Hwèwulùwèlì 8:10 - Mokpwe: Bakwery (New Testament)

¹⁰ È aŋgèlì ema e ma ùkirzɛ̀ iyàwò e ma tòŋga lìyɔ̀mi la eni. Aŋga ndi rzombe ndɛnɛ ema e ma oŋwa nàa mòkàkò e ma uwɛ̀lɛ̀lɛ̀yi o ŋmanyu ya lìwòhwɛ là ŋmanyu rzìi e undeya lòŋgò lɔ̀kɔ o tenì ya moŋgo mayàwo ma meyorzo na hwètùŋgu hwe màlìhwa.

Hwèwulùwèlì 8:10 Mawu Ofanana

Matiyò 25:1

Yerzù à mà kpɛɛ mɔ̀ hvɛhvɛ ŋmàna ò lì òhwa nanù ema, “Ò eŋge hvònda ema è Ŋmanà wà è Mòtò wà Hwènàmà à ò jɛ̀ɛ̀, lìkànèyà là ŋmanyu lì ò hwɛ ndi nàa lìyòmɛ̀ là mèyɔ̀mbɔ̀ mè ŋgɔ̀ndɔ̀ ema hwa mà wòwà hwètùlù hwe awu ò lì ɛ̀ndɛ lì ambɛlɛlɛ è mòhwayèlì ò lì ɛndɛ lì mò lìyɛlɛ.

Lukàrzɛ̀ 10:18

Yerzù rzìi a hwa òhweyà nanù ema, “Nà mà ɛ̀nɛ nà òmà Mòkarzɛ̀ a mà unde nàa lìŋmɛ̀tì-ŋmɛ̀tì ò ŋmanyu yà Lohwà.

Judɛ 1:13

Hwanu hwatò hwa gbèyi ndi nàa hwèehwè hwe ndɛnɛ ema hwe hvemàa ò ŋmànja. Nà oma hwe hvema, hwe oma è mbindo ò mokòkò mò ŋmànja. Nànù ndi ɛ̀ɛ̀mɛ̀ ya awu ya wòhwe è wurza. Hwa gbèyi ndi nàa mbɛtɛtu ema jà amàmìyɛ̀nɛ̀ èki yà arzɛ. Jììtìti ema i rzɔ̀ɔŋgɔ̀wu ɔndi Lohwɛ̀ à mà hwa uteya ndèŋgànɛlɛ jò ò hwɛ̀ɛ natɛ̀ɛ nà ò gbìndèyà.

Hwèwulùwèlì 1:20

È wùndɛ̀ ema e hwèlì lì hvomɛ̀nɛ̀ lìrzàmba la rzombe ema lì hwèlì o lìya la ami la mome na lìrzamba la mboko ja gòòlù ja hwètùlù hwe hwèlì ndi: Lìrzàmbà la rzombe lì hwèlì ndi i aŋgèlì lìrzàmba ja lìrzàmba la mèèmbà, ndeŋgànɛlɛ lìrzàmba la mboko ja gòòlù ja hwètùlù hwe hwèlì ndi lìŋgi lìrzàmba la mèèmbà.”

Hwèwulùwèlì 12:4

A ma lùùtà lòŋgò lɔ̀kɔ la moŋgo màyàwo la irzombe ema i ma kɛ̀ɛ̀mɛ o ŋmanyu ya lìwòhwɛ la ŋmanyu na moondo mo eni, a ji undirzɛ o rze ya mɔ̀nyɛ̀. Èŋge dragɔ̀ni e ma tɛ̀mɛ̀ o worzo wo ama oŋgo molàna ema à mà arza lì ŋyàa, àŋga nanù a ŋyàa tɛ a mo laana e ŋmanà wa eni.

Hwèwulùwèlì 14:7

Èŋge aŋgèlì è mà ohwa nà lìlo lì kàrzami nanù ema, “È ŋgbe Lohwɛ̀ èluhwe, ndèŋgànɛ̀lɛ̀ è hwɛ ndi ò lì mò eka, ehwànja è hvonda yà eni yà lì kàyìrzɛ hwatò è mà ɔlɛ̀. È mò kanɛ̀ mɔ̀ ema à wèki è ŋmanyu yà lohwà, è rze yà mɔ̀nyɛ̀, ŋmàànjà nà hwètùŋgu hwe malìhwa.”

Hwèwulùwèlì 16:4

È aŋgèlì ema e ma ùkirzɛ̀ iyàwò e ma koma hwètàtò hwe ndɛnɛ hwe ama Lohwɛ̀ ema hwe ma hwɛ o tenì ya ewoki ya eni o meyorzo na o hwètùŋgu hwe malìhwa rzi hwe àyèŋgòwɛ̀ màyija.

Hwèwulùwèlì 6:13

Irzombe ja lìwòhwɛ la ŋmanyu i ma kùwa lì unda o rze ya mɔ̀nyɛ̀, na oma hwetɔwɛtɔwɛ hwe hwehvùma hwe komeya o rze e hwèlì tɛ ema e mbɛ̀hvɛ̀nì e nyìŋgìrzɛ̀nɛ̀yi tɛ gbee.

Hwèwulùwèlì 8:7

È aŋgèlì yà wòrzo e ma toŋga lìyɔ̀mi la eni. Aŋga ndi e mbuwà ya màŋyàyi na mùùnya emà ma mà hviyànɛlɛhwɛ na màyija mà ma wòteyà o lì komeya o rze yà mɔ̀nyɛ̀. Lòŋgo lɔ̀kɔ o tenì ya moŋgo mayàwò ma e rze ya mɔ̀nyɛ̀ lì ma rzeeya la arzɛ. Lòŋgo lɔ̀kɔ o tenì ya moŋgo mayàwo ma mayi na hweyàlì hwe arzɛ hwe ma rzèèya.

Hwèwulùwèlì 9:1

È aŋgèlì ema e ma ùkirzɛ̀ ita e ma tòŋga lìyɔ̀mi la eni. Rzìi na ɛnɛ rzombe ema e ma akakowɛ o lìwòhwɛ la ŋmanyu rzìi e unda o rze ya mɔ̀nyɛ̀. Ène rzombe e ma ŋgbààhwà ilìhvowàni ja ehvɔ̀ndi ema e rza ohvɛ lìrzùkù.

Hwèwulùwèlì 9:15

Èŋge aŋgèlì e ma rzolowa iŋgi aŋgèlì jàniyɛ. Wɔ̀ hwà mà rzekayɛlɛhwɛ o lì oŋwa lòŋgò lɔ̀kɔ o tenì ya moŋgo mayawo ma hwatò o lìŋgi lìrzàkò mɛnɛ, o woŋgo wùnyà mɛnɛ, o eŋge ŋgbɛndɛ mɛnɛ na o moŋgo ŋma mɛnɛ.

Hwèwulùwèlì 9:18

Iŋgi kàndɛ̀ jàyɛ, eŋge ŋgànà e hwèlì ndi nanù ema mùùnya, Yùutùtù na mùnya ema mo ohvi mɔ̀rzɔ̀nɔ̀ nàa mbòo ema mo ma hwɛ lì wurza iŋgi wɔ̀rzi o iwàna ja awu, i ma oŋwa lòŋgò lɔ̀kɔ o tenì ya moŋgo mayawo ma hwatò hwa hwènàmà.