Hwèwulùwèlì 8:12 - Mokpwe: Bakwery (New Testament)

¹² È aŋgèlì ema e ma ùkirzɛ̀ inɛyi yɔ hvɛ rzìi e tòŋga e la eni lìyɔ̀mi. Aŋga ndi yoma ya àyɛ̀rzɛ̀ɛ lòŋgò lɔ̀kɔ o tenì ya moŋgo mayàwo la igbèyi, ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la ŋmɛ̀ɛlì, ndèŋgànɛ̀lɛ̀ ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la irzombe. Ène eyà e ma gbeyà lòŋgo lɔ̀kɔ o tenì ya moŋgo mayàwo lì ma ayèŋgowɛ̀ jìtìtì, o rzi hwɛ tɔ̀ ŋmàye o tenì ya lòŋgò lɔ̀kɔ o tenì ya moŋgo màyàwo ma wùnyà, ndèŋgànɛ̀lɛ̀ o rzi hwɛ tɔ ŋmàye o tenì ya lòŋgo lɔ̀kɔ o tenì ya moŋgo mayàwo la wuu.

Hwèwulùwèlì 8:12 Mawu Ofanana

Matiyò 24:29

“Hweŋge hwèyu hwe mawɔ̀ŋgɔ̀ hwe aka tɛ, i gbèyi jò ò ayèŋgòwɛ̀ jìtìtì, ŋmɛ̀ɛlì hvɛ mò rza ò uŋmɛ̀lɛ ŋmàye mò eni, i rzòmbe ja arzɛ jò ò unda lì anjiya ò ŋmanyu yà lohwà ndèŋgànà i ŋginyà ja arzɛ ja ŋmanyu jò ò kùwa lì nyiŋga.

Matiyò 27:45

O lìrzàkò la kɔ̀rzì ya ŋmèrze rzìi jììtìtì i lìŋga èki ya arzɛ natɛ̀ɛ lì uka ŋgɛ̀ŋgi iyàwò.

Makòrzì 13:24

“Ndi ò mèŋge mèenyà e hvònda e ndùtù e ma aka tɛ ‘Igbe ì tìmbà jìtìtì, ŋmɛ̀ɛlì hvɛ mò rza uŋmɛ̀lɛ̀ ŋmàye mò eni,

Makòrzì 15:33

O lìrzàkò la kɔ̀rzì ya ŋmèrze rzìi jììtìtì i lìŋga èki ya arzɛ natɛ̀ɛ lì uka ŋgɛ̀ŋgi iyàwò.

Lukàrzɛ̀ 21:25

“O ò hwɛ hwèmɛ̀nɛ̀nì ò ìgbe, ŋmɛ̀ɛlì nà ìrzòmbe. O ò hwɛ lìtàke lì ndɛnɛ̀ nà hwètamirzelì, ò hwèkòmè hwe àrzɛ hwe ène rze. Hwèhvùŋgùwèlì hwe hwèmùnɛ̀ nà hweèhwe hwe ŋmanjà hwe ò hwa òkirzɛ wɔ̀ŋgɔ̀.

Hwègbèèlì 2:20

Igbèyi jò ò timba jìtìtì, ŋmɛ̀ɛlì hvɛ mò ayeŋgòwɛ̀ teeyi nàa màyija. Hwene hweyà hwe arzɛ hwe ò gbèyɛ̀nɛ ndèŋgànà hwejèelì hwe Wùnyà wò ndɛnɛ na èluhwe ya ama Rzàŋgò hwe ò jɛ̀ɛ̀.

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

Hwèwulùwèlì 12:4

A ma lùùtà lòŋgò lɔ̀kɔ la moŋgo màyàwo la irzombe ema i ma kɛ̀ɛ̀mɛ o ŋmanyu ya lìwòhwɛ la ŋmanyu na moondo mo eni, a ji undirzɛ o rze ya mɔ̀nyɛ̀. Èŋge dragɔ̀ni e ma tɛ̀mɛ̀ o worzo wo ama oŋgo molàna ema à mà arza lì ŋyàa, àŋga nanù a ŋyàa tɛ a mo laana e ŋmanà wa eni.

Hwèwulùwèlì 16:10

È aŋgèlì ema e ma ùkirzɛ̀ ita, e ma koma hwètàtò hwe ndɛnɛ hwe ama Lohwɛ̀ ema e ma hwɛ o tenì ya ewoki ya eni o ŋmanyu ya e konda ya lìkànèyà ya eŋge èembè ema e ma uwɛlɛlɛ o ŋmànja. Jììtìtì rzìi i lìŋga lìkànèyà la eni. Hwàto ema hwà mà hwɛ lì oŋgama eŋge èembè hwà mà wòteyà lì kɔ̀kɔ̀ mehvehve me awu ehwànja o mòrziyò ema hwà mà hweye.

Hwèwulùwèlì 6:12

Eŋge Ŋguma ya Mɔlɛ̀ŋgù rzìi e rzolowa mòjèkà ema mo ma ùkirzɛ̀ mòtohwa. O ma hwɛ mònyìŋgìrzɛ̀nɛ̀ mo ndɛnɛ. Igbèe i ma àyèŋgòwɛ̀ jùùjùù rzayi-rzayi, ŋmɛ̀lì mɔ̀ hvɛ mo a teeya nàa màyija.

Hwèwulùwèlì 9:15

Èŋge aŋgèlì e ma rzolowa iŋgi aŋgèlì jàniyɛ. Wɔ̀ hwà mà rzekayɛlɛhwɛ o lì oŋwa lòŋgò lɔ̀kɔ o tenì ya moŋgo mayawo ma hwatò o lìŋgi lìrzàkò mɛnɛ, o woŋgo wùnyà mɛnɛ, o eŋge ŋgbɛndɛ mɛnɛ na o moŋgo ŋma mɛnɛ.

Hwèwulùwèlì 9:18

Iŋgi kàndɛ̀ jàyɛ, eŋge ŋgànà e hwèlì ndi nanù ema mùùnya, Yùutùtù na mùnya ema mo ohvi mɔ̀rzɔ̀nɔ̀ nàa mbòo ema mo ma hwɛ lì wurza iŋgi wɔ̀rzi o iwàna ja awu, i ma oŋwa lòŋgò lɔ̀kɔ o tenì ya moŋgo mayawo ma hwatò hwa hwènàmà.