Hwèwulùwèlì 8:2 - Mokpwe: Bakwery (New Testament)

² Rzìi na ɛnɛ aŋgèlì lìrzamba ema i tɛmi o worzo wo ama Lohwɛ̀, i ma ŋgbààhwà lìrzàmba la màwɔ̀ɔ̀mi.

Hwèwulùwèlì 8:2 Mawu Ofanana

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Matiyò 24:31

Lìyɔ̀mi lì ndɛnɛ lì ò tòŋga, ndèŋgànà mɔ̀ à ò òma i aŋgèlì ja eni ò marzuku ma aniyɛ ma ene rze ò lì rzàŋga hwatò hwa eni ema Lohwɛ̀ à mà hvɔ̀rzɛ̀ lì wòteyà njuka hvɔ̀kɔ na enɛyi ja ene rze ya arzɛ.”

Lukàrzɛ̀ 1:19

È aŋgèlì è mà mò alàhwɛ̀ nanù ema, “Ìmba ndi nà hwèlì Gàbìleyà, e rzùhwɛlɛ ema e gbèeyà Lohwɛ̀. Mɔ̀ ndi à nò òmi ò lì ò hwilɛ̀ ene eyà ya gbamù.

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

1 Kɔ̀rintìyà 15:52

o ŋmanà hvoka hvonda. Hwenè hwe tikowelì hwe o hvinjɛlɛ ndi nàa ehvohvo ya lìrzɔ. Ène eyà e o gbèyɛ̀nɛ e hvonda ema lìyɔ̀mi la lìrzùkù lì o tòŋgahwɛ̀ɛ. Liyɔmi lì tòŋgahwi tɛ hwaŋga hwatò ema hwà mà ŋwɛɛ hwa o hvùmùwà, hwa rza o ŋwa hvɛ, rzìi oma Lohwɛ̀ à mà jo tikowa irzɔ hwa arzɛ.

1 Tɛ̀rzàlonìyà 4:16

Rzàŋgo Yerzù mɔ̀ ŋmìti à ò rzihwa o ŋmanyu yà lohwà ndèŋganɛlɛ hwatò hwa o hweyà mòrzeyà mo ndɛnɛ, ndèŋgànɛ̀lɛ̀ hwatò hwa o hweyà na oma e aŋgèlì ema e kànèyà e ohwa na lìlo lì kàrzàmi, ndèŋgànɛ̀lɛ̀ hwatò hwa o hweyà na oma e aŋgèlì e o tòŋgɛ lìyɔ̀mi la ama Lohwɛ̀. Rzìi eyà ya worzo e o hwɛ ndi nanù ema hwaŋga hwàlòkèlì hwa ama Krirztò ema hwà mà ŋwɛɛ hwa o hvùmùwà.

Hwèwulùwèlì 1:4

Imba Yòwanìrzɛ̀, nà tìlèlì mììtèlì lìrzàmba ema mè hwèlì ò erzòòkà yà Èrzìyà. Inyɛ̀ è ndèli nà ɛ̀yɔ̀lɛ̀ yà ama Lohwɛ̀, è hwɛ nà inyɔ. Lohwɛ̀ ema à hwèlì, ema à mà hwɛ, nà è mɔ̀ ema à ò hwɛ̀ɛ̀, ndèŋgànɛ̀lɛ̀ hwèlìŋgɛ̀ lìrzàmba hwa è omèlì è ndèli nà ɛ̀yɔ̀lɛ̀. Hweŋge hwèlìŋgɛ̀ hwe hwèlì ò worzo wò è konda yà lìkànèyà yà è ŋmanyu yà lohwà.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 15:1

Nà ma ɛnɛ o ŋmanyu yà lohwà ehvɛhvɛ embànelì ndɛnɛ ndèŋgànɛ̀lɛ̀ nà mà tàmà. Nà ma ɛnɛ aŋgèlì lìrzamba ema i ma ohva lìrzamba la kàndɛ ja lìrzùkù. Ini kàndɛ i ma hwɛ e jà lìrzùkù ehwànja jɔ ndi jo ondìrzɛ̀ hwètàtò hwe ama Lohwɛ̀.

Hwèwulùwèlì 16:1

Nà ma hweyà hvɛ lìlo lì kàrzàmi lì uwɛ̀lɛ̀lɛ̀yi o e Ndawò ya Lohwà lì ma ohwàna i aŋgèlì lìrzàmba nanù ema, “È ɛ̀ndɛ, e kome hwetàtò hwe ndɛnɛ hwe ama Lohwɛ̀ ema hwe hwèlì o tenì ya hwewoki lìrzamba, o rze ya mɔ̀nyɛ̀.”

Hwèwulùwèlì 8:13

Nà ma ɔ̀ŋgɔ, rzìi na ɛnɛ mbèŋgà ema e koohwa hvoo o ŋmanyu yà lìwòhwɛ̀ là ŋmanyu, rzìi eŋge mbèŋgà e ohwa na lìlo lì kàrzami nanù ema, “Mojema! Mojema! Mojema, mo o hwɛ na hwatò hwa arzɛ ema hwa lìya o rze ya mɔ̀nyɛ̀, o e hvonda ema inɛyi aŋgèlì jàyɛ jo o tòŋgɛ̀ màwɔ̀mi ma awu.”

Hwèwulùwèlì 8:6

I aŋgèlì lìrzamba ema i ma ohva màwɔ̀ɔ̀mi lìrzàmba i ma wòŋgirzɛnɛ o lì tòŋga màŋga màwɔ̀ɔ̀mi.

Hwèwulùwèlì 9:1

È aŋgèlì ema e ma ùkirzɛ̀ ita e ma tòŋga lìyɔ̀mi la eni. Rzìi na ɛnɛ rzombe ema e ma akakowɛ o lìwòhwɛ la ŋmanyu rzìi e unda o rze ya mɔ̀nyɛ̀. Ène rzombe e ma ŋgbààhwà ilìhvowàni ja ehvɔ̀ndi ema e rza ohvɛ lìrzùkù.