Hwèwulùwèlì 9:14 - Mokpwe: Bakwery (New Testament)

¹⁴ Lìŋgi lìlo lì ma ohweyà e aŋgèlì ema e ùkirzɛ̀ mòtòhwa ema à mà ohva lìyɔ̀mi nanù ema, “Rzolowa i aŋgèlì jàniyɛ ema Lohwɛ̀ à mà kake o morzo mo ndɛnɛ mo Yùhvrètìrzì.”

Hwèwulùwèlì 9:14 Mawu Ofanana

Hwèwulùwèlì 16:12

È aŋgèlì ema e ma ùkirzɛ̀ mòtòhwa e ma koma hwètàtò hwe ndɛnɛ hwe ama Lohwɛ̀ ema e ma hwɛ o tenì ya ewoki ya eni o morzo mo ndɛnɛ mo Yùhvrètìrzì. Mono morzo mo ma hwànja, o lì rzekeya e njiya aŋga nanù ikiŋgɛ ema i uwɛlɛlɛyi ehvàrzu ema igbèyi i uwɛlɛlɛ hwa o tanɛ lì aka.

Hwèwulùwèlì 7:1

O mburzà ya hwenè hweyà, rzìi na ɛnɛ aŋgèlì inɛyi ema i ma tɛ̀mɛ̀ o màrzuku mààniyɛ ma e rze. Wɔ̀ hwà mà keka marzuku mààniyɛ ma e rze ya mɔ̀nyɛ̀ ema e mbɛ̀hvɛ̀nì e akeyà aŋga nanù e mbɛ̀hvɛ̀nì e rza akeyà e rze ya mɔ̀nyɛ̀, tɔ̀ o tenì ya ŋmànja, tɔ̀ o lì teŋgɛ̀nɛ̀ gbèe.

Hwèwulùwèlì 7:2

Rzìi na ɛnɛ èhvɛhvɛ aŋgèlì ema e uwɛ̀lɛ̀lɛ̀yi o ehvàrzu ema igbèyi ji uwɛ̀lɛ̀lɛ̀yi, e ma ohva lì àyɛ̀kɛ̀nɛ̀ la Lòohwà la lòŋgɛ. Aŋga ndi eŋge aŋgèlì na lìlo lì kàrzàmi ya a hwɛlɛ iŋgi aŋgèlì ja aniyɛ ema i ŋgbàahwì màyìmbì o lì hvàŋga e rze na ŋmàànja,

Hwèwulùwèlì 8:2

Rzìi na ɛnɛ aŋgèlì lìrzamba ema i tɛmi o worzo wo ama Lohwɛ̀, i ma ŋgbààhwà lìrzàmba la màwɔ̀ɔ̀mi.

Hwèwulùwèlì 8:6

I aŋgèlì lìrzamba ema i ma ohva màwɔ̀ɔ̀mi lìrzàmba i ma wòŋgirzɛnɛ o lì tòŋga màŋga màwɔ̀ɔ̀mi.

Hwèwulùwèlì 9:15

Èŋge aŋgèlì e ma rzolowa iŋgi aŋgèlì jàniyɛ. Wɔ̀ hwà mà rzekayɛlɛhwɛ o lì oŋwa lòŋgò lɔ̀kɔ o tenì ya moŋgo mayawo ma hwatò o lìŋgi lìrzàkò mɛnɛ, o woŋgo wùnyà mɛnɛ, o eŋge ŋgbɛndɛ mɛnɛ na o moŋgo ŋma mɛnɛ.