Hwèwulùwèlì 7:16 - Mokpwe: Bakwery (New Testament)

¹⁶ Wɔ̀ hwa rza o hweyà a hweyà hvɛ tɔ̀ njàwò, ndèŋgànɛ̀lɛ̀ hwa rza o hwɛnɛ ahwɛ̀nɛ̀ hvɛ tɔ̀ nyìrzɛ ya malìhwa. Igbe i rza o hwa hvahva hvɛ, ndèŋgànɛ̀lɛ̀ hwa rza o atowɛ tɔ̀ ètùmbàtùmbà ndɛnɛ hvɛ.

Hwèwulùwèlì 7:16 Mawu Ofanana

Matiyò 13:21

Ndi Èya ya Lohwà e rza hwa rzɔ̀ŋgɔ ò mèèmà me awu, ndèŋgànà e rza kùwà mbɔ ò mèèmà me awu. O èŋgànɛ̀lɛ̀ rzɔ mòtàkà tɔ̀ mòhvùŋgu mò hwa jɛlɛlɛ tɛ lì hvòmɛ̀nɛ̀ mòŋgò ŋmɛ̀ndì mò ama Lohwɛ̀, wɔ̀ hwa rzɔnjɛ̀lɛ̀ ŋgelì hvɔ̀kɔ.

Matiyò 13:6

Ndi na òma igbe ja ŋginyà ì mà wurze ì mà rzɛlɛ èŋge mbòtà rzìi e ùhwà, rzìi e ŋwa, èhwanja meyaŋgà me rzi rzɔŋgɔ̀ ò tenì yà mɔ̀nyɛ̀.

Matiyò 5:6

Mònàmɛ̀ nà hwatò ema hwa òhvi è njàwò nà è nyìrzɛ̀ ò lì gbèya hwèyà ema Lohwà arza nanù ema hwa gbèèye èhwanja Lohwɛ̀ à ò hwa ujirzɛ̀.

Makòrzì 4:17

Ndi eŋge Èya yà Lohwà è rza ònahwa ò mèèmà mè awu, ndi hwa è lòkɛ̀ ndi ò ŋmanà hvòkà wà hvònda mɛnɛ. Ò èŋgànɛ̀lɛ̀ rzɔ ìndùtù tɔ̀ mètàkà me jelì tɛ, hwa akòohwɛ̀ ò mburzà ò lìwòkìmɛ̀nɛ̀.

Makòrzì 4:6

È hvònda igbe ja ŋginyà ì mà wurze ì mà rzɛlɛ èŋge mbòtà rzìi e ùhwà, rzìi e ŋwa, èhwanja meyaŋgà me rzi rzɔŋgɔ̀ ò tenì yà mɔ̀nyɛ̀.

Lukàrzɛ̀ 1:53

À ujìrzɛ̀yi è wɔ̀ hwa njàwò nà hwema hwe gbamù. Ndi à tìmbìrzɛ̀ hvɛ hwatò ema hwa òhvi rzayì-rzayì nà màà ma ŋgundu.

Lukàrzɛ̀ 6:21

Mònàmɛ̀ nà inyɔ ema è hweyà njàwò nàŋgɛ èhwanja Lohwɛ̀ à è ujìrzɛ̀. Mònàmɛ̀ nà inyɔ ema è hwèlì ò lùwa nàŋgɛ èhwanja è hwɛnì lì yɔ̀ɔ.

Yòwanìrzɛ̀ 4:14

Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Jèmìrzì 1:11

È hwèlì tɛ nanù ema igbe i hvànya ŋginyà-ŋginyà, eŋge etùmbàtùmbà e rzɛlɛ hwèwùlè ndèŋgànà iŋgi mbonji ja hweŋge hwèwùlè i hwɛni lì kòmeyà o rze ndèŋgànɛ̀lɛ̀ mòlòŋgà mo awu mo kuwa. Nànù hvɛ mɛ̀nɛ ndi hwèwàŋgì hwe hwatò hwe hwɛni lì kuwa nàa oma wɔ hwa oŋgama mònàmɛ̀ mo awu o mburza.

Hwèwulùwèlì 21:4

A o hwa titowa tɔ̀ ima mirzɔ̀lì o mìrzɔ ma awu. O rza o hwɛ hvɛ tɔ̀ kpelì, tɔ̀ lì ehwɛ, tɔ̀ luwa, tɔ̀ mòrziyò. È o hwɛ ndi nanù ehwànja hweyà hwe mbolowa hwe ma aka.”