ̀, hwe ma teeya ndi nàa mùnya, ndèŋgànɛ̀lɛ̀ hwe ma ohva mɔ̀rzɔ̀nɔ̀ nàa ndùtù, hwe ma ohva mɔ̀rzɔ̀nɔ̀ nàa mbòo. Meyohvo me iŋgi wɔ̀rzi, me ma hwɛ ndi nàa meyohvo me njila, mùnya, yutùtù na mùnya ema mo hwɛni mɔ̀rzɔ̀nɔ̀ nàa mbòo mo ma hwɛ lì wurza o iwàna ja awu.