Hwèwulùwèlì 7:9 - Mokpwe: Bakwery (New Testament)

⁹ Ò mburzà yà hwenè hweyà hwe arzɛ, ɔndi nà à ɛnɛ ŋgìndì ndɛnɛ yà hwatò. Hwa mà kòka nyayi ema tɔ̀ mòtò à rzìi tànɛ ò lì hwa aŋga. Hwa mà uwɛ̀lɛ̀lɛ̀yi ò èkomè nà èkomè, hwa mà uwɛ̀lɛ̀lɛ̀yi ò màtumba nà màtumba, hwa mà hwɛ inyayi ja hwatò jà arzɛ rzìi hwa à ohwa hvɛ ò ihvɛhvɛ mbɔrzi. Hwa mà tɛ̀mɛ̀ ò worzo wò è konda yà lìkànèyà nà ò worzo wò è Ŋguma yà Mɔ̀lɛ̀ŋgù. Hwa mà wɔtɔ̀ meŋgombe mè mbɔ̀mi rzìi hwa tɛtɛ hvɛ ì nyàŋgo ò màa mà awu.

Hwèwulùwèlì 7:9 Mawu Ofanana

Lukàrzɛ̀ 12:1

O mburzà hvònda ŋgìndì yà hwatò è mà arzàŋgànɛ natɛ̀ɛ, ò rzi hwɛ tɔ̀ ehvòlò. Aŋgà ndi Yerzù à wòteyà lì hwa òhwànà lì wòtàneyà hwà-òkòwèlì hwe eni nanù ema, “È aŋgòhweyà mehvìlì me Ihvalìrzàyì ema me hwèlì ndi nàa èhwindi ema e hvùhvà.

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Yòwanìrzɛ̀ 12:13

Rzìi hwa kɛ̀ inyàŋgò, hwa ɛ̀ndɛ lì mò ùŋmànɛ̀lɛ̀ ò njiya. Hwa mà hwɛ lì tɛ̀ɛ nanù ema, “Hòrzanà! Mònàmɛ̀ nà è mɔ̀ ema à jelì ò lìnà là ama è Rzàŋgò. Mònàmɛ̀ nà è Kìŋgɛ yà hwatò hwa Irzàyɛ̀lì!”

Ròmànì 11:25

Ìi wònyànyàŋgò wa ami kòkò, na arza nanù ema e rzɔ̀ŋgìtɛ̀nɛ̀ eyà ema natɛ̀ɛ na nàŋgɛ tɔ̀ mòtò a rzi rzɔ̀ŋgìtɛ̀nɛ̀, aŋga nanù e rzi lùteyà nanù ema e òhvi lìhwiyè rzayi-rzayi. Nà arza nanù ema e rzɔ̀ŋgìtɛ̀nɛ̀ nanù ema, maniyà mà lòŋgò la hwatò hwa Irzàyɛ̀lì ma ò hwɛ natɛ̀ɛ na ò hwaŋga hwatò hwa arzɛ ema hwa rza enje wònyà Yudà ema hwa rza lòkɛ̀ hwa ò lòkɛ̀.

Ɛ̀hvìrzìyà 6:13

O èŋgànɛ̀lɛ̀ rzɔ e akpatɛ na hwèèmà hwe arzɛ hwe njuma ema Lohwɛ̀ a e ŋgbelì aŋga nanù o wùnyà wo wòhwe hwa jèelì tɛ, e o tànɛyi lì teŋgɛ̀nɛ̀ hwàkɔ̀yèlì. È o ana natɛ̀ɛ na o lìrzùkù ndeŋgànɛ̀lɛ̀ e o tɛ̀mɛ̀ na ŋginyà.

Hibrù 11:12

O eŋgànɛ̀lɛ̀ rzɔ tɔ̀ nɛ Abràhamù à mà une rzayi-rzayi nyayi ema a rzi tanɛ lì ŋya ŋmanà, ndi e nyɔ̀ŋgɔ̀nì ya arzɛ e uwɛ̀lɛ̀lɛ̀yi ndi na mɔ̀. Èŋge nyɔ̀ŋgɔ̀nì e ma koka ndi nàa irzombe ja lìwòhwɛ̀ la ŋmanyu na e nyàŋga o rzàawà ya ŋmànja ema e rza tànɛyi lì aŋgahwa.

Hibrù 12:22

Ndi inyɔ e ma jà ndi o lì kombɛnɛ e hvàko ya Rzayɔ̀nì. È ma jà o e mbowà ndɛ̀nɛ ya ama Lohwà ema lì hwèlì lòŋgɛ. Èŋge mbowà e hwèlì ndi Jèrurzalɛ̀mù ema e hwèlì o ŋmanyu. Rzayi-rzayi ja aŋgèlì i ma arzàŋgànɛ̀ o tenì na mɔ̀nyɛ̀ŋgì.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 22:3

Tɔ̀ mamɛ ema Lohwɛ̀ à mà jemɛ e rza o hwɛ o tenì ya eŋge mbowà ndɛnɛ hvɛ. È konda ya lìkànèyà ya ama Lohwɛ̀ na e ya ama e Ŋgumà ya Mɔ̀lɛ̀ŋgù jo o hwɛ o tenì ya eŋge mbowà ndɛnɛ. Ndeŋgànɛ̀lɛ̀ hwàgbèèlì hwa ama Lohwɛ̀ hwa o mo kanɛ̀.

Hwèwulùwèlì 3:18

Nà e kòkòwɛ̀lɛ̀ o lì no àndana e gòòlù ema e ma akɛlɛhwɛ o tenì ya mùnya, aŋga nanù e timba hwèwàŋgì. Nà e kòkòwɛ̀lɛ̀ o lì no àndana lìhwatu la mbɔ̀mi ema e wɔ̀tɔ̀, aŋga nanù irzɔ̀ni ema morzombo mo anyu mo jànà mo rza o ɛnɛhwɛ. Ndeŋgànɛ̀lɛ̀ e no àndane lìyɔ̀ki ema e tuka o mìrzɔ ma anyu aŋga nanù e ɛnɛ.

Hwèwulùwèlì 4:4

Ihvɛhvɛ mbàŋgɛ ja konda na inɛyi ja lìkànèyà i ma tòŋga eŋge konda, ndèŋgànɛ̀lɛ̀ mbàŋgɛ ya hwàmbaki na hwànìi, hwà mà lìya o ŋmanyu ja iŋgi konda. Hwà mà wɔ̀tɔ̀ màatù ma mbɔ̀mi rzìi hwa wɔ̀tɔ̀ hvɛ hwèkòòtò hwe gòòlù o meyohvo me awu.

Hwèwulùwèlì 5:11

Nà mà ɔ̀ŋgɔ hvɛ, rzìi nà hweyà màlo mà rzayi-rzayi jà aŋgèlì. Wɔ̀ hwa mà tòŋga eŋge èki yà è konda yà lìkànèyà, ò èki ema hweŋge hwèembe hwe àniyɛ̀ nà hwàmbaki hwa hwatò hwa mà hwɛ. Iŋgi aŋgèlì ì mà hwɛ hwèkolì nà hwèkolì nà hwèlùnì nà hwèlùnì.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.

Hwèwulùwèlì 6:11

Ndeŋgànɛlɛ tɔ̀ ima mɔ̀kɔ wa awu à mà ŋgbahwa mòŋgombè mò mbɔ̀mi, rzìi hwa ohwàhwɛlɛ nanù ema hwa ambɛ̀lɛ̀ hvɛ ŋmanà hvoka hvonda, natɛ̀ɛ na e hvonda ema mɔ̀rzɔ̀ŋgi mo hwahvɛhvɛ hwàgbèèlì ema hwa hwèlì nàa wɔ na wònyànyàŋgò hwa awu hwa ama Krirztò ema hwà mà hwɛnɛ lì oŋwahwa na oma wɔ̀hvɛ hwà mà oŋwahwɛ mo ondìrzɛ̀hwɛ.

Hwèwulùwèlì 7:8

O lìtumba la ama Rzɛ̀bulɔ̀nì o ma hwɛ lìyomɛ la hwekolì hwe hwatò na hwèhwàkɛ, o lìtumba la ama Jòrzɛ̀hvù, o ma hwɛ lìyomɛ la hwekolì hwe hwatò na hwèhwàkɛ, na o lìtumba la ama Bènjàmɛ̀nì, o ma hwɛ lìyomɛ la hwekolì hwe hwatò na hwèhwàkɛ.