Hwèwulùwèlì 7:11 - Mokpwe: Bakwery (New Testament)

¹¹ Hwàto ema hwa mà tòŋga è kondà yà lìkànèyà hwa arzɛ hwa mà hwɛ ndi aŋgèlì, hwàmbaki hwa hwatò, nà hweŋge hwèembe hwe ànììyɛ̀. Wɔ̀ hwa arzɛ hwa mà kpa ò rze ò worzo wò è konda yà lìkànèyà ò lì ŋgba Lohwɛ̀ èluhwe.

Hwèwulùwèlì 7:11 Mawu Ofanana

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Hibrù 1:6

È hvonda ema Lohwɛ̀ à mà arze ò lì oma è Ŋmanà wà eni wà worzo ò ene rze à mà ohwa nanù ema, “Inyɛ̀ i aŋgèlì jà ami ja arzɛ i mò kanɛ̀.”

Hwèwulùwèlì 11:16

Rzìi è mbàŋgɛ yà hwàmbaki nà hwànìi ema hwa mà lìya ò ikonda jà awu jà màkànèyà ò worzo wò ama Lohwɛ̀, hwa mà kpa ò worzo wò ama Lohwɛ̀ rzìi hwa à mò ŋgba èluhwe.

Hwèwulùwèlì 15:4

Ìi Rzàŋgo, njɛnɛ a rza o oka wɔ̀ŋgɔ̀ e? Njɛnɛ a rza o ŋgba èluhwe e? O wà witi mɛnɛ ndi o hwèlì wòtani. Hwàto hwa hwèkòmè hwe arzɛ hwe e rze ya mɔ̀nyɛ̀ hwa o jà o lì o kànɛ. Èhwànja hwègbèèlì hwe aŋgɔ hwe ehve-ehve hwe ma wulùwahwà.”

Hwèwulùwèlì 22:9

Ndi eŋge aŋgèlì e ma no òhweyà nanù ema, “O rza gbeyà nanù! Imba hvɛ na hwèlì ndi mògbèèlì wa ama Lohwɛ̀ nàa o wa, ndèŋgànɛ̀lɛ̀ na hwanɛ wònyànyàŋgo hwa aŋgɔ hwa ama Krirztò ema hwa hwèlì hwà-òhwèlì hwa hwèlìŋgɛ̀ na hwatò ema hwa gbeyà hweyà ema hwe tìlahwì o tenì ya ene kààti. Lohwɛ̀ ndi inyɔ e àŋgàmɛ̀nɛ̀yi lì kànɛ.”

Hwèwulùwèlì 4:10

È hvonda ema hwe mà hwɛ lì emba, eŋge mbàŋgɛ yà hwàmbaki nà hwànìi hwa mà kpa ò worzo wò ama è mɔ̀ ema à lìyayi ò konda yà lìkànèyà, ema à hwèlì ò lòŋgɛ ò gbìndèyà nà ò gbìndèyà. Wɔ̀ hwa mà hwɛ lì mò ŋgba èluhwe, rzìi hwa hvimba hwèkòòtò hwe awu ò rze, ò worzo wò è konda yà lìkànèyà rzìi hwa à emba nanù ema,

Hwèwulùwèlì 4:4

Ihvɛhvɛ mbàŋgɛ ja konda na inɛyi ja lìkànèyà i ma tòŋga eŋge konda, ndèŋgànɛ̀lɛ̀ mbàŋgɛ ya hwàmbaki na hwànìi, hwà mà lìya o ŋmanyu ja iŋgi konda. Hwà mà wɔ̀tɔ̀ màatù ma mbɔ̀mi rzìi hwa wɔ̀tɔ̀ hvɛ hwèkòòtò hwe gòòlù o meyohvo me awu.

Hwèwulùwèlì 4:6

O worzo wo e konda ya lìkànèyà o ma hwɛ yoma nàa ŋmànja ema mo ma àyɛ̀kɛ̀nɛ̀ lìyɛ̀ni ema lì ma hwɛ lì ɛnɛ o tenì. Hwèembe hwenii hwe ma toŋgà eŋge konda ya lìkànèyà o hwèhvàrzù hwe aniyɛ, mìirzɔ mo ma onda o inyo ja awu o worzo na o mburza.

Hwèwulùwèlì 4:8

Tɔ̀ ima yɔ̀ yà hweŋge hwèembe è mà ohva màhvàhve mòtòhwa, ndeŋgànɛlɛ hwe mà kùmɛ̀nɛ̀hwɛ̀ nà mììrzɔ̀ è nyo yà arzɛ, tɔ̀ natɛ̀ɛ nà ò tenì yà mahvàhve mà awu. Hwe rzi hwɛ̀mɛ̀ jèembò ŋmèrze nà wùù. Hwe mà hwɛ lì emba nanù ema, “Lòohwɛ̀ ema a karzamì, à hwèlì, Wòtani, wòtani, wòtani. Mɔ̀ ema à mà hwɛ, è mɔ̀ ema à hwèlì ndèŋgànɛlɛ è mɔ̀ ema à hwɛni lì jà.”